Yeremiya 7:26 - Mawu a Mulluku

²⁶ Koma nyuwaano khemunakiiwellella apaalle opwathawo. Ni mirima ddanyu ddawummannddo moonanara waakhwaranya makhollwaanyu.

Yeremiya 7:26 ပူးပေါင်းရင်းမြစ်များ

Yeremiya 16:12

Komattho nyuwaano mwaachimwa wunchichi okhwaranya makhollwaanyu arive muthu mwa nyuwaano anathwara ddoonanara ni murimaaye wawumma munipuroni mookiiwellella miyaano.

2 Epilli 30:8

Vano muhummihe makohaanyu wonanko makhollwaanyu koma mwiivelleelle wa Apwiya nave muweeke o enyumbiiwa eyo eyeellihalliiwa wa enthawi yoohimalla. Nave mwaarumeyelle Apwiya Mullukwaanyu wi osha murima waye wawoopiha ovenyihiwe va nyu.

Mateyu 23:32

Sika muvirellelle weera machimo ayo yaambiwe ni makhollwaanyu.”

Yeremiya 19:15

“Apwiya Amasiva Mattheene, Mulluku a Israele, enallota wi, ‘Kineerowumorihella otulli muzindoolla ni va mizi ddiwa ddittheddene moollikana ni mmo kallotelleemi ekaamba yawi athwiiwa tti awumma murima nave enimakhoota wiiwellella mawaaka.’ ”

Yeremiya 17:23

Alliwa kheyiiwellelle apaalle opwathawo koma ni mirima ddawumma yaakhoota wiiwa ni waakhella malangizwaaka.”

Yeremiya 7:24

Koma kheyiiwellenlle naari waapella maaru nave yaavirellella okhalla awumma murima ni oothwara murimiiwa woonanara. Yawehille dda mutulli ohiri ddamuhoollo.

Aroma 2:5

Koma ekaamba ya wumma murima wanyu ni ohipaalla orukunuwa murima, Mulluku aneerewuullakani wunchichi va nllapo nno aneereeye uupullulle osha murima waye ni echiweruzwaaye yeechilungamo.

Mitteko 7:51

Sitefano aallota wi, “Athu a etiyamaaru nyu! Mirima ddanyu ddiri wonanko dda athu oohimullapella Mulluku nave khamuniiwellella mawu a Mulluku! Muri wonanko makhollwaanyu, nyuwaano munnakhoota Munepa Waweella mallapo mattheene!

Mateyu 21:38

Koma oollimaayo yamoonilliiwa yaalleellana wi, ‘Olla sika mwanaye aamullopwana anaahallena eyuumeella, hankoni nimwiiphe wi eyuumeella ekhalle yaahu.’

Daniele 9:6

Khaniwiiwellelle anamallotella, oorumeyellaanyu, ayo yallotella mu nnddina nanyu wa mamwenaahu, wa enduna ddahu, wa makhollwaahu ni wa athu attheene a mwiillaponi.”

Yeremiya 44:16

“Hi khaaniiwellella nnddo onilleelleewe mu nnddina na Apwiya.

Yeremiya 34:14

Echipanganweeyo yaari yawi miyakha mitthanu ni miilli ddamalla, arive muthu mwa nyuwaano amuttaphulle mu okaporo arive Muheberi oyo iikullihalle wa nyuwaano aphara mutteko miyakha mitthanu ni mmodda. Koma makhollwaanyu kheyaakiiwellelle nave kheyapwathillewo naari vang'ono.

Yeremiya 29:19

Nndda ddineereye ekaamba yawi kheyiiwellelle mawaaka mvo kaarumihelleemi anamallotella, amurummwaaka navettho mwaakhoota wiiwellella.

Yeremiya 26:5

mwaahiiwellella mawu a anamallotella, amurummwaaka, ayo kaarumalleemi wa nyuwaano naari muhiwiiwellellaka,

Yeremiya 25:7

Koma nyuwaano khamwiiwellenlle nave mwaattatthamulla owallaaka ni mafano oopangiwa ni mattaanyu wi muhiddoononge.”

Yeremiya 25:3

“Va miyakha 23, waambeella muyakha waneekhumi ni raru wa omwene wa Yosiya mwaana a Amoni a o Yuda ophiyera ollello, mawu a Apwiya yaawa wa mi nave kinnahoowa ni wuulleellani koma khamuniiwellella.

Yeremiya 11:8

Koma alliwa kheyiiwellelle naari waapella maaru. Arive muthu aari awumma ni oonanara murima ni oothwara murimaaye woonanara. Kahaalamulella wi esunge echipanganwaaka koma alliwa kheyaasungalle. Sika kahaallaka moollikana ni mmo kallotelleemi.

Yeremiya 6:17

Kahuuvahani alonda wi yuuchenjezekeni vawinllani nipallapata. Koma mwaallota wi, “Khenaapella maaru.”

Yesaya 48:4

Kaadduwella wi weyaano tti awumma murima, awummiha nikohi wonanko mukoko.

Miyambo 29:1

Awummiha nikohi ahumullulliwe aneerewoonongeya moorurumusa kheyiivo enaamuchirihe.

Nehemiya 9:29

Mwaanaachenjeza wi yaambeellettho wiiwellella malamulwaanyu yaaniitukhulla nave kheyaawiiwellella. Yaanachimwella malamulwaanyu oovaha okumi wa athu awaasunga. Vano yaanakhootave enummiha mirima ddiwa nave kheyaawiiwellella.

2 Epilli 33:10

Nave Apwiya yaallota ni Manase navettho athwiiwa koma alliwa kheyaapwathille.

2 Mamwene 17:14

Koma kheyiiwellelle, yaari eetiyamaaru wonanko makhollwiiwa yakhallelliiwa ayo yahaaroromelle Apwiya Mullukwiiwa.

Yesaya 5:4

Ethiyo ehanllettho tti tini kiheerenlleemi emataaka yampesa? Ethiyo kaambiiwa tti tini vootiyerellani wi yimme mpesa waphaama, yimmalliiwa mpesa ddoonanara?”

Yeremiya 5:3

Ddawoona, Apwiya enawaashaasha oororomelleya yahuullakani koma khemwaawiiwalle ovoreya, yahuunyenyani koma khemwaarukunuwalle murima. Mwahummiha mirima ddanyu wonanko nlluku, mwaakhoota olapa.

Yeremiya 6:10

Kahaakhulla wi, “Ethiyo killote ni aani nave kimuchenjeza aani wi iiwe? Maarwiiwa aatiyelleya, khewora wiiwa. Ennaavevulla wunchichi mawu a Apwiya nave khenaapwatha naari vang'ono.

Yeremiya 35:15

Kahaaruma wiilliwiilli amurummwaaka anamallotella wi yuulleelleni wi, ‘Arive muthu mwa nyuwaano ahiye mitteko ddaye ddoonanara. Mupotokose makhallellwaanyu nave muhiye othwara milluku ddimodda, muhiddillapelleke. Sika muneerokhalla mu ellapo eyo kuuvahilleemini nyuwaano ni makhollwaanyu.’ Koma nyu khamwaapwathillewo, khamwaakiiwellelle.

Yeremiya 35:17

Sika mi Apwiya Amasiva Mattheene, Mulluku a Israele, kineerowoononga ni athu attheene a o Yuda ni a o Yerusalemu kaambiiwa kheyaakiiwellelle kaalleelleemi, kheyaakaakhunlle kawiithanilleemi.”

Ezekiele 20:30

Vano waalleelle Aisraele wi Apwiya Mulluku enakoha wi, ‘Ethiyo muneerewiinanariha wonanko mmo makhollwaanyu yeerelliiwa nave yararuwiiwa voollapellani milluku ddiwa ddoonanara?’

Zekariya 7:11

“Koma alliwa yaakhoota waapella maaru, yaakireya etulli ni yaatiyella maarwiiwa wi ehiiwe.

Malaki 3:7

Waambeella mallapo a makhollwaanyu khemwaawiiwellelle nave khemwaasungalle malamulwaaka. Hokollweellani wa miyaano nave kineerohokollweella wa nyuwaano. Kinallota tti miyaano Apwiya Amasiva Mattheene. Koma nyu munnakoha wi, ‘Ethiyo ninaahokollowe mwawiidde.’

Deuteronomo 8:20

Mwaahiwiiwellellaka Apwiya Mullukwaanyu, muneerewoonongeya wonanko mmo Apwiya enoonongelliiwa mitundu ddimodda vamiitthoni vanyu.”

1 Mamwene 14:9

Koma woheera ddoonanara waakhwaranya athu ayo yaarivo khalle weyaano ohinakhallevo. Wookikhoota miyaano nave wookishiha murima vawoopani milluku ddimodda ni mafano amikoko.

1 Mamwene 14:22

Vano athu a o Yuda yaheera ddoonanara vamiitthoni va Apwiya okhwaranya mmo makhollwiiwa yachimwelliiwa, emushiha murima Mulluku.

2 Mamwene 17:15

Kheyaapwatha malamulo a Apwiya ni echipangano ya Apwiya eyo yeerilliiwa ni makhollwiiwa. Kheyaapwathillettho ddoochenjeza dda Apwiya. Yaanathwara milluku ddoohikhalla ni mutteko, alliwa yaatthattuwa oohikhalla ni mutteko. Yaathwara ezisanzo dda athu a mitundu ddimodda awaatamanana naari Apwiya yaalamulalle wi eheereke moophwanaphwana ni mitundu ddennddo.

2 Epilli 33:23

Vano olliye khiiyevihalle vamiitthoni va Apwiya wonanko Manase ttiitthinnya iiyevihelleeye nave aari oochimwa wunchichi waakhwaranya attiitthinnya.

Yeremiya 3:13

Akhullella ochimwa wawo wi wahaawukila Apwiya Mullukwaawo wi waallapella milluku ddeelleto vatthi va orive muteekho woovattha navettho wi khawaawiiwellelle mawaaka. Mi Apwiya koollota.’

Yeremiya 9:13

Apwiya yahaakhulla wi, “Ekaambiiwa tti yawi athwaaka yaatathilla malamulwaaka ayo kaavahilleemi nave kheyiiwellenlle ni othwara mawaaka.

Yeremiya 22:21

Kahuuchenjezani ddeko ddaweetelleewani phaama koma nyu mwaallota wi, ‘Nookhoota owiiwellellani.’ Nngu ttuukhalla wanyu ovenyera enamwanaanyu, khamuniiwellelleke mawaaka.

Yeremiya 32:23

Koma yaavollowilliiwa mwiillaponimmu ni waakha wi ekhalla yayiwayayiwa, yaakhoota owiiwellellani apaalle othwara malamulwaanyu. Yaakhoota weera nnddo mwaalamulalleenyu. Sika ekaamba ya yeella, mohaamorihella ddoohoosa ddittheddenenndda.

Ezekiele 12:2

“We mwaana a muthu, onakhalla variyari va athu oowukila. Alliwa aakhallana miittho awoonella koma khenoona. Aakhallana maaru awiiwella koma kheniiwa.

Ezekiele 12:3

Vano we mwaana a muthu, mukuse katundwaawo okhalle wonanko muthu anaya wuukaporoni. Nave otimulle otthaana oya o nipuro nimodda alliwa ewoonaka. Apaalle ttuuwiiwa naari eri oowukila.

Hoseya 11:7

Athwaaka aawanddeellella ddookiwukila. Vano eneerewinlla ekaamba ya nigoli* nno niri va alliwa koma khaavo anaawaavenyihelle.”