Yeremiya 6:28 - Mawu a Mulluku

²⁸ Attheene tti eetiyamaaru oowukila, anawunawu, awumma wonanko mukuwa ni mukoko ni aweera ddoonanara.

Yeremiya 6:28 ပူးပေါင်းရင်းမြစ်များ

Yeremiya 9:4

Arive muthu achenjere ni mukhwaaye, ahimuroromelle naari mbalaaye. Ddawoona, arive muthu annamulleka mbalaaye, annamullota mukhwaaye.

Yeremiya 5:23

Koma nyuwaano tti awumma murima ni oowukila. Moohollowa ni okihiya miyaano.

Yeremiya 18:18

Vano athu yaallota wi, “Hankoni niiwanane ddoomweerella echiwembu Yeremiya wi nivirellelle okhalla ni allupa mukutho oonihoollella, athu eezeru oonilangiza ni anamallotella oonillalleyella mawu a Mulluku. Hankoni nimwiipe mullatu nave nihiye opwatha mawaaye.”

Yawuupullulla 19:2

Echiweruzwaaye tti yawoona ni yoolungama! Aamweeruza hule oovuwa oyo aripihalle ellapo yavatthi ni oraruwa waye. Mulluku oomullaka kaambiiwa aawiipha oorumeyellaaye.”

Yawuupullulla 11:18

Athu oohimullapella Mulluku yaasha murima, koma enthawaanyu yoosha murima yoophiya, enthawi yawi ookhwa yeeruziwe. Enthawi yowaathuva oorumeyella, anamallotellaanyu yoophiya, nave athwaanyu attheene, ayo enawoovani, uullupalli ni ang'onong'onweene. Enthawi yoophiya yoowoononga ayo enoononga ellapo!”

Yeremiya 20:10

Kinnawiiwa anchichi enong'onaka wi, “Ddawoopiha ddiri orive weko!” Enallota wi, “Khaweni mwamootthere! Hankoni namusumelle!” Akhwaaka ennatiyerella olephela waka, ennallota wi, “Apaalle ttuumootthella, sika nineeromuphara wi nimuhokolloselle ddoonanara.”

Yeremiya 6:30

Alliwa tti wonanko siliva ootathilliwa vawi Apwiya ahaakhoota.”

Yesaya 31:6

Nyu Aisraele, hokollweellani wa Apwiya ayo mwaawukilalleenyu wunchichi.

Masalimo 50:20

Onnakeraatthi onamullota miseche mbalaawo, onnatetemura dda ookhumana erukullu emodda.

Levitiko 19:16

Muhinakhallaka nawunawu. Nave muthu mmodda akhalla ni mullatu muvelleelleke omboni wawoona wi mumukavihere wakhalla wooworeya. Mi tti Apwiya.

Ezekiele 24:13

Murawa yoolla tti minkhella dda oraruwa wawo, kahuuhuwa koma khawaaweellille. Vano khaweella ophiyera osha murima waka okwakhwanihiwe va weyaano.

Levitiko 14:43

“Enguwinnddo ddamellattho mpammo ekumullallemo khalle mallukwaalle nave eyiwakille navettho eyisiringalle,

Masalimo 14:1

Muthu ookarangeya m'murimani mwaye anallota wi, “Mulluku khaawo.” Athu yaalla tti oonanara, enneera ddoottakhalla, khaavo aneera ddaphaama.

Miyambo 10:18

Anavittha wiitana tti a eyano yawoottha nave oollota miseche tti ookarangeya.

Yeremiya 7:28

Nave sika waalleelle wi mutundwiiwa khoniiwellella mawu a Apwiya Mullukwiiya nave khonapaalla ohumullulliwa. Ororomelleya khonaphwanya nave eyo ehanlle vayanoni viwa tti ddawootthave.”

Yeremiya 9:3

Ennakhoromaniha nllumi niwa wonanko muura, ellapo yooddalla ni ddawoottha ohiri ddawoona. Apwiya yaallota wi, “Ennavirellella woonjerera ddoonanara, khenakidduwella mi Mullukwiiwa.”

Ezekiele 2:7

Waalleelle mawaaka, yiiwellella apaalle yakhoota vawi alliwa tti oowukila,