Yeremiya 6:19 - Mawu a Mulluku

¹⁹ Nyu ookhalla va ellapo yavatthi, apellani maaru. Kineerowoononga moollikana ni ddawoottha ddiwa kaambiiwa kheyiiwellenlle mawaaka nave yaakhoota malamulwaaka.

Yeremiya 6:19 ပူးပေါင်းရင်းမြစ်များ

Yesaya 1:2

Apwiya yaallota wi, “We oddullu, ngiiwa nave we ellapo yavatthi, apella maaru, mi Apwiya kinimallota. Kahaayara anamwani navettho kahaallella koma aakiwukila.

Mitteko 8:22

Vano ohiye ddeko ddoonanaranndda nave ovekelle wa Apwiya wi yuukhululukelle maganizwaawo oonanara.

Yeremiya 17:10

Mi Apwiya kinnawumolleella murima nave kinnaweesa maganizo wi kimweerelle arive muthu moollikana ni ettilla ddaye moophwanellella ni mitteko ddaye.”

Yeremiya 8:9

Athu eezeru eneerowulliwa muru, eneeromalla ezeru nave eneerophariwa. Aakhoota mawu a Apwiya, vano ezeru ddiwa tti ddawiidde?

Yohane 12:48

Oyo anakikhoota miyaano ahinaakhella mawaaka ookhalla ni oomweeruza. Mawu killonteemaalla eneerokhalla aweeruzaaye va nllapo noomallihella!

Mika 6:2

Nyu miyaango ni matthipello ookeraattheya a ellapo yavatthi, iwani mullatu wa Apwiya. Apwiya enawiipa mullatu athwiiwa, enaahumullulla Aisraele.

Hoseya 10:13

Mwahaalla ddoolakwa nave mwaahata ohilungama, moocha ezipaso ddiwa dda ddawoottha. Ekaamba yawi munaroromella magaretaanyu ni waata wa athwaanyu akhoto,

Hoseya 4:6

Athwaaka ennoonongeya ekaamba ya ohidduwella. Kineerewuukhootani wi muhikirumeyelle wonanko allupa mukutho ekaamba yawi mookhoota ohuddera dda miyaano. Mootiwalla malamulo a Mullukwaanyu vano miyaanottho kineerewaatiwalla aniinyu.

Yeremiya 22:29

We ellapo, ellapo, ellapo, iwellella mawu a Apwiya!

Yeremiya 6:10

Kahaakhulla wi, “Ethiyo killote ni aani nave kimuchenjeza aani wi iiwe? Maarwiiwa aatiyelleya, khewora wiiwa. Ennaavevulla wunchichi mawu a Apwiya nave khenaapwatha naari vang'ono.

Yeremiya 19:15

“Apwiya Amasiva Mattheene, Mulluku a Israele, enallota wi, ‘Kineerowumorihella otulli muzindoolla ni va mizi ddiwa ddittheddene moollikana ni mmo kallotelleemi ekaamba yawi athwiiwa tti awumma murima nave enimakhoota wiiwellella mawaaka.’ ”

Yesaya 66:18

Kinnadduwella mitteko ddiwa ni maganizwiiwa. Nave kinimawa wi kaatthukumanihe athu a mitundu ddittheddene ni a ellotello ddittheddene. Ddawoona, eneeroowa nave eneerewoona ntitimiho naka.

Yesaya 59:7

Enathamakella weera ddoonanara, khenaselliha owiipha athu oohilakwa. Maganizwiiwa mattheene enakhalla va ddoonanara, orive weko enayiiwa ennatthollosa ni woononga.

Miyambo 28:9

Oyo anakhoota wiiwellella malamulo mavekellwaaye ennamunanara Mulluku.

Miyambo 15:26

Apwiya khenaddivelliwa ni maganizo a muthu oonanara koma ennahakallalla ni mawu aphaama.

1 Samuele 15:26

Koma Samuele aamwaakhulla Saulo wi, “Khanithaanana vawi mwaakhoota wiiwellella mawu a Apwiya, alliwattho ahuukhootani wi muhikhalle mwene owaalamulella Aisraele.”

1 Samuele 15:23

Owukila tti ochimwa wonanko woombesa makhanga. Wiitukhulla tti ochimwa wonanko ollapella milluku ddooromolliwa terafimu. Vawi wookhoota weera nnddo Apwiya yuulleelliiwa, aaganizattho wi weyaano ohikhalle mwene.”

Deuteronomo 32:1

“We oddullu, apella maaru o nnddo kineereemi killote. We ellapo yavatthi, ngiiwa ddoollota ddaka.

Deuteronomo 30:19

Ollello kinuuvahani mpata wi mutthoolle okumi apaalle okhwa, madaliso apaalle matembelelo. Oddullu ni ellapo yavatthi sika ddinaakhalle amboni awuuvaanyihani. Sika tthoollani okumi,

Deuteronomo 4:26

Mwaahiiwellella kinalloteeminndda, eddullu ni ellapo yavatthi sika ddinaakhalle amboni awaavaanyiha wi khemukhalla ni enthawi yoorekama mwiillaponimmo. Muneerewoonongeya attheenenyu mwiillaponi eyo eri vakhopella na Yordani eyo munaakhalleenyumo, ddawoona, muneerotthollowa.

Yeremiya 4:4

Musunge lonjezano nanyu ni miyaano Apwiinyu nave mwiivelleelle ni murimaanyu muttheene wa miyaano. Nyu athu a o Yuda ni a o Yerusalemu muheereke ddenndda wi owallaaka ohiwe wonanko munllo nave ohuukharelleni moohithiimiheya ekaamba ya ddoonanara muneereenyu.”

Yeremiya 4:14

We Yerusalemu, venyihamo ddoonanara m'murimani mwawommo wi ovulluwe. Ethiyo onaakhalleve ni maganizo oonanara ophiyera niini?

Yeremiya 6:18

Sika Apwiya yaallota wi, “Nyu mitundu dda athu, apellani maaru. Nyu mutthukumanne, dduwellani nnddo ddinaamorelle athwaaka.

Yeremiya 11:11

Sika vano mi Apwiya kinallota wi kineerewaamorihella ddoohoosa ddoohithaweya. Naari ekinllelleve mwawiidde ngaapella maaru.

Yeremiya 15:6

Mi mwaakihiya, munnavirellellave okireya etulli. Sika kahuullakani ni owoonongani ni muwonwaaka ekaamba yawi kaatopa ni okhululuka.

Yeremiya 19:3

wi, ‘Nyu mamwene a o Yuda ni attheene a o Yerusalemu, ngiiwani mawu a Apwiya. Apwiya Amasiva Mattheene, Mulluku a Israele.’ Enallota wi, ‘Kineeromorihella otulli wawoopiha vanipuroninna ophiyera wi arive muthu iiwa ddenndda aneerorurumuwa wunchichi.

Yeremiya 29:19

Nndda ddineereye ekaamba yawi kheyiiwellelle mawaaka mvo kaarumihelleemi anamallotella, amurummwaaka navettho mwaakhoota wiiwellella.

Yeremiya 49:37

Athu a o Elamu kineerowoopopiha vamiitthoni va adaniiwa ni va oyo anapaalla waatthollosa. Kineerewaashella murima wunchichi nave kineerowiikara ni nsupada ophiyera kaatthollosille.

Amosi 2:4

Apwiya enallota wi, “Ekaamba ya ddoolakwa ddiraru dda athu a o Yuda apaalle ddisese ngihiya waallaka. Aavevulla ohuddiha waka, kheyaawiiwellelle malamulwaaka, milluku ddawoottha nnddo makhollwiiwa yaddillapelliiwa ddohaahollosa.

Mika 1:2

Nyu athu a mitundu ddittheddene, iwani! We ellapo yavatthi ni ddittheddene ddookhalla mwemmo, Apellani maaru! Apwiya Mulluku Amasiva Mattheene enawiipani mullatu, enallota ovenyera o enyumbiiwa yaweella.

Yesaya 5:24

Sika wonanko munllo onoonongelliiwa muttatthi ni manasi, emoddamoddave yeeyo musisiiwa oneerewunta nave malluwiiwa eneeronyaalla ni ovava wonanko nthupi kaambiiwa yaakhoota malamulo a Apwiya Amasiva Mattheene nave yaavevulla mawu a Aweella a Israele.

Yeremiya 4:16

Enallota wi, “Muchenjeze mitundu dda athu wi mudani animawa. Mullalleye wa Yerusalemu wi akhoto enimawa ovenyera o ellapo yawoorekama, eninakhuwa wi ehelle ekhoto mizinda dda Yuda.

Yeremiya 8:5

Vano kaambiiwa tini athu alla enavirellelliiwa ochimwa ohihokollowattho? Yohummellella ddawoottha, enimakhoota ohokollowattho.

Yeremiya 21:14

Kineerewuullakani moollikana ni mitteko ddanyu. Kineerohella munllo enyumbaanyu yoomwene nave oneeroshellelliha erive ello yawaapheella. Mi Apwiya koollota.’ ”

Daniele 9:11

“Aisraele attheene aapwesa malamulwaanyu nave aahollowa, aakhoota wiiwellella mawaanyu. Sika mawu ootembelela ni oollupella ayo yalembiwe mu malamulo a Mose, oorumeyella a Mulluku, aanimorella ekaamba yawi nohuuchimwellani.