Yeremiya 6:8 - Mawu a Mulluku

⁸ We Yerusalemu, hudderavo ello wi echikondaaka va weyaano ehimalle nave kihuutthattuse echipululu, ellapo yoohikhallamo athu.”

Yeremiya 6:8 ပူးပေါင်းရင်းမြစ်များ

Hoseya 9:12

Naari erimaayara anamwani kineerowoononga, khekhallana naari mmodda. Eneerokhalla ni otulli kaahiya.

Ezekiele 23:18

Mutthiyanooyo aanararuwa mooddoonihella nave aanooniha epwillimwinddaaye moohiwulliwa muru. Sika kaananariwana wonanko mmo keerelleemi ni muullupallaaye.

Yeremiya 17:23

Alliwa kheyiiwellelle apaalle opwathawo koma ni mirima ddawumma yaakhoota wiiwa ni waakhella malangizwaaka.”

Zefaniya 3:7

Kaganiza wi athwaaka ennakoova, khetiwalla malamulwaaka, eneerewuupuwella ehuddihwaaka. Koma sika vano ettepilliiwa weera ddoonanara va mitteko ddiwa ddittheddene.”

Yeremiya 32:33

Aakireya etulli naari kavirellelle waahuddiha, kheyiiwalle apaalle waakhullella ohumullulla.

Masalimo 50:17

Onniitana ni malangizwaaka, onnatathilla mawaaka.

Yeremiya 31:19

Vano vawi noorukunuwa, ninnamoriwa ethakaraka. Vawi noohuddera, ninnadduukutha vakhakaddani. Noowulliwa muru nave noonyaambusiwa, ekaamba ya machimwaahu naariihu asombwe.’

Yeremiya 9:11

Apwiya yaallota wi, “Yerusalemu kineeromutthattusa ntepe, kineeromutthattusa mookhalla akhatwe. Mizinda dda o Yuda ddineerohiyiwa, khamukhalla athu.”

Yeremiya 7:34

Khowa wiiweyattho mawu oohakallalla ni oottheya o mizinda dda o Yuda ni o misewu dda mu Yerusalemu. Khawiiweyattho mawu oothapella, a ootthella ni ootthelliwa vawi ellapo eneerotthattuwa otthako.’ ”

Yeremiya 7:20

Sika vano Mi Apwiya Mulluku kineerewaallaka wunchichi moosha murima. Osha murima waka oneeromorella va enyumbaaka, athu, enama, miteekho ni mmiddo nave oneerokhara wonanko munllo woohithiimiheya.

Yeremiya 4:14

We Yerusalemu, venyihamo ddoonanara m'murimani mwawommo wi ovulluwe. Ethiyo onaakhalleve ni maganizo oonanara ophiyera niini?

Yeremiya 2:15

Athu a mitundu ddimodda ennathuruma wonanko mikango, ellapwaaye yooyitthattusa matepe. Mizinda ddene yaaddoononga, ddaatthattuwa moohikhalliwa.

Miyambo 4:13

Sunga nave avitthe malangizwaaka, ohinaahiya vawi tti okumaawo.

Masalimo 94:12

Nyu Apwiya, oodala tti muthu oyo munamulangizeenyu, oyo munamuhuddiheenyu malamulwaanyu.

Masalimo 2:10

Sika nyu mamwene khallani eezeru, chenjerani nyu oolamulella ellapo yavatthi.

Deuteronomo 32:29

Yaariki ni ezeru yeerewiiwesesa, yeerodduwella nnddo ddinaamorelle.

Levitiko 26:34

“Va enthawi yeeyo ethaya eneerohakallallella miyakha ddawiithuuwa mwiillaponimmo muhiriiwa athu, nyuwaano muri mu ellapo ya adanaanyu. Vano ethaya eneerewiithuuwa ni ohakallallella miyakha ddawiithuuwa.

Yeremiya 7:28

Nave sika waalleelle wi mutundwiiwa khoniiwellella mawu a Apwiya Mullukwiiya nave khonapaalla ohumullulliwa. Ororomelleya khonaphwanya nave eyo ehanlle vayanoni viwa tti ddawootthave.”

Miyambo 19:20

Waawiiwellellaka malangizo nave onakhozekella ohuddera, nllapo nimodda oneerokhalla eezeru.

Hoseya 2:5

Vallethi ameewa tti ooraruwa, ayo yaayarille yaaneera ddoowulliha muru. Yaanallota wi, ‘Kineeroddithwara ezibwenzi ddaka nnddo ddinakivaha yoocha ni maaddi, obweya ni nthoche, makhura ni vinyo.’