Yeremiya 7:24 - Mawu a Mulluku

²⁴ Koma kheyiiwellenlle naari waapella maaru nave yaavirellella okhalla awumma murima ni oothwara murimiiwa woonanara. Yawehille dda mutulli ohiri ddamuhoollo.

Yeremiya 7:24 ပူးပေါင်းရင်းမြစ်များ

Yeremiya 8:5

Vano kaambiiwa tini athu alla enavirellelliiwa ochimwa ohihokollowattho? Yohummellella ddawoottha, enimakhoota ohokollowattho.

Yeremiya 7:26

Koma nyuwaano khemunakiiwellella apaalle opwathawo. Ni mirima ddanyu ddawummannddo moonanara waakhwaranya makhollwaanyu.

Deuteronomo 29:19

Moonesese wi vihikhalle mmodda a nyuwaano ollello oyo aniiwa mawu yaalla koma anallota m'murimani mwaye wi ddeko ddineeromweetella phaama naari ari awumma murima oowanddeellella weera ddoopaalla ddaye. Ddakhalla ddiiddo, aphaama ni oonanareene eneerewoonongeya.

Ezekiele 20:13

Koma Aisraele yaakiwukila muchipululuni. Kheyaathwanre malangizwaaka nave yaakhoota malamulwaaka owaavaha okumi athu oowiiwellella. Athwaayo yaaripiha mallapwaaka a Sabata. Vano kaaganiza ddoowoonihella owallaaka ni osha murima waka ni owoononga muchipululuni mwemmo.

Yeremiya 32:33

Aakireya etulli naari kavirellelle waahuddiha, kheyiiwalle apaalle waakhullella ohumullulla.

Hoseya 4:16

Aisraele tti eetiyamaaru wonanko asaanaang'ombe. Ethiyo Apwiya ttuuwaachiha wonanko asaanaankhosa va munyepu waphaama?

Ezekiele 20:21

“Koma aniiwattho yaakiwukila. Kheyaathwanre malangizwaaka nave kheyaawiiwellelle malamulwaaka oovaha okumi athu oowiiwellella. Nave yaaripiha mallapwaaka a Sabata. Vano kaaganiza ddoowoonihella owallaaka ni osha murima waka ni owoononga muchipululuni mwemmo.

Ezekiele 20:8

Koma yaakiwukila ekhoota okiiwellella. Khaavo naari mmodda oyo atathillalle ddoonanara ddaye nnddo ddamuhakallalliha nave khaavo naari mmodda oyo ahiyalle mafano a o Iguputo. Vano kaaganiza ddoowoonihella owallaaka ni osha murima waka o Iguputo wenko.

Yeremiya 15:6

Mi mwaakihiya, munnavirellellave okireya etulli. Sika kahuullakani ni owoonongani ni muwonwaaka ekaamba yawi kaatopa ni okhululuka.

Yeremiya 3:17

Enthawi yeeyo Yerusalemu aneeroromolliwa ‘Mpando woomwene wa Apwiya.’ Nave mitundu ddittheddene dda athu ddineerotthukumana wenko vamiitthoni va Apwiya. Khewa ekhalla awumma murima ni othwara murimiiwa woonanara.

Yeremiya 2:27

Munallota wa muteekho wi, ‘We tti attiitthaaka,’ nave wa nlluku wi, ‘We tti Amoowaaka.’ Mookireya etulli munipuroni moorukunuwella wa miyaano. Komave mwakhalla mu ddookatamiha munnakiithana wi kuuvulluseni.

Nehemiya 9:29

Mwaanaachenjeza wi yaambeellettho wiiwellella malamulwaanyu yaaniitukhulla nave kheyaawiiwellella. Yaanachimwella malamulwaanyu oovaha okumi wa athu awaasunga. Vano yaanakhootave enummiha mirima ddiwa nave kheyaawiiwellella.

Ezekiele 20:16

Yaakhoota malangizwaaka ni ohiiwellella malamulwaaka nave yaaripiha nllapo naka na Sabata. Murimiiwa waakonda othwara mafano.

Yeremiya 23:17

Ennavirellella waalleella athu ookivevulla wi, ‘Muneerokhalla ni murendelle.’ Nave ayo enummellella othwara ddoopaalla dda murimiiwa enaalleella wi, ‘Khamuwa moona yoohoosa.’ ”

Yeremiya 9:14

Koma yahumma murima ni othwara murimiiwa woonanara. Yaallapella mafano a Baala moollikana ni mmo makhollwiiwa yaahuddihelliiwa.

Yeremiya 13:11

Wonanko ekuwo enaangellella muyuununi mwa muthu, emoddamoddave yeeyo, kaakeraatthiha wi nibanja nittheene na Israele ni na Yuda nikiwanddeellelle wi attheene ekhalle athwaaka wi ellapelleke ni otitimiha nnddina naka koma alliwa kheyiiwellelle.”

Yeremiya 16:12

Komattho nyuwaano mwaachimwa wunchichi okhwaranya makhollwaanyu arive muthu mwa nyuwaano anathwara ddoonanara ni murimaaye wawumma munipuroni mookiiwellella miyaano.

Yeremiya 17:23

Alliwa kheyiiwellelle apaalle opwathawo koma ni mirima ddawumma yaakhoota wiiwa ni waakhella malangizwaaka.”

Yeremiya 18:10

koma mutundooyo waavirellellaka weera ddoonanara vamiitthoni vaka, ohiiwellella mawaaka ngiweerella ddaphaama nnddo kaganizelleemi.

Yeremiya 18:12

Koma alliwa eneerewaakhulla wi, ‘Ddennddo khaddinna mutteko. Nineereke ddoopaalla ddahu nave arive muthu anaathwareke ddoonanara dda murimaaye wawumma.’ ”

Yeremiya 35:15

Kahaaruma wiilliwiilli amurummwaaka anamallotella wi yuulleelleni wi, ‘Arive muthu mwa nyuwaano ahiye mitteko ddaye ddoonanara. Mupotokose makhallellwaanyu nave muhiye othwara milluku ddimodda, muhiddillapelleke. Sika muneerokhalla mu ellapo eyo kuuvahilleemini nyuwaano ni makhollwaanyu.’ Koma nyu khamwaapwathillewo, khamwaakiiwellelle.

Hoseya 10:6

Nifanonno eneeronikusella o Asiriya wi nakhalle emphaso yoovelleella wa mwene muullupalli. Aefuremu ni Aisraele eneerowulliwattho muru ekaamba ya malangizo awoottha yawiiwellelliiwa.

Mika 6:16

Moosunga makhallello oonanara a mwene Omuri ni mitteko ddittheddene dda nibanja na Ahabu. Ekaamba yawi moothwara ettilla ddiwa ddittheddene, miyaano kineerewuutthollosani. Mitundu ddimodda dda athu oneerekewuusoonyani nave orive weko athu eneerewuuvevullani.

Masalimo 81:13

Athwaaka yakiiwellelleke, Aisraele yathwanreke ettilla ddaka,

Yeremiya 3:13

Akhullella ochimwa wawo wi wahaawukila Apwiya Mullukwaawo wi waallapella milluku ddeelleto vatthi va orive muteekho woovattha navettho wi khawaawiiwellelle mawaaka. Mi Apwiya koollota.’

Yeremiya 6:16

Apwiya yaallota ni athwiiwa wi, “Imellani va makhullukano nave wehani. Mukohe nko ori ettilla ddakhalle nave nko ori ettilla yaphaama. Vano muhitathille ettilla yaphaameeyo wi mukhalle ni murendelle.” Koma mwaallota wi, “Khaniwa nithwara!”

Yeremiya 13:10

Athu oonanaraalla aakhoota wiiwellella mawaaka yahumma murima, yaathwara milluku ddimodda ni oddillapella. Alliwa enaakhalle wonanko ekuwo yoohikhalla ni muttekoolla.

Yeremiya 17:9

“Murima wa muthu tti woolleka okhwaranya ddeko ddittheddene. Tti woonanara moohichiriheya, ttaani anaawore owiiwesesa?

Yeremiya 22:21

Kahuuchenjezani ddeko ddaweetelleewani phaama koma nyu mwaallota wi, ‘Nookhoota owiiwellellani.’ Nngu ttuukhalla wanyu ovenyera enamwanaanyu, khamuniiwellelleke mawaaka.

Yeremiya 32:23

Koma yaavollowilliiwa mwiillaponimmu ni waakha wi ekhalla yayiwayayiwa, yaakhoota owiiwellellani apaalle othwara malamulwaanyu. Yaakhoota weera nnddo mwaalamulalleenyu. Sika ekaamba ya yeella, mohaamorihella ddoohoosa ddittheddenenndda.

Daniele 9:6

Khaniwiiwellelle anamallotella, oorumeyellaanyu, ayo yallotella mu nnddina nanyu wa mamwenaahu, wa enduna ddahu, wa makhollwaahu ni wa athu attheene a mwiillaponi.”

Zekariya 7:11

“Koma alliwa yaakhoota waapella maaru, yaakireya etulli ni yaatiyella maarwiiwa wi ehiiwe.