Yeremiya 7:23 - Mawu a Mulluku

²³ Koma kaalamunle ello emodda wi, ‘Mwakiiwellella miyaano kineerokhalla Mullukwaanyu nave nyuwaano muneerokhalla athwaaka. Mwiiwellelleke malamulwaaka mattheene wi ddeko ddiweetellekeni phaama.’

Yeremiya 7:23 ပူးပေါင်းရင်းမြစ်များ

Eksodo 15:26

Yaallota wi, “Mwaakiiwellellaka mi Apwiya Mullukwaanyu, muneera ddoolungama ni opwatha malamulwaaka ni wiiwellella nnddo kinuuhuddiheemini, nguullakani ni erive ereta eyo kaallakilleemina Aiguputo. Mi tti Apwiya ayo enuuchirihani.”

Deuteronomo 5:33

Mweeteke mu ettilla eyo Apwiya Mullukwaanyu yuulamulalliiwani wi ddeko ddiweetellekeni phaama nave wi enthawi ya okumaanyu erekame mu ellapo eyo munaawaakheenyu.”

Yeremiya 42:6

Khaya tti ddaphaama apaalle ddoonanara, nineerewiiwellella mawu a Apwiya Mullukwaahu ayo nuuvekilleehuni wi mwanivekellewo. Ddawoona, nineerewiiwellella Apwiya Mullukwaahu wi ddeko ddineetelle phaama.”

Aheberi 5:9

Ohoosiwangu waamweeriha okhalla aphaama nave aakhalla awaamba a yoovullusa yoohimalla wa athu attheene oomwiiwellella olliye,

Deuteronomo 6:3

Vano nyu Aisraele, apellani maaru nave muchenjere ni wiiwellella ddawoona, malamulwaalla. Sika ddeko ddineeroweetellani phaama nave muneerokhalla mutundu muullupalli ni okhalla mu ellapo ya mukaka ni enwi moollikana ni mmo Apwiya Mulluku a makhollwaanyu yuulonjezelleewani.

Deuteronomo 30:20

mwaakonde Apwiya Mullukwaanyu mwiiwellelleke mawiiwa ni waawanddeellella alliwa wi nyuwaano ni edduullu ddanyu mukeraattheye mwiillaponi eyo yallupenlliiwa wa makhollwaanyu, Abrahamu, Isake ni Yakobo.”

Deuteronomo 13:4

Mwaathwareke Apwiya Mullukwaanyu, muwooveke, musungeke malamulwiiwa wiiwellella mawiiwa, mwaarumeyelleke ni waawanddeellella alliwa.

Yeremiya 11:4

eyo kakeraatthihalleemi ni makhollwaanyu kaakhumihalle o ellapo ya Iguputo.’ Kaakhumihalle mu eng'anjo yooviha kaallota wi, ‘Mwaakiiwellellaka ni weera nnddo kinuulleelleemini, nyu muneerokhalla athwaaka nave mi kineerokhalla Mullukwaanyu.

Deuteronomo 5:29

Kinapaalla wi eganizeke ddennddo mallapo mattheene wi ekooveke enthawi ddittheddene nave wi yiiwellelleke malamulwaaka wi ddeko ddiweetelleke phaama alliwa ni edduullu ddiwa wa enthawi yoohimalla!

2 Akorinto 10:5

ni erive ello yoolepheliha athu odduwella dda Mulluku. Ninnaaphara erive maganizo wonanko kaporo wi emwiiwellelleke Khrisitu.

Deuteronomo 30:2

Vano nyuwaano ni edduullu ddanyu muhokollweelle wa Apwiya nave mawiiwa alla kinawinnyeemini ollello muwiiwellelle ni murimaanyu muttheene.

Yeremiya 11:7

Erive enthawi kaanaachenjeza makhollwaanyu ovenyera valle kaakhumihalleemi o Iguputo ophiyera ollello. Kaanaalleella wi yiiwellelleke mawaaka.’ ”

Deuteronomo 30:8

Vano muneerewiiwellellattho ni othwara malamulo kinawinnyeemini ollello.

Aroma 16:26

Koma vano Mulluku a enthawi yoohimalla aalamula wi yawooneeyo yuupullulliwe mu ddoolemba dda anamallotella nave wi edduwelliwe ni athu attheene wi ekhulupilile ni wiiwellella.

Deuteronomo 4:10

Mwaatthopoollelleke dda nllapo nne mwiimenlleenyu vamiitthoni va Apwiya Mullukwaanyu o mwaango wa Horebu. Wenko Apwiya yaakilleella wi ‘Waatthukumanihe athu. Kinapaalla wi yiiwe nnddo kinaalloteemi wi ehuddere okoova enthawi ddittheddene dda okumiiwa va ellapo yavatthi. Vatulli viwa yaahuddihekettho aniiwa emoddamoddave yeeyo.’

Yeremiya 31:33

Koma echipangano eyo kakeraatthihalleemi ni Aisraele attheene emanlle mallapo yaayo tti yawi kineerohiya malamulwaaka mwa alliwa nave kinaalembe m'murimani mwiwa. Vano miyaano kinaakhalle Mullukwiiwa nave alliwa enaakhalle athwaaka.

Deuteronomo 11:27

Madaliso, mwawiiwellellaka malamulo a Apwiya Mullukwaanyu ayo kinawinnyeemini ollellova.

Deuteronomo 5:16

“Waavaheke olemu attiittho ni amaayo moollikana ni mmo Apwiya Mullukwaawo yuulamulelliiwa wi enthawi ya okumaawo erekame ni wi ddiweetelleke phaama mu ellapo eyo kinuuvaheemi.

Eksodo 16:32

Vano Mose aallota wi, “Apwiya aalamula wi, ‘Musungewo mana mamodda wi edduullu ddanyu ddoone yoocha eyo kuuvahilleemini mu echipululu, kuukhumihalleni o Iguputo wulle.’ ”

1 Samuele 15:22

Koma Samuele aallota wi, “Ethiyo Apwiya enahakallalla ni tini, mukutho wooshellelliha ni mikutho ddimodda, apaalle wiiwellella mawaaye? Wiiwellella ni ovelleella mukutho, waphaama tti wiiwellella. Waapella maaru ni ovelleella makhura a enkhosa, waphaama tti waapella maaru.

Masalimo 40:6

Khamwaapanlle mikutho ni ddoovelleella, koma mookivaha maaru wi kiiwellekena. Khamwaavekille mikutho ddooshellelliha, ni mikutho ddoopepesella machimo.

Masalimo 81:13

Athwaaka yakiiwellelleke, Aisraele yathwanreke ettilla ddaka,

Yesaya 3:10

Oodalisiwa tti athu oolungama vawi ddeko ddineeroweetella phaama nave eneerohakallalla ni mitteko dda mattiiwa.

Yeremiya 13:11

Wonanko ekuwo enaangellella muyuununi mwa muthu, emoddamoddave yeeyo, kaakeraatthiha wi nibanja nittheene na Israele ni na Yuda nikiwanddeellelle wi attheene ekhalle athwaaka wi ellapelleke ni otitimiha nnddina naka koma alliwa kheyiiwellelle.”

Yeremiya 22:3

Apwiya enallota wi, “Mweeruzeke mweechilungamo ni moohiweha ekhove erive enthawi. Mwaatetezeke athu ayo yiiyeriwe katundwiiwa. Muhaakatamiheke alleto, akhwaadduni apaalle anaamukhwelle nave muhiwiipheke athu oohichimwa va nipuronna.

Yeremiya 24:7

Kineerewaavaha murima wookidduwella wi mi tti Apwiya. Alliwa enaakhalle athwaaka, mi kinaakhalle Mullukwiiwa vawi eneerohokollweella wa mi ni murimiiwa muttheene.

Yeremiya 38:20

Yeremiya ahaakhulla wi, “Iyaayi, kheyuuvelleellani. Mwiiwellella mawu a Apwiya, kinuulleellani wi ddeko ddittheddene ddineeroweetellani phaama nave muneerokhalla ni okumi.

Zefaniya 3:2

Khaawiiwellelle mawu oochenjeza, khaawaapwathille oohumullulla. Khaawaaroromenlle Apwiya apaalle omwaatamella Mullukwaaye.

Zekariya 6:15

Ddawoona, athu awoorekama eneeroowa wi emake enyumba ya Apwiya. Sika muneerodduwella wi Apwiya Amasiva Mattheene aakiruma wa nyuwaano. Ddenndda ddineereweereya nyuwaano mwaawiiwellellaka mwawaakuva Apwiya Mullukwaanyu.

Zekariya 7:7

Alla tti mawu yallotille Apwiya oweella mwa anamallotella akhalle valle Yerusalemu aatilleeye ni athu nave aariiye va murendelle vamodda ni mizinda ddimodda ddawaapheella o ezigawo dda omwera ni o ntapo.

Deuteronomo 4:40

Mwiiwellelleke malamulwiiwa ni malangizwiiwa mattheene ayo kuuhuddihalleemini ollello. Sika ddeko ddineerekoweetellani phaama nyuwaano ni edduullu ddanyu nave enthawi ya okumaanyu eneerorekama mu ellapo eyo Apwiya Mullukwaanyu yuuvahilliiwani wi ekhalle yaanyu wa enthawi yoohimalla.”

Deuteronomo 13:5

Koma mumwiipheke arive namallotella apaalle arive oottaphullella olloha oyo anuulleellani wi mwaawukile ni oweerihani wi muhiye ettilla dda Apwiya Mullukwaanyu ayo yuukhumihalleni o Iguputo ni owoopollani o ellapo ya okaporo. Sika muvenyihekevo yoonanara variyari vanyu.

Yobu 36:11

Athu yamwiiwellella ni omurumeyella, ennamalliha mallapo a okumiiwa moodala, ennakokholla miyakha ddiwa moohakallalla.

Masalimo 119:3

ayo ehinalakwa, koma eneeta mu ettilla ddiwa.

Yeremiya 22:21

Kahuuchenjezani ddeko ddaweetelleewani phaama koma nyu mwaallota wi, ‘Nookhoota owiiwellellani.’ Nngu ttuukhalla wanyu ovenyera enamwanaanyu, khamuniiwellelleke mawaaka.

Yeremiya 32:23

Koma yaavollowilliiwa mwiillaponimmu ni waakha wi ekhalla yayiwayayiwa, yaakhoota owiiwellellani apaalle othwara malamulwaanyu. Yaakhoota weera nnddo mwaalamulalleenyu. Sika ekaamba ya yeella, mohaamorihella ddoohoosa ddittheddenenndda.