Yeremiya 8:10 - Mawu a Mulluku

¹⁰ Sika awariwa kineerewaavelleella wa allopwana amodda, emata ddiwa kineeroddivelleella wa ayo enaavollowe munipuroni mwiwa. Vawi arive muthu, muullupalli ni mung'onong'ono, ookhalla ni eyuuma yoophwanya mwawoottha. Anamallotella ni allupa mukutho, attheene tti awoottha.

Yeremiya 8:10 ပူးပေါင်းရင်းမြစ်များ

Ezekiele 33:31

Athwaaka ennatthukumana wa weyaano enakeraatthi vatthi wi yiiwe nnddo onalloteewe. Koma yaddiiwa khenaddithwara. Ddoollota ddiwa ddinnooniha echikondi koma mirima ddiwa ddiri va opindula.

Tito 1:11

Tti woopaalleya waamaalliha kaambiiwa ennaapheelliha muru mabanja mattheene voohuddihani ddoohiphwanella. Eneera ddenndda ni yoolinga yoonanara, yoopaalla ophwanya makobiri.

Zefaniya 1:13

Eyuumiiwa eneerewaakhiwa ni adaniiwa, enyumba ddiwa eneeroddikumulla. Eneeromaka enyumba koma khewa ekhallamo. Eneerewaalla emata ddampesa koma khewa emuwirya vinywiiwa.

Amosi 5:11

munnaanyingallella oohoowa ni owiiyera tirigwiiwa. Naarive mumakille enyumba ddamalluku oosema, khamukhallakamo. Naarive mullimalle emata ddampesa ddaphaama, khammuwirya vinywiiwa.

Yesaya 28:7

Naarittho anamallotella ni allupa mukutho ennahahareya ni vinyo, ddoowirya ddoowalli ddohaalezeliha. Attheenaayo miru ddiwa ddoopallalleya ekaamba ya vinyo nave ennahahareya ekaamba ya ddoowirya ddoowalli. Enniiwesesa moolakwa nnddo enooniiwa m'masomphenya nave kheneeruza millatu mweechilungamo.

Tito 1:7

Vawi oohoollella mpingo anaphwanella ahikhalle ni yookayikella kaambiiwa olliye ari wonanko kapitawo a munibanjani na Mulluku. Ahikhalle awiitukhulla apaalle awaakuva osha murima apaalle oolezela apaalle a maraapwa apaallettho a nrima na makobiri.

Mika 3:11

Oohoollella kheneeruza vaahikhalla ddamukaphwani, allupa mukutho khenahuddiha vaahikhalla mallivello navettho anamallotella khenallotella vaahikhalla makobiri. Komave enahameella va Apwiya voollotani wi, “Ethiyo Apwiya kheri variyari vahu? Kheyiivo yookatamiha enaanimorelle!”

Mika 3:5

Vookhalla anamallotella ayo enaahollosa athwaaka. Mmodda aavaha yoocha, ennallotella dda murendelle. Koma mmodda ahaavaha yoocha, ennamullotella dda ekhoto.

Maliro 4:13

Ddenndda ddaheereya ekaamba ya machimo a anamallotelliiwa ni ddoonanara dda allupa mukuthwiiwa ayo yawiiphalle oolungama.

Yeremiya 32:32

Athu a o Israele ni Yuda, mamweniiwa, enduna ddiwa, allupa mukuthwiiwa, anamallotelliiwa ni attheene ookhalla o Yerusalemu ni o Yuda, yaakishiha murima ni mitteko ddiwa ddoonanara.

Yeremiya 5:31

Anamallotella ennallota ddawoottha nave allupa mukutho ennakhullellana. Komave athwaaka ennakonda ddenndda. Ethiyo muneere tini voomallihella?”

Yobu 31:10

vano mwaaraka amusillelleke mmodda, olliye akoneke ni allopwana amodda.

Yesaya 57:17

Kaasha murima ekaamba ya osilila wiwa woonanara nave kahaallaka ni waareya etulli komave yaavirellella ohiiwellella ni wummiha murima ni othwara ettilla ddiwa.

Yeremiya 14:18

Kaaweetaka ohakani, kinnawoona awiiphiwa vakhotoni. Kaavollowaka m'muzindani, kinnawoona ookhwa ni ettalla. Anamallotella ni allupa mukutho ennavirellella ophara mitteko ddiwa mwiillaponi, koma khenadduwella nnddo eneeriiwa.”

Yeremiya 17:11

Muthu oophwanya eyuuma mwawoottha ari wonanko ekhwalli yoopuramella mooche ehaarenlliiwa. Vihinallekelle eyuumeeyo ennammallella, voomallihella annatthattuwa ookarangeya.

Yeremiya 22:17

Koma maganizwaawo ni murimaawo ddiri va mphuro wawoottha, va ddoowiipha oohichimwa ddeekuku ni waahoosa athu.

Yeremiya 38:22

atthiyana attheene oohalla mu enyumba yoomwene a o Yuda eneerovelleelliwa wa enduna dda mwene a o Babiloni. Vooyaani o Babiloni, atthiyanaayo eneerekewiipa nchipo nawi, ‘Akhwaawo oororomelleya yahuulleka ni wuugonjiha, meto ddawo ddootora m'matokwini, akhwaawo aahokollweella mutulli.’ ”

Yeremiya 42:1

Vano oohoollella attheene a akhoto ni Yohanani mwaana a Kareya, Azariya mwaana a Hoshaya ni athu attheene, uullupalli ni ang'onong'ono yaaya wa namallotella Yeremiya emulleella wi,

Mika 2:4

Nllapo nenno athu eneerewuunyemullani voowiipellani nchipo na maliro wi, ‘Otulli, nohoonongeya! Apwiya aanaakha ellapwaahu, ahaakawella ayo eniphanre okaporo.’

Habakuku 1:6

Kineerewaawelliha odindo Ababiloni, mutundu wawoopiha ni wamasiva, eneerophiya virive veko va ellapo yavatthi wi yaakhe mapuro aaneena.

Yeremiya 14:14

Koma Apwiya yaakaakhulla wi, “Ddawi anamallotellaayo ennallotella mu nnddina naka tti ddawoottha. Ngaatthoollille apaalle waaruma apaalle ollota ni alliwaayo. Alliwa enallotella ddawoottha nnddo eneeriiwa eddoonille m'masomphenya. Enoombesa mwawoottha, nnddo enallotiiwa tti dda m'muruni mwiwa.