Yeremiya 7:6 - Mawu a Mulluku

⁶ Muhaahooseke alleto, akhwaadduni apaalle anaamukhwelle. Muhiwiiphe athu oohichimwa va nipuro nenna. Muhillapelleke milluku ddimodda wi muhoonongeye.

Yeremiya 7:6 ပူးပေါင်းရင်းမြစ်များ

Yeremiya 13:10

Athu oonanaraalla aakhoota wiiwellella mawaaka yahumma murima, yaathwara milluku ddimodda ni oddillapella. Alliwa enaakhalle wonanko ekuwo yoohikhalla ni muttekoolla.

Deuteronomo 8:19

Muhaatiwalleke Apwiya Mullukwaanyu ni orukunuwella wa milluku ddimodda wi muddillapelleke vawi kinuuchenjezani moollupella ollello wi mweera ddiiddo muneerotthollowa.

Deuteronomo 11:28

Koma matembelelo, mwaahiiwellellaka malamulwaalla nave mwahiya ettilla eyo kinuulamuleemini ollello ni orukunuwella wa milluku ddimodda ni oddillapella, milluku nnddo khalle mwahiddidduwenlleenyu.

Yeremiya 2:34

Ddoowara ddanyu ddoofiira ni nikhame na athu oohoowa oohichimwa naari mwaahaaphwanyille yinttakaka enyumba. “Komave naari ddiri ddiidda,

Yakobo 1:27

Ollapella wawoona ni waweella vamiitthoni va Mulluku ni Attiitthiihu tti waapwatha akhwaadduni ni anaamukhwelle mu ddoohoosa ddiwa navettho wiivaanyiha weekhaawo wi ohiripihiwe ni dda va ellapo yavatthi.

Malaki 3:5

Apwiya Amasiva Mattheene enallota wi, “Kineerewooneyella wa nyuwaano wi keeruze nave kineerovelleella omboni wowaavaanyiha attheene ehinakoova monga amasenga, ooraruwa, oollupella mwawoottha, oowiiyera mallivello allupa muttekwiiwa, owaanyingallella anaamukhwelle, akhwaadduni ni athu eelleto.”

Yeremiya 19:4

Kineere ddenndda ekaamba yawi athu aakikhoota nave aaripiha nipuronna. Enoosella lubani* milluku ddeelleto nnddo alliwa, makhollwiiwa ni mamwene a o Yuda yahiddidduwenlliiwa. Nave vanipuroninna yaamorihellavo nikhame na athu oohilakwa.

Yesaya 59:7

Enathamakella weera ddoonanara, khenaselliha owiipha athu oohilakwa. Maganizwiiwa mattheene enakhalla va ddoonanara, orive weko enayiiwa ennatthollosa ni woononga.

Deuteronomo 27:19

“ ‘Atembeleliwe arive muthu aweeruza moohilungama alleto, akhwaadduni ni anaamukhwelle.’ “Nave athu attheene yaakhulle wi, ‘Amen!’

Deuteronomo 24:17

“Mulleto apaalle mukhwaadduni muhimweeruzeke moohilungama. Nave naamukhwelle muhikuseke yawiikhuneellanaaye wi ekhalle echikole ya ekongoli.

Mateyu 27:25

Athu attheenaalle yahaakhulla wi, “Mullatu wa okhwa wa muthu yoolla okhalle va hiyaano ni edduullu ddahu.”

Mateyu 27:4

Nave aallota wi, “Koochimwa miyaano voomuvelleellani muthu oohichimwa wi iiphiwe!” Yaamwaakhulla wi, “Khaninna mutteko ni ddennddo hiyaano. Oddoonelle weekhaawo.”

Ezekiele 18:6

ahinachana omiyaangoni ddoollapellamo, ahinallapella mafano a o Israele, ahinamuripiha mwaara amwaneena apaalle okona ni mutthiyana ari omweerini,

Maliro 4:13

Ddenndda ddaheereya ekaamba ya machimo a anamallotelliiwa ni ddoonanara dda allupa mukuthwiiwa ayo yawiiphalle oolungama.

Yeremiya 26:23

Alliwa yaamphara Uriya o Iguputo wenko emuwaana wa mwene Yehoyakimu. Mwene aalamula wi Uriya iiphiwe nave mutembwaaye yaawuvittha o mahame a athu shisha.

Yeremiya 26:15

Koma vano dduwellani wi mwakiipha, muzinda olla ni athu attheene ookhallamo muneerottatthamulla mullatu woomwiipha muthu oohichimwa vawi tti ddawoona wi Apwiya sika yakirumalle wa nyuwaano wi mwiiwe ddittheddene kinalloteemi.”

Yeremiya 7:5

“Musinthe makhallellwaanyu ni ddaweera ddanyu nave mweerellaneke ddoolungama.

Yeremiya 2:30

Kuullakelleni nivuddo nave khemwaahuddenrevo ello. Wonanko mukango wattalla, mwaawiipha anamallotellaanyu ni nsupada.

Masalimo 106:38

Yaamoriha nikhame noohichimwa, nikhame na aniiwa aallopwana ni aatthiyana ayo yaavelleelliiwa mukutho wa mafano a o Kanani, sika yaaripiha ellapweeyo ni nikhame.

2 Mamwene 24:4

navettho ekaamba ya nikhame na athu oohichimwa ayo awiiphalleeye. Olliye aaddalliha Yerusalemu ni nikhame na athu oohichimwa nave Apwiya kheyaamukhululukelle.

2 Mamwene 21:6

Vatulli viwa aamuvelleella mwanaye aamullopwana monga mukutho. Aanoombesa makhanga ni weera dda masenga ni okhwiri. Aheera ddoonanara ddinchichi vamiitthoni va Apwiya nnddo aashihalleeyena murima.

Levitiko 25:17

Sika muhillekane koma mumoove Mullukwaanyu. Mi tti Apwiya Mullukwaanyu.”

Yeremiya 5:28

Yooneneva nave miilli ddiwa tti ddoosalala. Ennavirellella weera mitteko ddiwa ddoonanara, kheneeruza mweechilungamo millatu dda akhwaadduni ni oohoowa wi ddeete phaama.

Yeremiya 7:9

Munniiya, munniipha, munnararuwa, munnallupella mwawoottha, munnavelleella mikutho wa Baala ni ollapella milluku ddimodda nnddo khalle mwahiddidduwelleenyu.

Yeremiya 35:15

Kahaaruma wiilliwiilli amurummwaaka anamallotella wi yuulleelleni wi, ‘Arive muthu mwa nyuwaano ahiye mitteko ddaye ddoonanara. Mupotokose makhallellwaanyu nave muhiye othwara milluku ddimodda, muhiddillapelleke. Sika muneerokhalla mu ellapo eyo kuuvahilleemini nyuwaano ni makhollwaanyu.’ Koma nyu khamwaapwathillewo, khamwaakiiwellelle.

Ezekiele 22:7

Athwaawo ennavevulla attiitthiiwa ni ameewa, enaakatamiha alleto ookhalla variyari viwa, ennaahoosa akhwaadduni ni anaamukhwelle.

Levitiko 19:33

“Muhinamuhoosa mulleto oyo ari variyari vanyu.

Miyambo 23:10

Ohisuse malire akhalle apaalle ovollowa muwari mwa emata ya akhwaadduni