Yeremiya 6:26 - Mawu a Mulluku

²⁶ Apwiya enallota ni athwiiwa wi, “Nyu athwaaka, warani eziguduli nave upuruwani vantuurani. Inllani mwamasiva wonanko muthu anamwinllella mwanaye mmoddave vawi moorurumusa awoononga aneeroowa wi awiipheni.

Yeremiya 6:26 ပူးပေါင်းရင်းမြစ်များ

Zekariya 12:10

“Vano athu a nibanja na Davide ni attheene a o Yerusalemu kineerewaakawella murima wooddalla ni echifundo ni woovekella. Sika yamuweha oyo yamuhomilliiwa, eneeromwinllella wunchichi wonanko enamwinllelliiwa mwaana akhalla mmoddave.

Yeremiya 4:8

Sika warani eziguduli, mukhupanye ni winlla wunchichi, kaambiiwa owalli wawoopiha wa Apwiya khonavenyevo va Yuda.”

Yakobo 5:1

Vano nyu, athu eeyuuma, ngakiiwellelleni. Inllani moomoriha miitthori ekaamba ya ddoohoosa ddinaawe wa nyuwaano!

Yakobo 4:9

Khallani ni ethakaraka, inllani moomoriha miitthori. Ottheya wanyu otthattuwe winlla, ohakallalla wanyu otthattuwe okhupanya!

Luka 7:12

Aphiyalleeye vamullakoni wa etawoneeyo, aakumana ni athu emutukhullalle muthu ookhwa ekhumakana. Muthu ookhooyo aari mwaana aamullopwana yooyove anaamukhwelle. Nave mulloko wa athu anchichi a o etawoninko waarina nimodda.

Amosi 8:10

Kineerotthattusa ehakallallo ddanyu okhalla winlla, machipwaanyu eehakallallo okhalla amaliro. Kineerewuuwarihani attheene eziguduli, miru ddanyu ddittheddene ddineerochemiwa mipala. Munaakhalle wonanko makhollo oomwinllella mwaniwa mmoddave, nllapo nenno nittheene ophiyera omalla wiwa, ninaakhalle noovoreya.”

Maliro 4:10

Naari atthiyana amahalla yaaphiya voowaapeyani aniiwa, aniiwa yaatthattuwa yoochiiwa va enthawi eyo mwaana aamutthiyana, athwaaka yoonongeyiiwa.

Maliro 4:6

Ollakiwa wa mwaana aamutthiyana, athwaaka tti wuullupalli okhwaranya oollakiwa wa Sodomu oyo allakiwe moorurumusa oohikhallavo awaakavihera.

Maliro 4:3

Akhatwe khenawatteella nipelle, ennawaamwiha asaaniiwa. Koma mwaana aamutthiyana, athwaaka tti eekuku, tti wonanko enthiwatiwa ddamuutthakoni.

Maliro 3:48

Miitthwaaka tti mihinje dda miitthori, kaambiiwa mwa mwaana aamutthiyana, mutundwaaka ohoonongeya.

Maliro 2:11

Miitthwaaka aatopa ni winlla, murimaaka woohoowa wunchichi. Murimaaka wooddalla ni ethakaraka, ekaamba yawi athwaaka ahoonongeya. Anamwani ni avanipelleniine enimangomowa m'misewuni dda m'mizindani.

Maliro 1:16

Ekaamba ya ddenndda kiniminlla, miitthwaaka ennamora miitthori, vawi ookikhurumusa murima khari vakhuviru, ookillipiha murima oorekamella. Athwaaka ehanlle weekhiiwa, vawi mudani oonigonjiha.

Maliro 1:2

Akhallelle winllave mahiiyu mattheene, maramaaye yoohapa miitthori. Mwa attheene ayo yamukonda, khaavo naari mmodda awi amukhurumuseke. Akhwaaye attheene khenaroromelleya, attheene aatthattuwa adanaaye.

Yeremiya 15:8

Kawoonjerera anaamukhwelle okhwaranya mihava ddoonyanja. Amoowe kaawoonongella aniiwa eri asombwe, moorurumusa kahaamorihella otulli ni otathilla murima.

Yeremiya 14:17

Apwiya yaakilamula wi kaalleelle athu dda ethakaraka ddaka wi, “Miitthwaaka eneerovirellella omora miitthori otthaana ni mahiiyu vawi athwaaka ookondiwa aakhalla ni nikhwata nuullupalli, aaphoriihiwa moonanara.

Yeremiya 13:17

Koma mwaahiiwellella, kineerewinlla m'murimanimurimani ekaamba ya wiitukhulla wanyu. M'mwiitthoni mwaka muneeroddalla miitthori ddoovoreya ekaamba yawi enkhosa dda Apwiya ddineerophariwa okaporo.

Yeremiya 12:12

Athu awoononga aapallalleyella o asimiyaango a muutthakoni. Mi Apwiya kohaaruma akhoto wi yoononge ellapo ettheene, khaavo arive muthu anaakhalle mwamurendelle.

Yeremiya 9:10

Mi kaallota wi, “Kineeromoriwa ethakaraka ni winlla mookhuwa ekaamba ya miyaango, ekaamba ya mapuro oochihellawo enama a muhakani vawi mapuro mattheenaayo ahoonongeya. Khaavo anayaawo, khoniiweyattho naari winlla wa eng'ombe. Epallame ddittheddene ddoovava enama ddamuhakani ddoothawa, oohooneyattho.”

Yeremiya 8:21

Kinniiwa ovoreya ekaamba ya ddoohoosa dda athwaaka, kinninlla, ethakaraka ddookiphara.

Yeremiya 8:19

Ngiiwani winlla wa athwaaka ovenyera o ellapo yawoorekama wi, “Ethiyo Apwiya kheri o Ziyoni? Ethiyo mweniiwa khari wenko?” Apwiya enaakhulla wi, “Kaambiiwa tini enakillikiiwa ni mafanwiiwa navettho ni milluku ddiwa ddeelleto?”

Yeremiya 6:14

Ennavolliha makhwata a athwaaka vaddulluve. Nave enallota wi, ‘Murendelle, murendelle,’ koma ohiri murendelle.

Yeremiya 4:20

Otulli onimathwarana, ellapo ettheene yootthattuwa ntepe. Moorurumusa misasa ddahu ddohoonongeya, makataniiwa ahaahulliwa va enthawi yooyeva.

Yeremiya 4:11

Enthaweeyo yaphiya athwaalla ni Yerusalemu eneerolleelliwa wi ephevo yooviha ennoopa wa alliwa ovenyera o echipululu. Ellathi khehiyo ephevo yooveethella apaalle yaweellihella ddeko.

Yesaya 32:11

Nyu oohikhupanya erive ello, tthukumellani! Nyu atthiyana a vamurendelleni, halleellani! Rullani ddoowara ddanyu nave makellani eziguduli.

Yesaya 30:13

Sika nichimo nanyunna ninaakhalle wonanko mutthari va esiri yoorekama wawooniha wi eneerokumuwa moorurumusa.

Yesaya 22:12

Enthawi yeeyo Apwiya Mulluku Amasiva Mattheene aawiithahanani wi mwinlle ni omoriha minthori, mucheme ni owara eziguduli.

Yesaya 22:4

Sika vano muhinakiwehaka miyaano, kihiyeni kinlle moovoreyiwa murima. Muheese okikhurumusa murima va dda woonongeya wa athwaaka.

Genesis 21:16

Olliye akeraatthi vatthi moowehana ni mwaanooyo va mutunda wa mamita 100 kaambiiwa aganiza wi, “Miyaano ngaakhullella omoonellella mwanaka akhwaka mwawi ddiidda.” Akeraatthille ddiiddo, mwaanooyo ahaamba winlla.

Yobu 2:8

Sika Yobu aakusa nivalli aniiwakana akeraatthille vaddallani.

Yeremiya 9:1

Ddaawerokiddivella murwaaka waariki ehime ya maaddi, miitthwaaka yaariki neetuutu a miitthori, wi kiwinllelleke otthaana ni mahiiyu attheene ayo yakhwille a mutundu wa athwaaka.

Yeremiya 18:22

Mwaarumihelle mulloko wakhoto moorurumusa nave winlla wawoova wiiweye mu enyumba ddiwa vawi alliwa aakikatella nlliti nawi akivokhellemo nave aareya manyallwaaka musampha.

Maliro 3:16

Aakittakhuniha mihava, aakuupurusa muntuurani.

Yona 3:6

Mwene o Nineve vawiiwani ddennddo, aakittha va vampandoni vaye woomwene nave aarullattho mukanjwaaye. Aawara echiguduli nave ahiiyeviha vookeraatthi vaddallani.

Yobu 15:21

Anniiwa mawu awoopiha owaruni waye, vaweesani wi ari vamurendelleni, anamasikita eneeromuhella ekhoto.

Yesaya 3:24

Munipuroni mwa wunkhella onaakhalle wunkha, munipuroni mwa laamba enaamakelle mukwe, munipuroni mwa meehi oopesa phaama enaakhalle ni mipala, munipuroni mwa madiresi oowallamella mutengo enaaware mathumba nave munipuroni mookotella oreera wiwa eneerowulliwa muru.

Yeremiya 30:5

“Nohiiwa winlla wootthukumella ni wawoova, murendelle khawiivo virive veko.