Yeremiya 7:31 - Mawu a Mulluku

³¹ Aamaka nipuro noollapellamo o Tofeti, mu ntapo na Mwaana a Hinomu wi yaashellellihekewo anamwaniiwa aallopwana ni aatthiyana. Ddenndda ngaalamunle apaalle oddiganizera naari vang'ono.

Yeremiya 7:31 ပူးပေါင်းရင်းမြစ်များ

2 Mamwene 23:10

Mwene Yosiya ahoonongattho nipuro namukutho na Tofeti eyo yaari mu ntapo na anamwani a Hinomu wi arive muthu ahimuvelleelle mwanaye aamullopwana apaalle aamutthiyana wi okhalle mukutho wa Moleki.

Yeremiya 32:35

Yaamaka nipuro noomullapellamo Baala mu ntapo na Mwaana a Hinomu wi yaavelleelle aniiwa aallopwana ni aatthiyana wonanko mukutho wa Moleki. Khe miyaano kaalamunle ddennddo nave naari vang'ono ngaaganizera wi alliwa ttuuweera ddoonanara ddawi ddiidda ni waachimwiha athu a o Yuda.”

2 Mamwene 17:17

Yaanaavelleella mukutho aniiwa aallopwana ni aatthiyana nave yaanoombesa makhanga, yaaneerattho ddookhwiri. Yahiivelleella weera ddoonanara vamiitthoni va Apwiya ni waashiha murima.

Levitiko 18:21

Ohinamukusa arive mwanawo wi omuheraatthi mukutho wa mulluku Moleki woova wi anaaripihe nnddina na Mullukwaawo. Mi tti Apwiya.

Ezekiele 16:20

“Wahaakusa anaawo aallopwana ni aatthiyana ayo kuuyarenlleemi waavelleella o mafano wonanko mukutho. Ethiyo oraruwa wawonko khawuukwakhwanne

2 Epilli 33:6

Nave ahaavelleella anaaye aallopwana wi ekhalle mukutho wooshellelliha va ntapo na Mwaana a Hinomu nave aaneera dda masenga ni woombesa makhanga ni wiiwanana ni athu oollota ni minepa navettho ni akhwiri. Aheera ddoonanara ddinchichi vamiitthoni va Apwiya nnddo aashihalleeyena murima.

2 Epilli 28:3

nave aanoosa lubani* vantaponi na mwaana a Hinomu nave ahaavelleella anaaye aallopwana wonanko mukutho wooshellelliha voothwarani mitetho ddoonanara dda athu a mitundu ddimodda nnddo Apwiya yaddiikarihalliiwa mwiillaponimmo Aisraele yaphiyiiwa.

Deuteronomo 12:31

Muhaallapelleke Apwiya Mullukwaanyu, moophwanaphwana ni mmo alliwa enallapellelliiwa milluku ddiwannddo. Alliwa enneera ddoonanara ddawoopiha ddinchichi ddawiitana ni Apwiya vawi ennaashellelliha aniiwa aallopwana ni aatthiyana vamunlloni vawaavelleellani wa milluku ddiwa.

Deuteronomo 17:3

nave atathinlle echipangano voollapellani ni orumeyella milluku ddimodda monga nndduwa, mweeri apaalle etheneeri nnddo kahiihalleemi wi ehiddillapelleke.

2 Mamwene 23:20

Awiipha allupa mukutho attheene yarumeyella wenko vamakuwani nave oosella makhuviiwa vaavo. Vatulli viwa aahokollweella o Yerusalemu.

Yeremiya 19:2

Muye o ntapo na Mwaana a Hinomu vakhuviru ni mullako wa Mavalli wi wallalleye nnddo kinuulleelleemi

Yoswa 15:8

Nave yaawella oweella o ntapo na Mwaana a Hinomu embali ya omwera wa Ayebusi, (sika wi o Yerusalemu). Makuthullellwaayo yaakhwaranya yaphiya omwera wa mwaango wa vahoollo va ntapo na Mwaana a Hinomu woovollowa nndduwa, omamallihello a ntapo na Refaimu ompoto.

Yesaya 30:33

Nipuro nawoosella ddeko tti nookhoziwa khalle nno yamukhozelliiwa mwene a o Asiriya. Nipuronno tti noowallamella ni nuullupalli nooddalla ni ekhuni. Sika mpweya wa Apwiya wookhalla wonanko muhinje wa sulufure, oneerokhariha munllooyo.

Yesaya 57:5

Munallapella mafano va miteekho dda muthundu, vatthi va orive muteekho wa enthambi ddoorapa. Munnaavelleella aniinyu monga mukutho m'mataponi, m'mittharini dda m'mallukuni.

Yeremiya 2:23

Onallotella tini wi khawiiripihalle, wi khawaathwanre mafano a Baala? Upuwella mmo wachimwelleewe muntaponimmo, dduwella nnddo weerilleewe. Tti wonanko ekamira* yaamutthiyana, yoothamakella nngu ni nngu.

Ezekiele 20:26

Kahaahiyerera wi yiiripihe ni mikutho vawaavelleellani aniiwa awaamba. Kaheera ddenndda wi ellakallakeye nave edduwelle wi mi tti Apwiya.”

Ezekiele 20:31

Mwaawaaka ni emphaso ddanyu ni waavelleella aniinyu wi ekhalle mukutho wooshellelliha, munniiriipiha voorumeyellani mafanwaanyu manchichi ophiyera ollello. Nyu Aisraele, kinaawaakhullelleni mwawiidde wi muveke ezeru. Mi Apwiya Mulluku kinimallupella wi ngaakhullella wi muveke wa miyaano.

Mika 6:7

Ethiyo Apwiya ttuuhakallalla ni anankhoro ankhosa ooheerengeya apaalle mihinje dda makhura a olivi? Ethiyo ttuumuvelleella mwanaka awaamba ekaamba ya ddoolakwa ddaka apaalle mwanaka olliva machimwaaka?

Deuteronomo 18:10

Variyari vanyu vihikhalle oomuvelleella mwanaye aamullopwana apaalle aamutthiyana vamunlloni wonanko mukutho, awoombesa apaalle oollohella ddamuhoollo apaalle oophariha mutteko manyaka apaalle ezitumwa. Vihiphwanyeyettho ooveka ezeru wa minepa dda athu ookhwa.

Yeremiya 32:34

Yahiimesa mafanwiiwa oonanara mu enyumba eyo enadduwanyeya ni nnddina naka nave yaayiripiha.