Yeremiya 7:8 - Mawu a Mulluku

⁸ “Ngoonani, munnaroromella olleka nko ohinaphuriha ello.

Yeremiya 7:8 ပူးပေါင်းရင်းမြစ်များ

Yesaya 28:15

Muniitukhulla wi mwahiiwanana ni okhwa nave moopangana ni ellapo ya ookhwa. Munnallipa murima wi woononga voowani khowaatamellani. Munaroromella ddawoottha wi okhalle woothawella wanyu nave ddoolleka wi okhalle woovulluwella wanyu.

Yeremiya 23:32

Kinnaakhoota anamallotella ayo enalloha ddawoottha, enaalleella athwaaka ni waavirikaniha ni ddawoottha ddiwannddo. Khe miyaano kaarumalle apaalle waalamula nave kheenaakavihera athu naari vang'ono. Mi Apwiya koollota.”

Yeremiya 23:26

Ethiyo anamallotella awootthaalla ayo enallotella ddoolleka dda m'murimani mwiwa, enaaddisunge ddawootthanndda m'murimani mwiwa ophiyera niini?

Yeremiya 8:10

Sika awariwa kineerewaavelleella wa allopwana amodda, emata ddiwa kineeroddivelleella wa ayo enaavollowe munipuroni mwiwa. Vawi arive muthu, muullupalli ni mung'onong'ono, ookhalla ni eyuuma yoophwanya mwawoottha. Anamallotella ni allupa mukutho, attheene tti awoottha.

Yeremiya 7:4

Muhiroromelleke mawu oolleka vooganizani wi muri vaphaama voollotani wi nipuro nenna tti enyumba ya Apwiya, enyumba ya Apwiya, enyumba ya Apwiya!’

Yeremiya 5:31

Anamallotella ennallota ddawoottha nave allupa mukutho ennakhullellana. Komave athwaaka ennakonda ddenndda. Ethiyo muneere tini voomallihella?”

Yeremiya 4:10

Vano kaallota wi, “Ha, nyu Apwiya Mulluku, ddawoona, mohaalleka wunchichi athu yaalla ni Yerusalemu! Mwahaalonjeza wi eneerokhalla ni murendelle koma nsupada niri vanikohini viwa.”

Yesaya 30:10

Ennaalleella oollohella wi, ‘Muhoonettho.’ Ennaalleellattho anamallotella wi, ‘Muhinillotellettho ddawoona koma munilleelle ddooniddivella, munillotelleke ddam'muruni mwanyu.

Yesaya 59:4

Khaavo anamwiipa mullatu mukhwaaye moolungama khaavo anaaye o nthato namillatu mwawoona. Enaroromella etthiru, enakhallella ollota ddawoottha. Ddawoona, athu oonanara ennakusa erukullu ya ddoonanara, ennayara makhallello oonanara.

Yeremiya 28:15

Vano Yeremiya aamulleella Hananiya wi, “We Hananiya, ngiiwa! Apwiya kheyuurumalle koma onaaroromelliha athwaalla ddawoottha.

Yeremiya 13:25

Muneerewaakhella ollaka nko kuukeraatthihelleemini ekaamba yawi mookitiwalla nave munaroromella milluku ddawoottha.