Yeremiya 7:28 - Mawu a Mulluku

²⁸ Nave sika waalleelle wi mutundwiiwa khoniiwellella mawu a Apwiya Mullukwiiya nave khonapaalla ohumullulliwa. Ororomelleya khonaphwanya nave eyo ehanlle vayanoni viwa tti ddawootthave.”

Yeremiya 7:28 ပူးပေါင်းရင်းမြစ်များ

Zefaniya 3:2

Khaawiiwellelle mawu oochenjeza, khaawaapwathille oohumullulla. Khaawaaroromenlle Apwiya apaalle omwaatamella Mullukwaaye.

Yeremiya 32:33

Aakireya etulli naari kavirellelle waahuddiha, kheyiiwalle apaalle waakhullella ohumullulla.

Miyambo 1:7

Owoova Apwiya tti waamba wa ezeru. Ookarangeyave sika enavevulla ezeru ni malangizo.

Zefaniya 3:7

Kaganiza wi athwaaka ennakoova, khetiwalla malamulwaaka, eneerewuupuwella ehuddihwaaka. Koma sika vano ettepilliiwa weera ddoonanara va mitteko ddiwa ddittheddene.”

Hoseya 4:1

Nyu Aisraele, iwani mawu a Apwiya vawi aakhalla ni mullatu ni ookhalla mwiillaponi. Mullatweene tti wawi mwiillaponi khamuri ororomelleya apaalle oreera murima nave khenamudduwella Mulluku.

Yeremiya 6:8

We Yerusalemu, hudderavo ello wi echikondaaka va weyaano ehimalle nave kihuutthattuse echipululu, ellapo yoohikhallamo athu.”

Yeremiya 5:3

Ddawoona, Apwiya enawaashaasha oororomelleya yahuullakani koma khemwaawiiwalle ovoreya, yahuunyenyani koma khemwaarukunuwalle murima. Mwahummiha mirima ddanyu wonanko nlluku, mwaakhoota olapa.

Yeremiya 5:1

Thamakani nngu ni nngu m'misewuni dda Yerusalemu, muddoonelle nyookha. Ashaashani o mathatwaaye wi mumphwanyewo aweera ddoolungama, owaashaasha yawoona wi kimukhululukelle Yerusalemu.

Yeremiya 2:30

Kuullakelleni nivuddo nave khemwaahuddenrevo ello. Wonanko mukango wattalla, mwaawiipha anamallotellaanyu ni nsupada.

Masalimo 50:17

Onniitana ni malangizwaaka, onnatathilla mawaaka.

Yeremiya 6:17

Kahuuvahani alonda wi yuuchenjezekeni vawinllani nipallapata. Koma mwaallota wi, “Khenaapella maaru.”

Yeremiya 11:10

Aahokollweellattho o machimo a makhollwiiwa alle yakhootille okiiwellella vawi enathwara ni ollapella milluku ddimodda. A o Israele ni a o Yuda aatathilla echipangano eyo kakeraatthihalleemi ni makhollwiiwa.

Yeremiya 17:23

Alliwa kheyiiwellelle apaalle opwathawo koma ni mirima ddawumma yaakhoota wiiwa ni waakhella malangizwaaka.”

Masalimo 12:2

Arive muthu annamoottottha mukhwaaye, anniisha nllumi naye, annallota ni murima mmodda.

Yesaya 30:9

Alla sika athu awaawukila Apwiya, anamwani awoottha ni ookhoota wiiwellella malangizwiiwa.

Yeremiya 6:28

Attheene tti eetiyamaaru oowukila, anawunawu, awumma wonanko mukuwa ni mukoko ni aweera ddoonanara.