Yeremiya 7:11 - Mawu a Mulluku

¹¹ Ethiyo munaganiza wi enyumba eyo enadduwanyeya ni nnddina naka tti nipuro nawiipitthamo allupaawiiya? Mwaneenaaka kohoona nnddo muneereenyu. Mi Apwiya koollota.

Yeremiya 7:11 ပူးပေါင်းရင်းမြစ်များ

Yesaya 56:7

“Kineerewaaphiyiha o Ziyoni, mwaangwaaka wootthoolliwa. Kineerewaavaha ehakallallo mu enyumbaaka yamavekello. Mikutho ddiwa ddawoosa ni mikutho ddiwa ddimodda kineeroddaakhella va nikuwa naka. Valle enyumbaaka eneeroromolliwa enyumba yoovekellamo athu a mitundu ddittheddene.”

Mateyu 21:13

Nave aallota wi, “Mulluku aallota mu mawaaye wi, ‘Enyumbaaka ekhalle enyumba yoovekellamo.’ Koma nyuwaano mooyitthattusa nipuro nawiipitthamo allupaawiiya!”

Mariko 11:17

Nave aahuddiha allota wi, “Mulluku aallota mu mawaaye wi, ‘Enyumbaaka ekhalle enyumba yoovekellamo athu a mitundu ddittheddene.’ Koma nyuwaano mooyitthattusa nipuro nawiipitthamo allupaawiiya!”

2 Epilli 6:33

nyu mwiiwe oddullu munakhalleenyuwo nave mweere nnddo mulletooyo uuvekilleeyeni. Mweere ddenndda wi athu attheene a va ellapo yavatthi edduwelle nnddina nanyu nave ewoovekeni monga eneerella Aisraele athwaanyu nave edduwelle wi enyumba ella kiyimankeemi enadduwanyeya ni nnddina nanyu.

Yohane 2:16

Ahaalamulella ookulliha ekhunda wi, “Khumihanimoni nndda! Muhitthattuse enyumba ya Attiitthaaka wi ekhalle musika!”

Yeremiya 23:24

Ethiyo muthu ttuuwiipittha vootiitheya wi mi kihimoone? Ethiyo mi ngiri viriveveko, oddullu ni va ellapo yavatthi?

Aheberi 4:13

Kheyiivo ello enavittheya vamiitthoni va Mulluku, ddeko ddittheddene ddinnakhalla vawooneya nave ddinnakhunuulliwa vamiitthoni vaye. Nave attheenehi ninaphwanella wi nimutthopoollelle mitteko ddahu.

Yeremiya 29:23

Ddawoona, makhallellwiiwa o Israele yaari oonanara, yaanararuwa ni awara aaneena, yaanallotella ddawoottha munnddina naka kihaalamunle. Mi kinnadduwella, kineerella omboni ddenndda. Mi Apwiya koollota.”

Yeremiya 2:34

Ddoowara ddanyu ddoofiira ni nikhame na athu oohoowa oohichimwa naari mwaahaaphwanyille yinttakaka enyumba. “Komave naari ddiri ddiidda,

Yeremiya 7:10

Vatulli viwa munniimella vamiitthoni vaka mu enyumba eyo enadduwanyeya ni nnddina naka. Munallota wi, ‘Noovulluwa,’ koma munnavirellella weera ddoonanara ddittheddenenndda.

Ezekiele 35:13

Kahiiwa ddoovevulla nnddo mwallotilleenyu mwawiitukhulla, kahiiwa ddittheddene ni maarwaaka.

Yesaya 1:12

Ethiyo ttaani anuulamulani wi muweekena ddenndda vamiitthoni vaka? Ethiyo ttaani anuurumani wi munyingallenyingalleke mathato a enyumbaaka?

Daniele 9:18

Nyu Mullukwaaka, apellani maaru wi mwiiwe mawaaka. Muhulle miitthwaanyu wi moone matepaahu ni muzinda oyo onadduwelliwa ni nnddina nanyu. Kinavekella wa nyuwaano ekaamba yawi muri eechifundo, ohiri ekaamba yawi hiyaano niri oolungama.