Yeremiya 7:25 - Mawu a Mulluku

²⁵ Waambeella nllapo makhollwaanyu yakhumalliiwa mu ellapo ya Iguputo ophiyera ollello kookhalla kuurumihellakani amurummwaaka, anamallotella.

Yeremiya 7:25 ပူးပေါင်းရင်းမြစ်များ

Yeremiya 25:4

Nyu khamwiiwellenlle apaalle waapella maaru naari Apwiya yahihiyalle wuurumihellani oorumeyellaaye anamallotella.

2 Epilli 36:15

Vano Apwiya Mulluku a makhollwiiwa yaanaaruma wiilliwiilli amithenga wa alliwa waachenjeza ekaamba yawi yaanaweerella echifundo athwiiwa ni nipuro.

Ezekiele 2:3

Aakilleella wi, “We mwaana a muthu, kinuuruma wa Aisraele, mutundu wa athu eekuku ayo ekiwukilalle. Alliwa ni makhollwiiwa aakhalla ekichimwellaka ophiyera ollello.

Yeremiya 7:13

Mwaheera ddoonanara ddittheddenenndda nave mwaakhoota okiiwellella naari kuullotihalleni moovirellella nave khemwaakhunlle kawiithanilleemini.

Nehemiya 9:26

Komave athwaanyu yahuuwukilani nave kheyaawiiwellelleni. Yahaareya etulli malamulwaanyu nave yaawiipha anamallotellaanyu ayo yaachenjezille wi erukunuwelle wa wanyuwaano koma yaavirellella wuuvevullani.

Nehemiya 9:30

Orive muyakha mwaanaavillella nave mwaanaachenjeza ni munepaanyu oweella mwa anamallotellaanyu komave kheyaapella maaru. Sika ekaambiiwa mwaavelleelleenyu m'mattani mwa athu a mu ellapo ddimodda.

Ezara 9:7

Waambeella enthawi ya makhollwaahu ophiyera ollello nikhallelle ochimwa wunchichi. Vano ekaamba ya machimwaahwaayo, hiyaano, mamwene a ellapo ddimodda ni allupa mukuthwaahu noovelleelliwa m'mattani mwa mamwene a mwiillaponi wiiphiwa okhotoni, opharelliwa wuukaporoni, waakhiwa ddeko ni owullihiwa muru wonanko mmo ddikhallelliiwa ollello.

Deuteronomo 9:7

“Upuwellani nave muhitiwalle mulle mwaashihelleenyu murima Apwiya Mullukwaanyu muchipululuni. Ovenyera nllapo nne mwakhumalleenyu mu Iguputo ophiyera nllapo nno mwaphiyalleenyu wuno mookhalla mwaawukila Apwiya Mullukwaanyu.

Luka 11:49

Ella sika ekaambiiwa Mulluku aallotilleeye mweezeru wi, ‘Kineerewaarumihella anamallotella ni amurummwa nave amodda a yaayo eneerewiiphiwa amodda eneerohoosiwa.’

2 Epilli 24:19

Naari Mulluku aarumalle anamallotella variyari viwa wi yaahokolloselle wa Apwiya anamallotellaayo yaahumullullalliiwa yaakhoota nave kheyawaapwathille.

Yesaya 5:4

Ethiyo ehanllettho tti tini kiheerenlleemi emataaka yampesa? Ethiyo kaambiiwa tti tini vootiyerellani wi yimme mpesa waphaama, yimmalliiwa mpesa ddoonanara?”

Yeremiya 11:7

Erive enthawi kaanaachenjeza makhollwaanyu ovenyera valle kaakhumihalleemi o Iguputo ophiyera ollello. Kaanaalleella wi yiiwellelleke mawaaka.’ ”

Yeremiya 25:3

“Va miyakha 23, waambeella muyakha waneekhumi ni raru wa omwene wa Yosiya mwaana a Amoni a o Yuda ophiyera ollello, mawu a Apwiya yaawa wa mi nave kinnahoowa ni wuulleellani koma khamuniiwellella.

Yeremiya 29:19

Nndda ddineereye ekaamba yawi kheyiiwellelle mawaaka mvo kaarumihelleemi anamallotella, amurummwaaka navettho mwaakhoota wiiwellella.

Yeremiya 35:14

Lamulo na Yonadabu mwaana a Rekabu nno alamunleeye edduullu ddaye wi ehiwe emuwirya vinyo, alliwa aanisunga. Khenamuwirya vinyo ophiyera ollello ekaamba yawiiwellella lamulo na nikhollo niwa. Kookhalla kuuchenjezakani wiilliwiilli koma nyu khemunakiiwellella.

Yeremiya 35:15

Kahaaruma wiilliwiilli amurummwaaka anamallotella wi yuulleelleni wi, ‘Arive muthu mwa nyuwaano ahiye mitteko ddaye ddoonanara. Mupotokose makhallellwaanyu nave muhiye othwara milluku ddimodda, muhiddillapelleke. Sika muneerokhalla mu ellapo eyo kuuvahilleemini nyuwaano ni makhollwaanyu.’ Koma nyu khamwaapwathillewo, khamwaakiiwellelle.

Yeremiya 44:4

Komave miyaano kaavirellella waaruma amurummwaaka anamallotella wi yuulleelleni wi, ‘Muheereke ddoonanara nnddo mi kiniitaneemina.’

Hoseya 12:10

Kaallota ni anamallotella. Tti miyaano kawoonihelle masomphenya manchichi. Kaallota m'maphwanaphwaniho oweella mwa alliwa.

Amosi 2:11

Kahaatthoolla amodda mwa aniinyu okhalla anamallotella, amodda mwa asombwaanyu okhalla Anaziri.* Nyu athu a o Israele, ethiyo kinimoottha?” Mi Apwiya koollota.

Malaki 3:7

Waambeella mallapo a makhollwaanyu khemwaawiiwellelle nave khemwaasungalle malamulwaaka. Hokollweellani wa miyaano nave kineerohokollweella wa nyuwaano. Kinallota tti miyaano Apwiya Amasiva Mattheene. Koma nyu munnakoha wi, ‘Ethiyo ninaahokollowe mwawiidde.’

Hoseya 11:7

Athwaaka aawanddeellella ddookiwukila. Vano eneerewinlla ekaamba ya nigoli* nno niri va alliwa koma khaavo anaawaavenyihelle.”