Yeremiya 6:17 - Mawu a Mulluku

¹⁷ Kahuuvahani alonda wi yuuchenjezekeni vawinllani nipallapata. Koma mwaallota wi, “Khenaapella maaru.”

Yeremiya 6:17 ပူးပေါင်းရင်းမြစ်များ

Yeremiya 25:4

Nyu khamwiiwellenlle apaalle waapella maaru naari Apwiya yahihiyalle wuurumihellani oorumeyellaaye anamallotella.

Yesaya 58:1

Apwiya enallota wi, “Khuwa wunchichi, ohihiyerere! Llipiha okhuwa wonanko nipallapata! Alleelle athwaaka dda olakwa wiwa ni a nibanja na Yakobo dda machimwiiwa.

Zekariya 7:11

“Koma alliwa yaakhoota waapella maaru, yaakireya etulli ni yaatiyella maarwiiwa wi ehiiwe.

Yesaya 21:11

Nngu sika ollotella wa dda Edomu. Mmoddeene anakillotiha mookhuwa ovenyera o Edomu wi, “We mulonda, ethiyo mahiiyu onaamalle niini? We mulonda, ethiyo onaamalle niini mahiiywaalla?”

Habakuku 2:1

Kinaakhalle wonanko mulonda awiimella vanttatthani. Kineerotiyerella enaakilleelliiwa vaavo kineerodduwella enaakaakhulliiwa dda okhupanya waka.

Yesaya 56:10

Alliwa enallota wi, “Oohoollella attheene a Israele tti oohoona, attheenaayo khenna ezeru. Tti wonanko anapwa ookarangeya, oohiwora wuuwa koma enakhallella olloha, okonaatthi ni oddivelliwa ekhove.

Aheberi 13:17

Muwiiwellelleke oohoollellaanyu ni waagonjera vawi alliwa ennawehera mirima ddanyu enthawi ettheene vawi eneerotthopoolla mitteko ddiwa vamiitthoni va Mulluku. Mwawiiwellella eneerekophara muttekwiiwa moohakallalla. Mwaaheera ddiiddo, eneerokhumuwa nave kheyuukaviherani nyuwaano.

Hoseya 8:1

Apwiya enallota wi, “Ipani nipallapata! Adani aatthukumanella enyumba ya Apwiya wonanko mipungu va enama yookhwa. Athu aatathilla echipanganwaaka nave aachimwella malamulwaaka.

Yesaya 62:6

We Yerusalemu, va mipanda ddawo kohaahiyavo alonda, otthaana ottheene ni mahiiyu mattheene khaweera ellapo tuu. Nyu munawuupusa Apwiya, muhiithuuwe.

Yeremiya 6:18

Sika Apwiya yaallota wi, “Nyu mitundu dda athu, apellani maaru. Nyu mutthukumanne, dduwellani nnddo ddinaamorelle athwaaka.

Yeremiya 7:28

Nave sika waalleelle wi mutundwiiwa khoniiwellella mawu a Apwiya Mullukwiiya nave khonapaalla ohumullulliwa. Ororomelleya khonaphwanya nave eyo ehanlle vayanoni viwa tti ddawootthave.”

Zekariya 1:4

Muhikhalle wonanko makhollwaanyu ayo yiiwalle mawu a anamallotella akhalle ootthopoolla othengaaka wawi, ‘Hiyani makhallellwaanyu oonanara ni oochimwa.’ Koma alliwa kheyaawiiwellelle naari vang'ono, Mi Apwiya koollota.

Yeremiya 8:5

Vano kaambiiwa tini athu alla enavirellelliiwa ochimwa ohihokollowattho? Yohummellella ddawoottha, enimakhoota ohokollowattho.

Yeremiya 18:12

Koma alliwa eneerewaakhulla wi, ‘Ddennddo khaddinna mutteko. Nineereke ddoopaalla ddahu nave arive muthu anaathwareke ddoonanara dda murimaaye wawumma.’ ”

Ezekiele 3:7

Koma Aisraele khewa ewiiwella kaambiiwa khenapaalla okiiwella. Attheenaayo tti a awuumiha murima ni oohiiwellella.