Yeremiya 7:15 - Mawu a Mulluku

¹⁵ Kineerowiikarihani vamiitthoni vaka wonanko mmo kawiikarihelleemi abalaanyu attheene, edduullu ddittheddene dda Efuremu. Mi Apwiya koollota.”

Yeremiya 7:15 ပူးပေါင်းရင်းမြစ်များ

Yeremiya 15:1

Vatulli viwa Apwiya yaakilleella wi, “Naari Mose ni Samuele yiimenlleke vamiitthoni vaka yaavekellaka athu yaalla, ngaamoriwelle ethakaraka. Avenyihenivoni vamiitthoni vaka, eye nko.

Hoseya 13:16

Asamariya eneerollakiwa kaambiiwa yaamuwukila Mullukwiiwa. Eneerewiiphiwa ni nsupada, aniiwa eneerewiiphiwa mowaavaddiha miru ddiwa vatthi nave awariwa ookhalla ni erukullu eneerophulliwa.”

Yeremiya 52:3

Ekaamba ya ddittheddene ddeereyille o Yerusalemu ni o Yuda, Apwiya yaasha murima wunchichi ophiyera owiikariha athwaayo vamiitthoni viwa. Vano Zedekiya aamuwukila mwene a o Babiloni.

2 Mamwene 17:23

ophiyera Apwiya yahaavenyiha Aisraele moollikana ni mmo yallotelliiwa oyeella mwa oorumeyelliiwa attheene, anamallotella. Sika Aisraele yaaphariwa okaporo evenya mwiillaponi yoowaniwa eya o Asiriya nave eri wenko ophiyera ollello.

Hoseya 12:1

Efuremu annavona mpweya, anathwara ephevo ya wookhuma nndduwa, nllapo nittheene annoonjera ddawoottha ni dda echiwawa. Annakeraatthiha echipangano ni Asiriya nave annaavelleella makhura o Iguputo.

Hoseya 9:9

Athu enimananarave wonanko ddeereyelliiwa o Gibea. Sika ekaambiiwa Mulluku khawa atiwalla onanara wiwa nave aneerollaka machimwiiwa.

Hoseya 9:3

Khemukhallakattho mu ellapo ya Apwiya. Nyu Aefuremu, muneerohokollweella wuukaporoni o Iguputo. Muneerocha yoocha yooripihiwa mu ellapo ya Asiriya.

Hoseya 1:4

Vano Apwiya yaamulleella Hoseya wi, “Omuvahe nnddina nawi Yezireele. Vawi vavira enthawi vang'ono kineerollaka nibanja na Yehu ekaamba ya athu ayo yawiiphalliiwa o Yezireele nave kineeromalliha omwene wa Israele.

Yeremiya 23:39

Sika mi mwaneenaaka kineerewuutukhullani wonanko katundu oollemella ni wuutathillellani woorekama. Kineerewuuvenyihanivo vamiitthoni vaka nyuwaano ni muzinda oyo kuuvahilleemini nyuwaano ni makhollwaanyu.

Yeremiya 3:8

Yuda ahoonattho wi Israele oohiroromelleyoolle kaamwallanana nave kaamwiikara ekaamba ya oraruwa waye. Komave Yuda, mwanamunne, khooville. Olliyettho aakhalla oohiroromelleya, aavirellella weera ddoohule.

2 Epilli 15:9

Nave ahaatthukumaniha Ayuda attheene ni Abenjamini navettho athu anchichi a o Efuremu, Manase ni Simeoni ayo yakhalliiwana wonanko alleto vawi yaathawella wa olliye ovenyera o Israele yoonilliiwa wi Apwiya Mullukwaaye yaari ni olliye.

2 Mamwene 24:20

Ekaamba ya ddittheddene ddeereyille o Yerusalemu ni o Yuda, Apwiya yaasha murima wunchichi ophiyera owiikariha athwaayo vamiitthoni viwa. Vano Zedekiya aamuwukila mwene a o Babiloni.

Numeri 1:32

Mwa edduullu dda Yosefe, athu a nlloko na Efuremu, yaaweerenga manddina a allopwana attheene oowora owana ekhoto a miyakha 20 oya muhoollo moollikana ni mabanjiiwa navettho makhollwiiwa.

Masalimo 51:11

Muhinakiikariha vamiitthoni vanyu, muhinavenyiha munepaanyu Waweella mwa miyaano.

Yesaya 7:16

Koma enthawi yeeyo ehinaphiye, ellapo dda mamwene meelli enawoopopihanaayo enaakhalle etthattuwalle matepe.

Yeremiya 9:19

Ngiiwani winlla woovenyera o Ziyoni enallota wi, “Otulli, nohoonongeya! Noowulliwa muru wunchichi, Ninaphwanella nihiye ellapwaahu, kaambiiwa enyumba ddahu aaddikumulla.”

Ezekiele 23:31

Waattakiha ddaweera dda muullupallaawo nave kineerewuuvaha kapu a ollaka oophwanaphwana ni aaye.’

Hoseya 7:13

Otulli okhalle ni alliwa ekaamba yawi aakihiya. Yoonongeye ekaamba yawi aakiwukila. Kaanapaalla wi kaavulluse koma ennallota ddawoottha wa miyaano.

Hoseya 9:13

“Nyu Apwiya mmo kinoonelleemi, anamwani a Aefuremu eneerokhalla wonanko enama ddoottakhuniwa. Aefuremu eneerewaahoollella aniiwa okhotoni nko eneeriiwa yiiphiwe.

Yona 2:4

Sika kaallota ni murima wi, ‘Mookitathillella woorekama ni nyuwaano. Ethiyo kinoonettho mwawiidde enyumbaanyu yaweella?

Yeremiya 23:33

Apwiya yaallota ni miyaano wi, “Yeremiya, athu yaalla, khaya tti anamallotella apaalle allupa mukutho, ttuuwuukoha wi, ‘Ethiyo othenga woollemella wa Apwiya oni tini?’ Vano owaakhulle wi, ‘Nyu sika katundu awaallemella Apwiya nave eneerewuutathillani.’

Ezekiele 33:25

Vano waalleelle wi mi Apwiya Mulluku kinallota wi, ‘Munnacha enama vamodda ni nikhame nene. Munnallapella mafano, munnawiipha athu. Ethiyo vano ellapweeyo ttuukhalla yaanyu?