Yeremiya 7:4 - Mawu a Mulluku

⁴ Muhiroromelleke mawu oolleka vooganizani wi muri vaphaama voollotani wi nipuro nenna tti enyumba ya Apwiya, enyumba ya Apwiya, enyumba ya Apwiya!’

Yeremiya 7:4 ပူးပေါင်းရင်းမြစ်များ

Mika 3:11

Oohoollella kheneeruza vaahikhalla ddamukaphwani, allupa mukutho khenahuddiha vaahikhalla mallivello navettho anamallotella khenallotella vaahikhalla makobiri. Komave enahameella va Apwiya voollotani wi, “Ethiyo Apwiya kheri variyari vahu? Kheyiivo yookatamiha enaanimorelle!”

Zefaniya 3:11

Nyu athu a o Yerusalemu, nllapo nenno khamuwa muwulliwattho muru, ekaamba ya ddoonanara ddittheddene mwakiwukilalleenyu. Vawi enthawi yeeyo kineerewuuvenyihellani, attheene awiitukhulla ni awiinyarulla. Khamuwa mweerattho ddawiitukhulla ddanyu, va mwaangwaaka waweella.

Ezekiele 13:19

Mookivenyihella olemu vamiitthoni va athwaaka voopaallani waakhella barele a m'mattani ni enyenyeri dda buledi. Munnawiipha athu oohiphwanella wiiphiwa nave munnaavullusa athu oohiphwanella ovullusiwa voowoottotthani athwaaka ayo eniiwellella ddawoottha ddanyu.’

Yeremiya 29:31

“Orumihe othenga wa akaporo attheene waalleelle mawu a Apwiya oollota dda Shemaya a o Nehelamu wi, ‘Shemaya ohuullotellani naari miyaano ngaamurumalle nave ohuullekani wi mukhulupilileke ddawoottha.

Luka 3:8

Mweereke ddeko ddawooniha wi moorukunuwa murima wonanko muteekho onimma ezipaso ddaphaama. Nave muhinallotaka weekhiinyu wi, ‘Abrahamu sika nikhollo nahu.’ Kinimuulleellani wi Mulluku ttuuwora otthattusa mallukwaalla okhalla edduullu dda Abrahamu.

Yeremiya 28:15

Vano Yeremiya aamulleella Hananiya wi, “We Hananiya, ngiiwa! Apwiya kheyuurumalle koma onaaroromelliha athwaalla ddawoottha.

Yeremiya 6:14

Ennavolliha makhwata a athwaaka vaddulluve. Nave enallota wi, ‘Murendelle, murendelle,’ koma ohiri murendelle.

Yeremiya 29:23

Ddawoona, makhallellwiiwa o Israele yaari oonanara, yaanararuwa ni awara aaneena, yaanallotella ddawoottha munnddina naka kihaalamunle. Mi kinnadduwella, kineerella omboni ddenndda. Mi Apwiya koollota.”

1 Mamwene 9:7

sika kineerewaavenyihamo Aisraelaayo mu ellapo kaavahilleemi. Nave enyumba eyo kayipatulalleemi wi nnddina naka nillapellelliwekemo kineeroyikhoota nave kineeromutthattusa Israele ello yoottheyiha ni yoonyemulliwa variyari va athu attheene.

Yesaya 48:2

Komave munniiromolla ni nnddina na muzinda wawella, munnaashave nikavihero wa Mulluku a Israele oyo nnddina naye tti Apwiya Amasiva Mattheene.

Yesaya 59:4

Khaavo anamwiipa mullatu mukhwaaye moolungama khaavo anaaye o nthato namillatu mwawoona. Enaroromella etthiru, enakhallella ollota ddawoottha. Ddawoona, athu oonanara ennakusa erukullu ya ddoonanara, ennayara makhallello oonanara.

Yesaya 66:1

Apwiya enallota wi, “Oddullu sika mpandwaaka woomwene, ellapo yavatthi sika voonyingallavo manyallwaaka. Ethiyo munaakimakelle enyumba yawiidde? Niri wuuwi nipuro nawiithuuwellamo miyaano?

Yeremiya 7:14

Sika nnddo kimweerelleemi Shilo kineereweerattho va enyumba ella yoodduwanyeya ni nnddina naka, nipuro nno munaniroromelleenyu nave nno kuuvahilleemini ni makhollwaanyu.