Yeremiya 7:34 - Mawu a Mulluku

³⁴ Khowa wiiweyattho mawu oohakallalla ni oottheya o mizinda dda o Yuda ni o misewu dda mu Yerusalemu. Khawiiweyattho mawu oothapella, a ootthella ni ootthelliwa vawi ellapo eneerotthattuwa otthako.’ ”

Yeremiya 7:34 ပူးပေါင်းရင်းမြစ်များ

Yawuupullulla 18:23

Khamuwattho mooneya okhara wa enyali mwa weyaano, khamuwa mwiiweya mawu a ootthella ni ootthelliwa mwa weyaano. Allupa malondaawo yaari amasiva va ellapo yavatthi ettheene koma wahaalleka athu attheene a va ellapo yavatthi ni masengaawo!”

Hoseya 2:11

Kineeromalliha ohakallalla waye otthewene, Ehakallallo ya Wooneya wa Mweeri, ya Masabata ni ehakallallo ddimodda ddoopatuleya.

Ezekiele 26:13

Kineerohiiha onyakulla wa machipwaawo nave winlla wa magitala khowa wiiweyattho.

Yeremiya 25:10

Kineeromalliha mawu oohakallalla ni oottheya variyari viwa. Kineerohiiha mawu oothapella a ootthella ni ootthelliwa. Khowa wiiweyattho onyakulla wa nsillo nave kineerothiimiha enyali ddittheddene.

Yeremiya 16:9

Apwiya Amasiva Mattheene, Mulluku a Israele enallota wi, “Vano va nipuro nenna kineerewaamalliha mawu eehakallallo ni oothapella nave kineerovenyihavo mawu a ootthella ni ootthelliwa nyu moonaka.

Yesaya 1:7

Ellapwaanyu yootthattuwa ntepe nave mizinda ddanyu ddohoosiwa ni munllo. Alleto ahaakha ellapwaanyu ni woononga erive ello moonaka.

Levitiko 26:33

“Kineerowiikarihani ni nsupada. Nave kineerewuupallallesani variyari va mitundu ddimodda nave Ellapwaanyu khekhalla ni athu nave mizinda ddanyu ddineerotthattuwa matepe.

Mika 7:13

Koma ellapo yavatthi eneerotthattuwa echipululu ekaamba ya ddoonanara dda athwiiwa vawi yaayo sika mallivello a mitteko ddiwa.

Yeremiya 4:27

Apwiya aallota wi ellapo yavatthi ettheene eneerotthattuwa echipululu komave kheyikokholla.

Yesaya 3:26

Sika va millako ddawo vineerokhalla winlla nave oneerotthollosiwa ni okeraatthihiwa muthaani mattave.

Yeremiya 33:10

Apwiya enallota wi, “Athu enallota wi nipuronna tti ntepe noohikhalla ni athu naari enama. Komave m'mizindani dda Yuda ni m'misewuni dda Yerusalemu mmo vano muri ellapo tuu, moohikhalla muthu naari enama,

Yesaya 6:11

Vaavo kaakoha wi, “Apwiya, ethiyo ddennddo ddineereye ophiyera niini?” Alliwa yahaakhulla wi, “Ophiyera mizinda dditthattuwalle matepe, enyumba ddihinna athu ookhallamo nave ellapo etthattuwalle echipululu.

Masalimo 78:63

Ekhoto yookhara wonanko munllo waawoononga asombwaayo, wawi anamwalliiwa yaarama oowiipella machipo a okwati.

Yeremiya 22:6

Alla tti mawu a Apwiya oollota dda enyumba ya omwene ya o Yuda awi, “Naari kuukondaka wonanko Giliyadi apaalle wonanko etthoka ya mwaango wa Lebanoni komave kineerewuutthattusa ntepe, muzinda woohikhalla ni athu.

Yeremiya 27:17

Muhiwiiwellelle koma mumurumeyelleke mwene a o Babiloni wi muvulluse okumaanyu. Muzindoolla onaatthattuwelle tini ntepe?

Yeremiya 44:6

Sika owalli wa osha murima waka waakhara wonanko munllo m'mizindani dda Yuda ni m'misewuni dda o Yerusalemu. Mizindannddo ddaatthattuwa matepe oohiyiwa monga ddikhallelliiwa ollellova.

Maliro 5:14

Attekweene aapallalleya va nthato na muzinda, machipo a asombwe kheniiweyattho.

Yobu 3:7

Ha! Mahiiywaayo ekhalle oohiyara nave ellullu ddihiiweyemo.

Yeremiya 4:26

Kaaweha nave ellapo ya ethaya yaphaama yaatthattuwa echipululu, mizinda ddiwa ddittheddene khemwaari erive ello ekaamba ya osha murima wa Apwiya.

Yeremiya 33:11

muneerewiiweya mawu oohakallalla ni oothapella, mawu a ootthella ni ootthelliwa. Mu enyumba ya Apwiya muneerewiiweyattho nchipo na athu oovelleella mikutho ddawaathokoza wi, ‘Athokozeni Apwiya Amasiva Mattheene vawi alliwa tti aphaama echikondiiwa tti yoohisintheya.’ “Kineerewaahokollosella ddaphaama ddiwa wonanko vawaamba. Mi Apwiya koollota.”

Ezekiele 7:11

Echiwawa yootthattuwa ollaka wa onanara wiwa. Khaavo naari mmodda a alliwa anaahalle. Ddeko ddiwa ddineeromalla, eyuumiiwa ni ntitimiho niwa ddineeromalla.

Hoseya 2:13

Kineeromullaka ekaamba yawoosa lubani* wa mafano a Abaala ni ehakallallo ddiwa. Anniireeriha voowarani emphete ni mikhova ddoowallamella mitengo wi athamakelleke ezibwenzi ddaye akitiwalla miyaano. Mi Apwiya koollota.”