Yeremiya 6:2 - Mawu a Mulluku

² Kineerowoononga muzinda wa Ziyoni, muzinda wawooneya phaama ni wooreera.

Yeremiya 6:2 ပူးပေါင်းရင်းမြစ်များ

Yeremiya 4:31

Kahiiwa winlla wonanko wa mutthiyana vooyarani, wiipullella wonanko wa mutthiyana va oyepella waye wawaamba. Wenko waari winlla wa athu a mu Ziyoni, weeseesa okoka mpweya, etukhullelle muddullu mattiiwa ellotaka wi, “Otulli hiyaano, ninimangomowa, okumaahu woovelleelliwa wa ooniipha!”

Yesaya 1:8

Mwaana aamutthiyana Ziyoni ahanlle yeekha wonanko musasa wa oowehera emata yampesa, wonanko musasa mu emata yamihawa, wonankottho muzinda wowaapheelliwa ni ekhoto.

Maliro 2:13

We mwaana aamutthiyana, Yerusalemu, kinaallotettho tini dda weyaano apaalle wuuphwanaphwaniha ni tini? We mwaana aamutthiyana, Ziyoni, ethiyo kinuuphwanaphwanihe ni aani wi kuuhakallallihe? Vawi woonongeya wawo tti wuullupalli wonanko enyanja, ttaani anaawore wuuchiriha?

Maliro 2:1

Apwiya aasha murima wunchichi, ngoonani amukhuneellelleeye mwaana aamutthiyana, Ziyoni ni epiphi. Aawutathillella vatthi oriiheya wa Ziyoni ovenyera oddullu. Va nllapo na osha murima wiwa kheyaawupuwenlle wi Israele aari wonanko voonyingallavo manyallwiiwa.

Deuteronomo 28:56

Naari mutthiyana oollelliwa phaama, ooriiheya nave oohinyingalliha vatthi manyallwaaye aneeromwimmana mamune a vamurimani ni anaaye

Maliro 4:5

Ayo yavona ddaphaama, enamallella okhwa m'musewuni. Ayo yawara ddooreera ddoofiira, ekonaatthille vaddallani.