Yeremiya 7:3 - Mawu a Mulluku

³ Apwiya Amasiva Mattheene Mulluku a Israele enuulleellani wi, ‘Musinthe makhallellwaanyu ni ddaweera ddanyu nave kineerowaakhullellani ovirellella okhalla vanipuroninna.

Yeremiya 7:3 ပူးပေါင်းရင်းမြစ်များ

Yeremiya 26:13

Koma mwahiya machimwaanyu ni waamba wiiwellella mawu a Apwiya Mullukwaanyu eneerewuukhululukellani, kheyuullakani moollikana ni mmo yallotelliiwa.

Yeremiya 18:11

Khawe vano waalleelle athu a o Yuda ni a o Yerusalemu wi Apwiya enallota wi, ‘Mi kookhozekella wuumorihellani otulli ni wuullakani. Nyu attheene, hokollowani, arive muthu ahiye ettilla ddaye. Nave potokosani makhallellwaanyu ni ddaweera ddanyu.’

Yesaya 55:7

Oonanara ehiye makhallellwiiwa oonanara, oohilungama ehiye maganizwiiwa oohilungama. Ehokollweelle wa Apwiya, wi alliwa eweerelle echifundo. Ehokollweelle wa Mullukwaahu wi alliwa yaakhululukellesese machimwiiwa mwawoollowa murima.

Miyambo 28:13

Muthu oovittha machimwaaye khakhalla ni ekari koma oowaakhullella ni waahiya aneereweerelliwa echifundo.

Yakobo 4:8

Mumwaatamelleke Mulluku nave olliye aneerowaatamellani. Muddeellihe, nyu athu oochimwa! Ellihani mirima ddanyu, nyu athu a mirima miilli!

Yeremiya 35:15

Kahaaruma wiilliwiilli amurummwaaka anamallotella wi yuulleelleni wi, ‘Arive muthu mwa nyuwaano ahiye mitteko ddaye ddoonanara. Mupotokose makhallellwaanyu nave muhiye othwara milluku ddimodda, muhiddillapelleke. Sika muneerokhalla mu ellapo eyo kuuvahilleemini nyuwaano ni makhollwaanyu.’ Koma nyu khamwaapwathillewo, khamwaakiiwellelle.

2 Mamwene 17:13

Mutthemwenemmo Apwiya yaamuchenjeza Israele ni Yuda wi oyeella mwa oollohella ni anamallotelliiwa wi, “Hiyani makhallellwaanyu oochimwa nave iwellellani malamulwaaka ayo kaavelleelleemi wa makhollwaanyu oweella mwa anamallotella, oorumeyellaaka.”

Yeremiya 4:1

Apwiya enallota wi, “Mwapaalla ohokollowa, nyu Aisraele, hokollweellani wa miyaano nave muvenyihevo mafanwaanyu vamiitthoni vaka nave muhiwe muhollowattho.

Yeremiya 18:8

mutundu oyo kiwuchenzeemi wahiya machimwiiwa ngiwullaka moollikana ni mmo kaganizelleemi.

Ezara 10:11

Vano muwulule machimwaanyu wa Apwiya Mulluku a makhollwaanyu nave mweere nnddo enapaalliiwa. Mwiipatule wa athu a mwiillaponi navettho mwiipatule wa atthiyana eelleto.”

Yeremiya 6:16

Apwiya yaallota ni athwiiwa wi, “Imellani va makhullukano nave wehani. Mukohe nko ori ettilla ddakhalle nave nko ori ettilla yaphaama. Vano muhitathille ettilla yaphaameeyo wi mukhalle ni murendelle.” Koma mwaallota wi, “Khaniwa nithwara!”

Yeremiya 17:25

Mwathwara ddenndda va millako ddenndda vinaavollewelleke mamwene ookhalla va mpando woomwene wa Davide. Enaavolloweke ewenlle va magareta ni va akavalo vamodda ni enduna ddiwa navettho athu a o Yuda ni a o Yerusalemu. Nave athu eneerokeraattheya mu muzinda yoolla wa enthawi yoohimalla.

Yeremiya 35:16

Anamwani a Yonadabu mwaana a Rekabu, yahiiwellella lamulo nno nikhollo niwa nawinnyalliiwa koma nyu khemwaakiiwellelle.