Yeremiya 6:23 - Mawu a Mulluku

²³ Ekusalle miira ni mavaka, tti athu awumma murima nave khenna echifundo. Enanyakulla wonanko enyanja nave ewenlle va akavalwiiwa okhozekella owana ekhoto ni we Ziyoni.”

Yeremiya 6:23 ပူးပေါင်းရင်းမြစ်များ

Yesaya 13:18

Eneerowiipha asombwe ni miira ddiwa nave kheweerella echifundo naari anamwani awaamwa.

Yeremiya 50:42

Ekusalle miira ni mavaka, tti athu awumma murima, khenna echifundo. Enanyakulla wonanko enyanja, ewenlle va akavalwiiwa okhozekella owana ekhoto ni we Babiloni.

Yeremiya 30:14

Akhwiinyu attheene ahuutiwallani, alliwa khenuupwathanittho. Kohuullakani mweekuku wonanko mudani vawi mullatwaanyu tti muullupalli, machimwaanyu tti manchichi.

Yeremiya 5:16

Akhotwaayo mipaamba ddiwa ddinnawiipha athu anchichi nave attheene tti oollipa murima vakhotoni.

Yeremiya 4:29

Arive muthu aneerothawa vawiiwani onyakulla wa akhoto oowella va akavalo ni oovokha mipaamba. Amodda eneerothawella muutthakoni, amodda ewella m'mallukuni. Mizinda ddittheddene ddineerohiyiwa, khamukhalla naari mmodda.

Yeremiya 4:13

Ngoonani, adani enimawa wonanko mirapo nave magaretiiwa ennathamaka wonanko namangalle. Akavalwiiwa ennathamaka wunchichi okhwaranya mipungu. Otulli, nohoonongeya!

Yesaya 19:4

Kineerewaavelleella Aiguputo wa oolamulella eekuku, mwene amasiva aneerewaalamulella. Mi Apwiya Mulluku Amasiva Mattheene koollota.”

Deuteronomo 28:49

Apwiya eneerewiithaniha mutundu wa athu ovenyera woorekama, wookomella ellapo yavatthi wi ollipane ni nyuwaano. Athu a mutundu oyo ellotellwiiwa muhinayidduwelleenyu eneerewuumorellani wonanko mpungu.

Yesaya 10:32

Ollello adanaayo eniimelle o Nobu, eneerotikha miwono ddiwa owoopopiha athu a o Ziyoni, mwaango wa Yerusalemu.

Yesaya 17:12

Otulli! Athu a mitundu ddinchichi ennathiya owaruni wunchichi wonanko onyakulla wa enyanja. Otulli! Athu a mitundu ddimodda ennaturuma wonanko maaddi amasiva.

Yeremiya 6:4

Eneerollota wi, “Khozekani wi muhelle ekhoto muzindoolla! Waawoni niwuhelle ekhoto otthaana vaava!” Koma vano eneerollotattho wi, “Otulli vawi nndduwa nootthettemana nave miithuuchi dda misikuwa ddohaamba orekama!

Yeremiya 25:9

kineerowiithaniha malloko mattheene ompoto ni oorumeyellaaka Nebukadinezara, mwene a o Babiloni. Kineerewaaruma wi ehelle ekhoto ellapweella ni athwiiwa navettho athu a mitundu ddimodda ddawaapheella ellapweella. Ddawoona, kineerewaatthollosa ni waatthattusa ello yoonanara, yoovevuwa ni yoosoonyiha wa enthawi yoohimalla.

Ezekiele 21:31

Kineerewuunanariwellani nave owallaaka oneerokhara va nyuwaano. Kineerewuuhiyani m'mattani mwa athu eekuku, oodduwella woononga.

Yeremiya 4:16

Enallota wi, “Muchenjeze mitundu dda athu wi mudani animawa. Mullalleye wa Yerusalemu wi akhoto enimawa ovenyera o ellapo yawoorekama, eninakhuwa wi ehelle ekhoto mizinda dda Yuda.

Yeremiya 8:16

Adaniihu aavollowa khalle mu muzinda wa Dani. Nave ellapo ettheene enimatthukumella ni winlla wa akavalo a adanaayo. Adani enimawa wi yoononge ellapweella ni ddeko ddittheddene nave eneerewoonongattho muzinda ni ddittheddene ddiri mwemmo.

Yeremiya 25:32

Apwiya Amasiva Mattheene enallota wi, “Ngoonani vawi otulli wavenya va mutundu mmodda onaamorelleke va mutundu mmoddattho nave wookomella ellapo yavatthi oneerovenyera ephevo yawoopiha.”

Yeremiya 50:41

Ngoonani, athu ovenyera o ellapo ya ompoto enimawa, mutundu wa athu amasiva wootimulla ovenyera woorekama.