Yeremiya 6:24 - Mawu a Mulluku

²⁴ A o Yerusalemu enaakhulla wi, “Nohiiwa epilliiwa nave masiva aanimallella. Ninimakhupanya ni wiiwa ovoreya wonanko wa mutthiyana vooyarani.

Yeremiya 6:24 ပူးပေါင်းရင်းမြစ်များ

Yeremiya 50:43

Mwene a o Babiloni ohiiwa epilliiwa, masiva ammallella. Annakhupanya ni wiiwa ovoreya wonanko wa mutthiyana vooyarani.

Yeremiya 49:24

Damasiko ootathilla murima, anapaalla othawa ekaamba yawi animoova wunchichi. Anniiwa ovoreya wonanko mutthiyana vooyarani.

Yeremiya 4:31

Kahiiwa winlla wonanko wa mutthiyana vooyarani, wiipullella wonanko wa mutthiyana va oyepella waye wawaamba. Wenko waari winlla wa athu a mu Ziyoni, weeseesa okoka mpweya, etukhullelle muddullu mattiiwa ellotaka wi, “Otulli hiyaano, ninimangomowa, okumaahu woovelleelliwa wa ooniipha!”

Yeremiya 30:6

Kohani wi mudduwelle. Ethiyo mullopwana ttuumuyara mwaana? Kaambiiwa tini kinamooneemi arive mullopwana aphanre veerukulluni wonanko mutthiyana va enthawi yooyara? Kaambiiwa tini ekhove ddittheddene ddimorilliiwa?

Yeremiya 13:21

Ethiyo muneere tini ddakeraatthihiwa wi mulamulelliweke ni ayo mwaweesaanyu akhwiinyu? Ethiyo khamoona ddoovoreya wonanko dda mutthiyana vooyarani?

Yesaya 28:19

Erive enthawi vawooneyani oneerowiiphani. Nave woononganko onaaphiyeke orive ohinase, otthaana ni mahiiyu. Sika athu yiiwesesa othengoolla eneerewoova wunchichi.

Yesaya 21:3

Ekaamba ya yeella, nnddo koonilleemi ni wiiwa m'masomphenya ddookoopiha ni okivoreya wonanko mutthiyana aayaraka.

1 Atesalonika 5:3

Athu yaallotaka wi, “Vookhalla murendelle navettho nookhalla vaphaama,” vano yawoononga eneerewaamorella moorurumusa! Enaaphiye moorurumusa wonanko ovoreya onamphiyera mutthiyana aamuyaraka mwaana nave athu khewora othawa.

Habakuku 3:16

Vawiiwani nndda kinnatthukumella, eyanwaaka ennatikheya wunchichi ni woova, Mwiillaaka onnatthukumella, manyallwaaka ennoopana vatthimva. Kineerotiyera owa wa nllapo na ollakiwa wa oonihella ekhoto.

Yeremiya 22:23

Nyu mwakhalla o Lebanoni, mwamakille enyumba ddamikunguza, muneerewiipullella wunchichi vawuumorellani ddoovoreya wonanko mutthiyana vooyarani.”

Masalimo 48:6

Yaatthukumella ni woona ovoreya wunchichi wonanko mutthiyana enthawi yooyara.

Daniele 5:9

Sika mwene Belishazara ahoova wunchichi mwawi mwiilli muttheene waaryiirya. Naari enduna ddaye ddaallakallakeya.

Yeremiya 48:41

Mizinda ddineerophariwa nave mipanda ddineerewaakhiwa. Nllapo nenno mirima ddoollipa o Mowabu ddineerotthukumella wonanko mutthiyana vooyarani.

Ezekiele 7:17

Matta mattheene eneerofooka, makuttha eneerovelleveddeya wonanko maaddi.