Yeremiya 7:20 - Mawu a Mulluku

²⁰ Sika vano Mi Apwiya Mulluku kineerewaallaka wunchichi moosha murima. Osha murima waka oneeromorella va enyumbaaka, athu, enama, miteekho ni mmiddo nave oneerokhara wonanko munllo woohithiimiheya.

Yeremiya 7:20 ပူးပေါင်းရင်းမြစ်များ

Yeremiya 42:18

“Apwiya Amasiva Mattheene, Mulluku a Israele, enallota wi, ‘Wonanko mmo kaashelleemi murima athu ookhalla o Yerusalemu, emoddamoddave yeeyo kineerewuushellani murima nyuwaano mwaya o Iguputo. Muneerotthattuwa ello yoonanara ni yawoopiha, yootembeleliwa ni yoonyaambusiwa. Khamuwa moonattho nipuro nenna.’ ”

Yeremiya 17:27

Koma mwaahikiiwellella, mwaahisunga Nllapo Sabata naka wi nikhalle noopatuleya nave mwamutukhulla arive katundu munavollowana va millako dda Yerusalemu va nllapo na Sabata kineerewoosa millako ddennddo. Munllo woohithiimiheya oneeroshellelliha enyumba ddoomwene dda o Yerusalemu.”

Yesaya 42:25

Sika yaanishella murima wunchichi, yaanihoosa ni ekhoto. Yaahella munllo virive veko voonaapheella, koma hiyaano oohiiwesesa. Munllo waanishellelliha, koma hiyaano oohihudderavo ello.

Nahumu 1:6

Ethiyo ttaani anaawore wiimella vamiitthoni va Apwiya, alliwa eshille murima? Ethiyo ttaani anaawore ovillella o owalliiwa? Alliwa enniitha owalliiwa malluku ennaphweeya vamiitthoni viwa.

Ezekiele 22:22

Muneereweekeya wonanko mmo siliva aneekeyelleeye vamunlloni. Sika muneerodduwella wi mi tti Apwiya ayo yuushenlleni murima.”

Maliro 4:11

Apwiya aasha murima wunchichi, aamorihella vatthi osha murima wiwa wamunllo. Aakhariha munllo o Ziyoni oyo woonongille matthipello a muzinda.

Yeremiya 44:6

Sika owalli wa osha murima waka waakhara wonanko munllo m'mizindani dda Yuda ni m'misewuni dda o Yerusalemu. Mizindannddo ddaatthattuwa matepe oohiyiwa monga ddikhallelliiwa ollellova.

Yesaya 66:24

“Nave alliwa eneerokhuma ni woona mitembo dda athu ayo yakiwukilalle vawi mapwihiiwa khewa ekhwa, munllwiiwa khowa othiimihiwa nave eneerekewaananara athu a mitundu ddittheddene.”

2 Mamwene 22:17

Athwaayo aakihiya, enavelleella mikutho wa milluku ddimodda ni okichimwella ni mafanwiiwa, mitteko ddittheddene dda mattiiwa. Sika osha murima waka wookharella muzindoolla nave khowa othiima.

Yawuupullulla 14:10

amuwirye yeekha vinyo a Mulluku, vinyo oohisungunula a onanariwa waye nko ahenlleeye mu kapu a osha murima waye! Attheene eneera ddenndda eneerollakiwa ni munllo owaaka sulufure vamiitthoni va angelwaaye aweella ni mwaanaankhosa.

Malaki 4:1

Apwiya Amasiva Mattheene enallota wi, “Ngoonani, nllapo ninimawa mvo athu awiitukhulla ni oonanara enaashellelliiwa wonanko mittatthi. Nllapo nenno eneeroshellella oohihallavo ello.

Daniele 9:11

“Aisraele attheene aapwesa malamulwaanyu nave aahollowa, aakhoota wiiwellella mawaanyu. Sika mawu ootembelela ni oollupella ayo yalembiwe mu malamulo a Mose, oorumeyella a Mulluku, aanimorella ekaamba yawi nohuuchimwellani.

Yeremiya 14:16

Athu ayo yaallotenlliiwa eneerovokhelliwa m'misewuni dda mu Yerusalemu, ekhwille ni ekhoto apaalle ni ettalla. Alliwaayo, awariwa, aniiwa aallopwana ni aatthiyana, attheene eneerokhwa nave khavikhalla awaavittha. Kineerewaahokollosella ddoonanara.”

Yeremiya 12:4

Ethiyo ellapo eninlle ophiyera niini? Nave manasiiwa enaanyaalle ophiyera niini? Kheviri epallame apaalle enama ddoohalla vawi athu ookhallamo tti oonanara, enallota wi, “Mulluku khoona mamallihellwaahu.”

Mateyu 3:12

Ookusa etthello m'mattani mwaye wi amuveethe tirigu. Aneeromuhella tirigwaaye mukhokweni mwaye; koma aneerowoosa mallullaayo vamunlloni woohithiima.”

Yesaya 10:17

Mulluku, Owala wa Israele anaakhalle wonanko munllo. Aweella anaakhalle wonanko mallumi amunllo wooshellelliha miiwa ddoohiyanahiyana va nllapo nimodda.

Yeremiya 6:11

Sika ekaambiiwa kooddalla ni osha murima wa Apwiya, ngiwora owusunga.” Vano Apwiya yaallota ni miyaano wi, “Ithellella osha murimanko va anamwani aweeta m'musewuni ni va mutthukumano wa asombwe vawi naari mullopwana ni mwaariye, a embwi ni awuulluvalla wunchichi eneerophariwa.

Yeremiya 6:12

Enyumba ddiwa ni emata ddiwa ni awariweene ddineerovelleelliwa wa amodda. Ddawoona ni nnatta nakanna kineerewaallaka athu ookhalla mwiillaponimmo. Mi Apwiya koollota

Yeremiya 8:13

“Kaapaalla wi kaatthukumanihe athwaaka wonanko oollima anatthukumanihelleeye ddoohata koma tti wonanko mpesa woohimma echipaso, wonanko muteekho wanamukuyu woohimma namukuyu wawi naari makukhu aanyaalla. Sika vano, koowaakhullella athu eelleto wi yaakhe ellapo.”

Yeremiya 11:16

Khalle Apwiya yuuphwanaphwanihellani ni muteekho wa olivi wookhalla ni makukhu oobiliwila ni ezipaso ddooreera. Koma vano eneerowoosa ni munllo woonyakulla wonanko ettari nave enthambi ddene ddineeroshellella.

Yeremiya 17:4

Muneerotathilla ellapo eyo kuuvahilleemini wi ekhalle yoohallanaayu. Kineerewuutthattusani akaporo awaarumeyella adanaanyu mu ellapo eyo muhinayidduwelleenyu vawi owallaaka oneerokhara wonanko munllo woohithiimiheya.”

Yeremiya 18:23

Nyu Apwiya, munnadduwella eziwembu ddiwa ddittheddene ddoopaalla okiipha. Muhaakhululukelle ddoonanara ddiwa apaalle waavenyihellavo machimwiiwa. Egonjihiwe vamiitthoni vanyu nave mwaallake mu osha murima wanyu.”

Yeremiya 21:12

nyu a mu nibanja na Davide. Apwiya enallota wi mweeruzeke moothwara echilungamo erive enthawi. Mumutetezeke muthu oyo iiyeriwe katundwaaye woova wi osha murima waka onaakhare wonanko munllo woohithiimiheya ekaamba ya machimwaanyu.

Zefaniya 1:2

Apwiya enallota wi, “Kineerodditthollosa ddittheddene dda va ellapo yavatthi.

Levitiko 26:28

kineerovaanyihanattho ni nyuwaano moowalli nave miyaano mwaneenaaka kineerewuullakani mwawaanjerera otthanu ni opiilli ekaamba ya machimwaanyu.

Ezekiele 7:12

Enthawi yoophiya, nllapo nohaatamella! Ookulla ahihakallalle, ookulliha ahimoriwe ethakaraka vawi owallaaka wohaamorella attheene moophwanaphwana.

Ezekiele 7:14

Nipallapata nohiipiwa nave attheene aakhozeka. Koma khaavo naari mmodda oyo anayaawo okhotoni vawi osha murima waka wohaamorella.”

Zefaniya 1:3

Kineerowoononga athu ni enama ddene, kineerowoononga epallame ddamuddullu ni ehomba ddamunyanja, kineerewaatthollosa athu oochimwa, kineerowoononga athu attheene waavenyiha va ellapo yavatthi,” Mi Apwiya koollota

Zekariya 7:12

Yahummiha mirima ddiwa wunchichi wi ehiiwe malamulo ni mawu ayo mi Apwiya Amasiva Mattheene kaahuddihalleemi ni munepaaka oweella mwa anamallotella akhalle. Ekaamba ya yeella mi Apwiya Amasiva Mattheene kahaananariwella wunchichi.