Yeremiya 7:18 - Mawu a Mulluku

¹⁸ Anamwani enatotella ekhuni, allopwana enaviddeella munllo nave atthiyana enoottowa othu wi emoose buledi wi omuvaha olemu oyo enamweeriiwa mwene aamutthiyana ooddullu. Alliwa enahella mikutho ddaddoowirya wa milluku ddimodda wi ekishihe murima.

Yeremiya 7:18 ပူးပေါင်းရင်းမြစ်များ

Yeremiya 19:13

Enyumba dda o Yerusalemu ni dda mamwene a o Yuda kineerodditthattusa ddooripihiwa wonanko Tofeti kaambiiwa tti enyumba nnddo vaddullu viwa yooselliiwavo lubani wa etheneeri ddooddullu, enavelleella mikutho ddoowirya wa milluku ddimodda.”

1 Akorinto 10:22

Apaalle ninapaalla wi niweerihe Apwiya ehache? Nnaganiza wi masivaahu tti ookhwaranya ayiwa?

1 Mamwene 14:9

Koma woheera ddoonanara waakhwaranya athu ayo yaarivo khalle weyaano ohinakhallevo. Wookikhoota miyaano nave wookishiha murima vawoopani milluku ddimodda ni mafano amikoko.

Yeremiya 32:29

Ababiloni eneerowuuhella ekhoto. Eneerowoosa munllo ni owukumulla makamaka enyumba nnddo athu yakishihereewavo murima vawoosani lubani* wa Baala ni voovelleellavo mikutho dda yoowirya wa milluku ddimodda vaddullu viwa.

Yeremiya 25:7

Koma nyuwaano khamwiiwellenlle nave mwaattatthamulla owallaaka ni mafano oopangiwa ni mattaanyu wi muhiddoononge.”

Yeremiya 11:17

“Apwiya Amasiva Mattheene ayo yawaallilleni sika yeeruzalle wi eneerewuullakani mwawoopiha ekaamba ya ddoonanara mweerilleenyu nyu a mu nibanja na Israele ni na Yuda. Mohaashiha murima voovelleellani mikutho wa Baala.”

Yesaya 3:8

Ddawoona, Yerusalemu animamwareya nave Yuda animakumulliwa ddoollota ni ddaweera dda athu a mwemmo tti ddawaavevulla Apwiya, khenapwatha dda ntitimiho na Apwiya.

1 Mamwene 16:2

“Kahuuwelliha ni oweeriha wi waahoollelleke athwaaka Aisraele. Koma vano woochimwa wonanko Yerobowamu nave wohaachimwiha athwaaka Aisraele wawi aallika osha murima ni machimwiiwa.

Deuteronomo 32:21

Aakeeriha ehache ni milluku shisha, aattatthamulla owallaaka ni mafanwiiwa. Sika, kineeroweeriha ehache ni athu shisha, kineerewaattatthamulla ni mutundu wookarangeya.

Deuteronomo 32:16

Yaamweeriha ehache ni milluku ddeelleto, ni ddaweera ddoonanara yaattatthamulla owallaaye.

Deuteronomo 4:19

Muchenjere wi mwaweha oddullu ni woona nndduwa, mweeri, etheneeri ni ddittheddene ddooddullunko, murimaanyu ohikuseye ni waamba ollapella ni orumeyella ddeko nnddo Mullukwaanyu aavahilleeye athu amodda attheene a va ellapo yavatthi.

Ezekiele 20:28

kaavollochihalle mu ellapo eyo kallupenlleemi wi kineerewaavaha. Orive weko yonniiwawo mutunda ni muteekho woovattha yaanavelleella mikutho ni ddoovelleella ddookishiha murima. Yaanavelleellawo mikutho dda nthuko naphaama ni dda ddoowirya.

Yeremiya 44:25

Apwiya Amasiva Mattheene, Mulluku a Israele, enallota wi nyuwaano ni awarinyu mwaallupella ni vayanoni vanyu nave mwaheera ni mattaanyu. Nave mwaalonjeza wi muneereweera nnddo mwallupenlleenyu, omoosella lubani mwene aamutthiyana ooddullu ni omuheraatthella mikutho ddaddoowirya. Iyaayi, ddaphaama! Simikizani lonjezano nanyu ni weera nnddo mwallupenlleenyu.

Yesaya 65:11

“Koma nyu awaakhoota Apwiya ayo munatiwalla mwaangwaaka waweella ayo munamullapella Gadi ni Meni, milluku ddoowiiha ekari ni otulli,

Yesaya 65:3

Alliwa moohiwulliwa muru ennakishiha murima. Ennavelleella mikutho mu emata ddoopatuleya nave ennoosa lubani* va makuwa eenjerwa.

Yesaya 57:6

Munaakusa malluku oosalala a mutapo munaallapella wonanko milluku. Munavelleella dda ddoowirya ni dda ddoocha. Ethiyo ddenndda ttuukiddivella?

Masalimo 16:4

Koma ayo enatthoolla milluku ddimodda, ennaddoonjereriha ddookatamiha. Ngihellana mikutho ddiwa ddoowirya dda nikhame, ngiromollana manddina a milluku ddiwannddo.

Yeremiya 7:17

Ethiyo khonoona nnddo ddineereya o Yuda ni m'misewuni dda mu Yerusalemu?

Yeremiya 17:2

Aniiwa ennuupuwella mapurwiiwa oollapellamo ni mafanwiiwa a Asherimu vatthi va orive muteekho woovattha mwiillaponimmo.

Maliro 5:13

Asombwe enawatiheriwa omusilla tirigu, asaasombwe ennahahareya ni mitolo dda ekhuni.

Ezekiele 8:17

Apwiya yaakikoha wi, “We mwaana a muthu, ethiyo onnaddoona ddenndda? Ayuda kheddinaakwakhwana ddoonanara eneeriiwanndda. Koma enavuwihattho ddakhoto mwiillaponi ettheene. Vano ennattatthamulla owallaaka, ennakishiha murima ni ddaweera ddiwa.”

Ezekiele 16:26

Waararuwa ni Aiguputo ooraruwa, awaatamana ni weyaano nave waakishiha murima ekaamba ya waata wa oraruwa wawo.

Yeremiya 1:16

Nave kineerowiipa mullatu athwaaka ekaamba ya machimwiiwa vookihiyani mi. Yaavelleella mikutho wa milluku ddimodda nave yaanallapella ddeko ddoopangiwa ni mattiiwa.

Yeremiya 44:4

Komave miyaano kaavirellella waaruma amurummwaaka anamallotella wi yuulleelleni wi, ‘Muheereke ddoonanara nnddo mi kiniitaneemina.’

Ezekiele 8:16

Vano aakikusella o nthato na muwari mwa enyumba ya Apwiya. Wenko, va mullako wa enyumba ya Apwiya, variyari va nikhote ni nikuwa vaakhalla allopwana 25. Yaareya etulli enyumba ya Mulluku, enaweha wookhuma nndduwa nave enallapella nndduwa.