Yeremiya 6:16 - Mawu a Mulluku

¹⁶ Apwiya yaallota ni athwiiwa wi, “Imellani va makhullukano nave wehani. Mukohe nko ori ettilla ddakhalle nave nko ori ettilla yaphaama. Vano muhitathille ettilla yaphaameeyo wi mukhalle ni murendelle.” Koma mwaallota wi, “Khaniwa nithwara!”

Yeremiya 6:16 ပူးပေါင်းရင်းမြစ်များ

Yesaya 30:21

Mwaahapuwellaka onnattanatta apaalle onyotthoni, muneerewiiwa otulli wanyu mawu owuutthoonyihellani ettilla awi, “Ettilla tti yeella, muthwareke yeella.”

Yeremiya 18:15

Kheddiiddo! Koma athwaaka aakitiwalla, enoosella lubani* milluku ddawoottha nnddo ddaakwakwatuwiha mu ettilla ddaka ddakhalle, eneeta mu ettilla ddamuhakani, ohiya musewu waphaama.

Deuteronomo 32:7

“Upuwellani mallapo akhalle, ganizerani dda miyakha ddivirallennddo, akoheni attiitthaanyu, eneerewuulleellani, attekweenaanyu eneerewuutthopoollellani.

Yeremiya 7:23

Koma kaalamunle ello emodda wi, ‘Mwakiiwellella miyaano kineerokhalla Mullukwaanyu nave nyuwaano muneerokhalla athwaaka. Mwiiwellelleke malamulwaaka mattheene wi ddeko ddiweetellekeni phaama.’

Akolose 2:6

Vawi moomwaakhullella Khrisitu Yesu okhalla Apwiyaanyu, mukhallekettho mu eyaattano ni olliye.

Yesaya 2:5

“Sika vano nyu edduullu dda Yakobo, hankoni neete mu owala wa Apwiya.”

Yohane 12:35

Yesu ahaakhulla wi, “Owala onaakhalle ni nyuwaano mu enthawi yooyeva. Etani vano muriinyuna owala wi epiphi ehuuphwanyeni. Oyo aneeta mwiipiphini khanadduwella nko anayeeye.

Yeremiya 18:12

Koma alliwa eneerewaakhulla wi, ‘Ddennddo khaddinna mutteko. Nineereke ddoopaalla ddahu nave arive muthu anaathwareke ddoonanara dda murimaaye wawumma.’ ”

Yeremiya 22:21

Kahuuchenjezani ddeko ddaweetelleewani phaama koma nyu mwaallota wi, ‘Nookhoota owiiwellellani.’ Nngu ttuukhalla wanyu ovenyera enamwanaanyu, khamuniiwellelleke mawaaka.

Yeremiya 44:16

“Hi khaaniiwellella nnddo onilleelleewe mu nnddina na Apwiya.

Aheberi 11:2

Tti echikhulupililo yeella yaweerihalle makhollwaahu wi Mulluku ahakallallekena.

Yohane 13:17

Vano vawi moodduwella ddawoonanndda, nyuwaano tti oodalisiwa mwaweraka ddenndda!

Malaki 4:4

“Upuwellani ehuddiho ya Mose oorumeyellaaka, malamulo ni malangizo kamwinnyalleemi va mwaango wa Horebu wi Aisraele attheene yiiwellelleke.

Aheberi 6:12

Khaninapaalla wi nyuwaano mukhalle oolesi koma mukhalle wonanko ookhulupilila ayo enavillella ophiyera yaakhenlle eyo Mulluku aalonjezilleeye.

Yesaya 8:20

wi yaakhellewo mawu oophara murima ni malangizo? Alliwa yaahillota moollikana ni mawu alla, ddawoona khewaasella.”

Luka 16:29

“Abrahamu aallota wi, ‘Asinnawo aakhalla ni malamulo a Mose ni ddoolemba dda anamallotella, yiiwellelle ddennddo.’

Yesaya 28:12

Yahuulleellani wi, “Nipuro nawiithuuwellavo tti nenna, ootopa yiithuuwe, nipuro noovumellavo tti nenna.” Koma nyuwaano khemwiiwalle.

Yohane 5:39

Munahuddera mawu a Mulluku kaambiiwa munaganiza wi mwemmo muneerophwanyamo okumi woohimalla. Nave tti mawu a Mulluku yaalla eri mboni,

Mitteko 17:11

Athu a o Bereya yaari owiiwesesa ddeko ohiyana ni alle a o Tesalonika. Yaanaakhella othenga wa Paulo ni murima woottaphuwa nave nllapo ni nllapo yaanaashaasha mu mawu a Mulluku wi yoone nnddo allota Paulooyo ddaari ddiri ddawoona.

Aroma 4:12

Olliyettho tti nikhollo na athu attheene oophaddiwa, ohikhalla oophaddiwave komattho ayo enattakihera echikhulupililo eyo yaari ni nikhollo nahu, Abrahamu, ahinaphaddiwe.

Yeremiya 2:25

We Israele, ohaakhullelle wi nnyallo nawo nillalle, ommilloni wawo wumme ni nthona voothwarani milluku ddimodda. Koma we onallota wi, ‘Iyaayi, ngeerella mwaamodda, kinakonda milluku ddeelleto, ngiwora ohiya oddithwara.’ ”

1 Mamwene 8:36

vano mwiiweke oddullunko ni okhululukella machimo a oorumeyellaanyu, Aisraele attheene. Nyuwaano mwaahuddiheke makhallello aphaama awi yeereke nave mumurupihe murimu mu ellapo eyo mwaavahilleenyu wi ekhalle yoohallaniiwa.

Masalimo 116:7

We murimaaka, hokollweella onipuroni nawo nawiithuuwellawo, kaambiiwa Apwiya aaweerella ddaphaama.

Yeremiya 12:16

Vano alliwa yahuddera phaama meetello a athwaaka nave yaamba ollupella mu nnddina naka wi, ‘Vamiitthoni va Apwiya Ookumi,’ wonanko mmo alliwa yaahuddihelliiwa ollupella mu nnddina na Baala, sika kineerewaakeraatthiha variyari va athwaaka.

Yeremiya 31:21

Wiihiyere echizindikiro, wiikhomelle ezikwangwani. Owehesese musewu, musewu eyo waweelleewe. We namwalli, Israele hokollowa, hokollweella o mizinda ddawo.

Yeremiya 42:3

Muvekelle wi Apwiya Mullukwaanyu enilleelle nko ninaphwanelleehu oyaawo ni nnddo ninaaweereehu.”

Yeremiya 50:5

Eneerokohera dda ettilla ya o Ziyoni nave eneerowaamba olendo woohokollweella wenko. Nave eneerewiipataaniha wa Apwiya mwa a echipangano ya wa enthawi yoohimalla, yoohitiwalleya.

Oweeruza 2:17

Koma alliwaayo kheyaawiiwellella oohollelliiwaayo vawi yaanarumeyella ni ollapella milluku ddimodda. Makhollwiiwa yaaniiwellella malamulo a Apwiya. Koma mbado yoolla mwawaakuva waahiya othwara ettilla yeella.

2 Epilli 19:11

Nave ngoonani, Amariya mullupa mukutho muullupalli sika anuuhoollellekeni mu ddaweereya ddittheddene dda Apwiya. Nave Zebadiya mwaana a Ishmaele enduna ya Yuda sika anaawehereke ddittheddene dda mwene. Nave Alevi eneerewuurumeyellani monga akapitawo. Mweereke ddenndda moollipa murima nave Apwiya eneerokhalla ni oolungama.”

Yesaya 46:9

Muupuwelle ddakhallenndde, miyaano sika Mulluku, khaavottho mmodda. Ddawoona, Mulluku tti miyaano, khaavottho mmodda wonanko miyaano.

Yesaya 57:2

Nave ennakhwa mwamurendelle vawi oolungama enniithuuwa phaama yakhwa.

Yeremiya 7:3

Apwiya Amasiva Mattheene Mulluku a Israele enuulleellani wi, ‘Musinthe makhallellwaanyu ni ddaweera ddanyu nave kineerowaakhullellani ovirellella okhalla vanipuroninna.

Yeremiya 7:24

Koma kheyiiwellenlle naari waapella maaru nave yaavirellella okhalla awumma murima ni oothwara murimiiwa woonanara. Yawehille dda mutulli ohiri ddamuhoollo.