Yeremiya 7:10 - Mawu a Mulluku

¹⁰ Vatulli viwa munniimella vamiitthoni vaka mu enyumba eyo enadduwanyeya ni nnddina naka. Munallota wi, ‘Noovulluwa,’ koma munnavirellella weera ddoonanara ddittheddenenndda.

Yeremiya 7:10 ပူးပေါင်းရင်းမြစ်များ

Yeremiya 32:34

Yahiimesa mafanwiiwa oonanara mu enyumba eyo enadduwanyeya ni nnddina naka nave yaayiripiha.

Ezekiele 23:39

Yaavelleellille aniiwa mukutho o mafanwiiwa, enthawi yeeyo yaavollowa mu enyumbaaka yaweella eyiripiha. Ngoonani, ddenndda sika yeerilliiwa mu enyumbaaka.”

Ezekiele 23:37

Yaararuwa nave yaawiipha athu. Yaararuwa voollapellani mafanwiiwa nave anaaka yakiyarelliiwa yahaavelleella wa mafano wonanko mukutho wa yoocha.

Yeremiya 34:15

Komave mallapo evirallaayo mwaalapa nave mwahaamba weera nnddo kinapaalleemi. Attheene mwahiiwanana ddawaattaphulla akhwiinyu nave mwaalonjeza weera ddenndda mu enyumba eyo enadduwelliwa ni nnddina naka.

Yeremiya 7:30

“Apwiya enallota wi, ‘Athu a o Yuda aheera ddoonanara vamiitthoni vaka, ahiimesa mafanwiiwa oonanara mu enyumba ella enadduwanyeya ni nnddina naka nave aayiripiha.

Yeremiya 7:14

Sika nnddo kimweerelleemi Shilo kineereweerattho va enyumba ella yoodduwanyeya ni nnddina naka, nipuro nno munaniroromelleenyu nave nno kuuvahilleemini ni makhollwaanyu.

Yeremiya 7:11

Ethiyo munaganiza wi enyumba eyo enadduwanyeya ni nnddina naka tti nipuro nawiipitthamo allupaawiiya? Mwaneenaaka kohoona nnddo muneereenyu. Mi Apwiya koollota.

Yohane 18:28

Vano osaka wene ohinase Ayuda yaamukusa Yesu ovenyera wa Kayafa emuyaana o nthato namillatu na Aroma. Ayuda kheyaavollowillemo munthatonimmo wi ehiripihiwe kaambiiwa yapaalla wi yachena yoocha ya Paska

Yohane 13:18

“Nginallota dda nyuwaano attheene vawi kinnamudduwella oyo kamutthoonlleemi. Nave mawu a Mulluku eneerokwakhwanihiwa awi, ‘Muthu oyo aachille ni miyaano embale emodda tti yooyo akiwukilalle.’

Mateyu 23:13

“Nyu, awoottha, ahuddihi a malamulo ni Afarisi, mookhalla ni otulli! Munnawalla nchiwi na omwene wa Mulluku wi athu ehivollowemo. Nyuwaano khamunavollowamo nave munnahiiha ayo enapaalla ovollowa!”

Ezekiele 23:29

Alliwa eneerowiita, eneerowaakha ddittheddene waphwanyilleewe mooraruwa nave eneerewuuhiya ori epwillimwinddive ni oosiwa. Mwiilli oyo wararuwaneewe oneerokhalla woohiwara. Ddoonanara ddawo ni oraruwa wawo

Ezekiele 20:39

“Koma nyu Aisraele, mi Apwiya Mulluku kinallota wi, ‘Khaweni mwarumeyelle mafanwaanyu! Koma vatulli viwa muneerokiiwellellattho nave khamuwa muripiha nnddina naka naweella voovelleellani emphaso wa mafanwaanyu!

Yesaya 48:2

Komave munniiromolla ni nnddina na muzinda wawella, munnaashave nikavihero wa Mulluku a Israele oyo nnddina naye tti Apwiya Amasiva Mattheene.

2 Epilli 33:7

Aahiya mu enyumba ya Mulluku nifano noosema. Enyumba eyo Apwiya yamulleelliiwa Davide ni mwanaye Solomoni wi, “Mu enyumba yeella ni mu Yerusalemu sika kitthoonlleemi variyari va malloko mattheene a Israele wi ekillapellekemo wa enthawi yoohimalla.

2 Epilli 33:4

Aamaka makuwa mu enyumba ya Apwiya eyo alliwa yallotilleewe wi, “Nnddina naka nineerokhalla mu Yerusalemu wa enthawi yoohimalla.”

2 Mamwene 21:4

Aamaka makuwa mu enyumba ya Apwiya eyo alliwa yallotilleewe wi, “Nnddina naka nineerokhalla mu Yerusalemu.”

Ezekiele 33:31

Athwaaka ennatthukumana wa weyaano enakeraatthi vatthi wi yiiwe nnddo onalloteewe. Koma yaddiiwa khenaddithwara. Ddoollota ddiwa ddinnooniha echikondi koma mirima ddiwa ddiri va opindula.

Miyambo 15:8

Mikutho dda muthu oochimwa onnaananara Apwiya koma mavekello a aphaama ennaahakallalliha.

Yeremiya 44:9

Ethiyo mootiwalla ddoonanara ddittheddene nnddo yeerille makhollwaanyu, mamwene a o Yuda ni awariwa navettho nyuwaano ni awarinyu, o ellapo ya Yuda ni m'misewuni dda mu Yerusalemu?

Ezekiele 33:25

Vano waalleelle wi mi Apwiya Mulluku kinallota wi, ‘Munnacha enama vamodda ni nikhame nene. Munnallapella mafano, munnawiipha athu. Ethiyo vano ellapweeyo ttuukhalla yaanyu?

Daniele 9:18

Nyu Mullukwaaka, apellani maaru wi mwiiwe mawaaka. Muhulle miitthwaanyu wi moone matepaahu ni muzinda oyo onadduwelliwa ni nnddina nanyu. Kinavekella wa nyuwaano ekaamba yawi muri eechifundo, ohiri ekaamba yawi hiyaano niri oolungama.

Hoseya 6:9

Monga mmo allupaawiiya enamwiipitthelliiwa muthu tti mmo allupa mukutho enatthukumanelliiwa wi ewiipheke athu va ettilla yooya o Shekemu. Ddawoona ennawiipha athu.

Amosi 4:5

Velleellani wa Mulluku mikutho ddanyu ddoothokoza, mwiitukhullekena ddoovelleella ddanyu ddoopaalla vawi nndda sika munakondeenyu, nyu Aisraele. Mi Apwiya Mulluku koollota.”

Zefaniya 1:5

Kineerowoonongattho ayo enakokhora vaddullu va enyumba ddiwa enallapella nndduwa, mweeri ni etheneeri. Kineerowoonongattho ayo enaallapella Apwiya enallupella mu nnddina niwa, nngu ellupellaka mu nnddina na Milikomu.

Malaki 3:15

Koma nineesa wi athu awiitukhulla sika eri oodala. Athu oochimwa ddeko ddinnaweetella phaama mwawi naari emweesille Mulluku kheyiivo enaamorella.’ ”

1 Mamwene 9:3

Vano Apwiya yaamulleella wi, “Kohiiwa nivekello nawo ni okhuwa wawo weerilleewe vamiitthoni vaka. Kooyipatula enyumba oyimakilleeweella nave koohiyamo nnddina naka wi athu ekillapellekemo wa enthawi yoohimalla. Miitthwaaka ni murimaaka ddinaakhalle mwemmo enthawi ddittheddene.

Ezekiele 5:11

“Ddawoona, mi Apwiya Mulluku Ookumi kinimallupella vamiitthoni vaka wi kineerowoonongani vawi mwaaripiha enyumbaaka ni ddeko ddanyu ddinchichi ddoonanara. Vano ngiweerellani echifundo, nguumorellani ethakaraka naari vang'ono.