Yeremiya 6:18 - Mawu a Mulluku

¹⁸ Sika Apwiya yaallota wi, “Nyu mitundu dda athu, apellani maaru. Nyu mutthukumanne, dduwellani nnddo ddinaamorelle athwaaka.

Yeremiya 6:18 ပူးပေါင်းရင်းမြစ်များ

Mika 6:5

Nyu athwaaka, upuwellani nnddo Balaki, mwene a o Mowabu apaalleeye oweerellani navettho mmo Balamu mwaana a Beori amwaakhullelleeye. Upuwellani nnddo ddeereyille va olendo woovenyera o Shitimu oyo o Giligala. Upuwellani ddittheddenenndda wi mwiiwesese nnddo mi Apwiya keerilleemi wi kuuvulluseni.”

Yeremiya 31:10

Apwiya enallota wi, “Nyu mitundu dda athu ddittheddene, iwani mawu a Apwiya. Llalleyani mawu o ellapo ddawoorekama, dda mukhwipi mwa enyanja. Apwiya ayo yaapallallesille Aisraele eneerewaatthukumanihattho, eneerewaapwatha wonanko mbusa ni enkhosa ddaye.

Yeremiya 4:10

Vano kaallota wi, “Ha, nyu Apwiya Mulluku, ddawoona, mohaalleka wunchichi athu yaalla ni Yerusalemu! Mwahaalonjeza wi eneerokhalla ni murendelle koma nsupada niri vanikohini viwa.”

Yesaya 5:3

Sika vano ookondiwaaka anallota wi, “Nyu athu ookhalla o Yerusalemu ni o Yuda, kinuuvekani wi mweeruze variyari va miyaano ni emataaka yampesa.

Yeremiya 6:17

Kahuuvahani alonda wi yuuchenjezekeni vawinllani nipallapata. Koma mwaallota wi, “Khenaapella maaru.”

Yeremiya 6:19

Nyu ookhalla va ellapo yavatthi, apellani maaru. Kineerowoononga moollikana ni ddawoottha ddiwa kaambiiwa kheyiiwellenlle mawaaka nave yaakhoota malamulwaaka.

Yeremiya 4:16

Enallota wi, “Muchenjeze mitundu dda athu wi mudani animawa. Mullalleye wa Yerusalemu wi akhoto enimawa ovenyera o ellapo yawoorekama, eninakhuwa wi ehelle ekhoto mizinda dda Yuda.