Yeremiya 7:17 - Mawu a Mulluku

¹⁷ Ethiyo khonoona nnddo ddineereya o Yuda ni m'misewuni dda mu Yerusalemu?

Yeremiya 7:17 ပူးပေါင်းရင်းမြစ်များ

Ezekiele 14:23

Mirima ddanyu ddineerokeraattheya moona mmo enaakhallellekiiwa nave enaawerellekiiwa sika muneerewiiwesesa wi ngimweerelle ddennddo Yerusalemu vihiri ekaamba. Mi Apwiya Mulluku koollota.”

Yeremiya 6:27

We Yeremiya, kohuutthoolla wi okhalle aweesa mikoko nave oweese athwaaka wi woone makhallellwiiwa.

Yeremiya 7:16

Apwiya yaallota wi, “We Yeremiya, ohaavekellelle athu yaalla, ohaapepeselle wa miyaano apaalle waakhupanyella mookiwatihera kaambiiwa miyaano ngiwiiwellella.

Yeremiya 7:18

Anamwani enatotella ekhuni, allopwana enaviddeella munllo nave atthiyana enoottowa othu wi emoose buledi wi omuvaha olemu oyo enamweeriiwa mwene aamutthiyana ooddullu. Alliwa enahella mikutho ddaddoowirya wa milluku ddimodda wi ekishihe murima.

Yeremiya 44:6

Sika owalli wa osha murima waka waakhara wonanko munllo m'mizindani dda Yuda ni m'misewuni dda o Yerusalemu. Mizindannddo ddaatthattuwa matepe oohiyiwa monga ddikhallelliiwa ollellova.

Yeremiya 1:16

Nave kineerowiipa mullatu athwaaka ekaamba ya machimwiiwa vookihiyani mi. Yaavelleella mikutho wa milluku ddimodda nave yaanallapella ddeko ddoopangiwa ni mattiiwa.

Yeremiya 32:29

Ababiloni eneerowuuhella ekhoto. Eneerowoosa munllo ni owukumulla makamaka enyumba nnddo athu yakishihereewavo murima vawoosani lubani* wa Baala ni voovelleellavo mikutho dda yoowirya wa milluku ddimodda vaddullu viwa.

Yeremiya 32:32

Athu a o Israele ni Yuda, mamweniiwa, enduna ddiwa, allupa mukuthwiiwa, anamallotelliiwa ni attheene ookhalla o Yerusalemu ni o Yuda, yaakishiha murima ni mitteko ddiwa ddoonanara.

Yeremiya 44:4

Komave miyaano kaavirellella waaruma amurummwaaka anamallotella wi yuulleelleni wi, ‘Muheereke ddoonanara nnddo mi kiniitaneemina.’

Yeremiya 44:17

Koma nineere ddittheddene nnddo nallupenlleehu. Nineeromoosella lubani mwene aamutthiyana ooddullu ni omuheraatthella mikutho ddaddoowirya wonanko neerelleehu ni makhollwaahu, mamwenaahu ni enduna ddahu m'mizindani dda o Yuda ni m'misewuni dda o Yerusalemu. Enthawi yeeyo naakhalla ni yoocha yinchichi nave naanavona voohikhalla ddookatamiha.