Yeremiya 7:9 - Mawu a Mulluku

⁹ Munniiya, munniipha, munnararuwa, munnallupella mwawoottha, munnavelleella mikutho wa Baala ni ollapella milluku ddimodda nnddo khalle mwahiddidduwelleenyu.

Yeremiya 7:9 ပူးပေါင်းရင်းမြစ်များ

Yeremiya 7:6

Muhaahooseke alleto, akhwaadduni apaalle anaamukhwelle. Muhiwiiphe athu oohichimwa va nipuro nenna. Muhillapelleke milluku ddimodda wi muhoonongeye.

Eksodo 20:3

“Ohikhalleke ni milluku ddimodda koma meeneve.

Yeremiya 11:17

“Apwiya Amasiva Mattheene ayo yawaallilleni sika yeeruzalle wi eneerewuullakani mwawoopiha ekaamba ya ddoonanara mweerilleenyu nyu a mu nibanja na Israele ni na Yuda. Mohaashiha murima voovelleellani mikutho wa Baala.”

Yeremiya 11:13

Ddawoona, we Yuda, milluku ddawo tti ddinchichi wonanko mizinda ddawo. Makuwa oovelleellellavo mukutho wa Baala oowulliha muru tti manchichi wonanko misewu dda mu Yerusalemu.

Yawuupullulla 22:15

Koma otte wa muzindooyo wookhalla anapwa, ayo eri athu aweera ddookhwiri, ddooraruwa ni ddawiipha, ayo enallapella nifano nave ayo eri awoottha mu mawu ni m'mittekoni ddiwa.

1 Mamwene 18:21

Eliya ahaatamella vakhuviru ni athu attheenaayo aakoha wi, “Ethiyo munaakayikeke ophiyera niini? Apwiya yaarimi eri Mulluku, athwareni. Koma Baala aarimi ari Mulluku, muthwareni olliye.” Athwaayo kheyaamwaakhunlle naari vang'ono.

Yawuupullulla 21:8

Koma athu awoova, oohiroromelleya, ookonda ddoonanara, ooraruwa, owiipha, oweera ddookhwiri, oollapella mafano nave attheene awoottha, nipuro niwa sika enyanja ya munllo ni sulufure. Yeella sika okhwa waneepiilli.”

Aroma 2:2

Attheene ninnadduwella wi echiweruzo ya Mulluku va athu eneera ddeko ddenndda tti yawoona.

Malaki 3:5

Apwiya Amasiva Mattheene enallota wi, “Kineerewooneyella wa nyuwaano wi keeruze nave kineerovelleella omboni wowaavaanyiha attheene ehinakoova monga amasenga, ooraruwa, oollupella mwawoottha, oowiiyera mallivello allupa muttekwiiwa, owaanyingallella anaamukhwelle, akhwaadduni ni athu eelleto.”

Zefaniya 1:5

Kineerowoonongattho ayo enakokhora vaddullu va enyumba ddiwa enallapella nndduwa, mweeri ni etheneeri. Kineerowoonongattho ayo enaallapella Apwiya enallupella mu nnddina niwa, nngu ellupellaka mu nnddina na Milikomu.

Ezekiele 18:18

Koma vawi attiitthinnya yaachimwa vawaahoosani athu amodda ni omwiiyera mbaliiwa navettho oweerella ddoonanara akhwiiwa sika eneerokhwa ekaamba ya machimwiiwa.”

Yeremiya 44:3

Ddittheddenenndda ddaheereya ekaamba ya machimo a athu ayo yattatthamunlle owallaaka, vawoosellani lubani* milluku ddimodda ni oddirumeyella, milluku ddoohidduwelliwa ni alliwa, nyuwaano apaalle makhollwaanyu.

Yeremiya 32:29

Ababiloni eneerowuuhella ekhoto. Eneerowoosa munllo ni owukumulla makamaka enyumba nnddo athu yakishihereewavo murima vawoosani lubani* wa Baala ni voovelleellavo mikutho dda yoowirya wa milluku ddimodda vaddullu viwa.

Yeremiya 13:10

Athu oonanaraalla aakhoota wiiwellella mawaaka yahumma murima, yaathwara milluku ddimodda ni oddillapella. Alliwa enaakhalle wonanko ekuwo yoohikhalla ni muttekoolla.

Oweeruza 5:8

Athu yatthoonlliiwa milluku ddimodda, ekhoto yaaphiya mwiillaponi. Mwa athu 40,000 mu Israele, ttaani atukhullalle yoomuteteza apaalle nivaka?

Deuteronomo 32:17

Yaaheraatthella mikutho o minepa ddoonanara, nnddo ddihiri Mulluku, milluku nnddo Aisraele yahiddidduwenlliiwa ovenyera khalle, milluku ddoowa osillesille, nnddo makhollwiiwa yahiddillapenlliiwa naari vang'ono.

Yesaya 1:13

Muhiweenattho mikutho ddoohikhalla ni mutteko vawi naari mwiisi wa lubani* onnakinanara. Ngivillellana mitthukumano ddanyu ddamavekello apaalle Ehakallallo dda Wooneya wa Mweeri ni dda mallapwaanyu a Sabata. Ngivillella ni mitthukumano ddoonanarihiwa ni machimo.

Yesaya 58:2

Ennakaashaasha nllapo ni nllapo voopaallani wi edduwelle ettilla ddaka. Wonanko mutundu waweera ddoolungama oohihiya malangizo a Mullukwiiwa, alliwa ennakiveka malangizo oolungama nave ennahakallalla okaatamella miyaano Mullukwiiwa.”

Yeremiya 1:16

Nave kineerowiipa mullatu athwaaka ekaamba ya machimwiiwa vookihiyani mi. Yaavelleella mikutho wa milluku ddimodda nave yaanallapella ddeko ddoopangiwa ni mattiiwa.

Yeremiya 5:7

Apwiya enallota wi, “Kinuukhululukelleni mwawiidde? Aniinyu yookihiya miyaano, enallepella wa milluku ddawoottha. Miyaano kahaavaha ddoopaalla ddiwa ddittheddene komave yaaddivelliwa oraruwa, yatthukumana mu enyumba dda mahule.

Yeremiya 18:15

Kheddiiddo! Koma athwaaka aakitiwalla, enoosella lubani* milluku ddawoottha nnddo ddaakwakwatuwiha mu ettilla ddaka ddakhalle, eneeta mu ettilla ddamuhakani, ohiya musewu waphaama.

Yeremiya 19:4

Kineere ddenndda ekaamba yawi athu aakikhoota nave aaripiha nipuronna. Enoosella lubani* milluku ddeelleto nnddo alliwa, makhollwiiwa ni mamwene a o Yuda yahiddidduwenlliiwa. Nave vanipuroninna yaamorihellavo nikhame na athu oohilakwa.

Yeremiya 44:8

Kaambiiwa tini munattatthamulleenyu owallaaka vaweerani ddoonanara ni mattaanyu navettho vawoosellani lubani milluku ddimodda mu ellapo ya Iguputo mmo munakhalleenyu? Munaddoononga nyookha ni okhalla ello yootembeleliwa ni yoovevulliwa mmwiitthoni mwa athu a mitundu ddittheddene dda va ellapo yavatthi.

Yeremiya 44:9

Ethiyo mootiwalla ddoonanara ddittheddene nnddo yeerille makhollwaanyu, mamwene a o Yuda ni awariwa navettho nyuwaano ni awarinyu, o ellapo ya Yuda ni m'misewuni dda mu Yerusalemu?

Yeremiya 48:35

Kineerewaahiiha Amowabu ayo enavelleella mukutho o mapuro oollapellamo ni woosa lubani* wa milluku ddiwa. Mi Apwiya koollota.

Ezekiele 5:11

“Ddawoona, mi Apwiya Mulluku Ookumi kinimallupella vamiitthoni vaka wi kineerowoonongani vawi mwaaripiha enyumbaaka ni ddeko ddanyu ddinchichi ddoonanara. Vano ngiweerellani echifundo, nguumorellani ethakaraka naari vang'ono.

Ezekiele 23:39

Yaavelleellille aniiwa mukutho o mafanwiiwa, enthawi yeeyo yaavollowa mu enyumbaaka yaweella eyiripiha. Ngoonani, ddenndda sika yeerilliiwa mu enyumbaaka.”

Hoseya 2:13

Kineeromullaka ekaamba yawoosa lubani* wa mafano a Abaala ni ehakallallo ddiwa. Anniireeriha voowarani emphete ni mikhova ddoowallamella mitengo wi athamakelleke ezibwenzi ddaye akitiwalla miyaano. Mi Apwiya koollota.”

Hoseya 6:9

Monga mmo allupaawiiya enamwiipitthelliiwa muthu tti mmo allupa mukutho enatthukumanelliiwa wi ewiipheke athu va ettilla yooya o Shekemu. Ddawoona ennawiipha athu.

Amosi 4:5

Velleellani wa Mulluku mikutho ddanyu ddoothokoza, mwiitukhullekena ddoovelleella ddanyu ddoopaalla vawi nndda sika munakondeenyu, nyu Aisraele. Mi Apwiya Mulluku koollota.”

Yeremiya 5:2

Naari athu ellupellaka vamiitthoni va Apwiya Ookumi, komathi enallupella mwawoottha.

Ezekiele 20:30

Vano waalleelle Aisraele wi Apwiya Mulluku enakoha wi, ‘Ethiyo muneerewiinanariha wonanko mmo makhollwaanyu yeerelliiwa nave yararuwiiwa voollapellani milluku ddiwa ddoonanara?’