Yeremiya 6:13 - Mawu a Mulluku

¹³ Vawi arive muthu, muullupalli ni mung'onong'ono, ookhalla ni eyuuma yoophwanya mwawoottha. Anamallotella ni allupa mukutho, attheene tti awoottha.

Yeremiya 6:13 ပူးပေါင်းရင်းမြစ်များ

Yeremiya 23:11

“Ddawoona, anamallotella ni allupa mukutho, attheenaayo aaripihiwa. Kohaaphwanya yeeraka ddoonanara naari mu enyumbaaka. Mi Apwiya koollota.”

Yeremiya 8:10

Sika awariwa kineerewaavelleella wa allopwana amodda, emata ddiwa kineeroddivelleella wa ayo enaavollowe munipuroni mwiwa. Vawi arive muthu, muullupalli ni mung'onong'ono, ookhalla ni eyuuma yoophwanya mwawoottha. Anamallotella ni allupa mukutho, attheene tti awoottha.

Mika 3:11

Oohoollella kheneeruza vaahikhalla ddamukaphwani, allupa mukutho khenahuddiha vaahikhalla mallivello navettho anamallotella khenallotella vaahikhalla makobiri. Komave enahameella va Apwiya voollotani wi, “Ethiyo Apwiya kheri variyari vahu? Kheyiivo yookatamiha enaanimorelle!”

Yeremiya 22:17

Koma maganizwaawo ni murimaawo ddiri va mphuro wawoottha, va ddoowiipha oohichimwa ddeekuku ni waahoosa athu.

Mika 3:5

Vookhalla anamallotella ayo enaahollosa athwaaka. Mmodda aavaha yoocha, ennallotella dda murendelle. Koma mmodda ahaavaha yoocha, ennamullotella dda ekhoto.

Yeremiya 14:18

Kaaweetaka ohakani, kinnawoona awiiphiwa vakhotoni. Kaavollowaka m'muzindani, kinnawoona ookhwa ni ettalla. Anamallotella ni allupa mukutho ennavirellella ophara mitteko ddiwa mwiillaponi, koma khenadduwella nnddo eneeriiwa.”

Yeremiya 5:31

Anamallotella ennallota ddawoottha nave allupa mukutho ennakhullellana. Komave athwaaka ennakonda ddenndda. Ethiyo muneere tini voomallihella?”

Yesaya 57:17

Kaasha murima ekaamba ya osilila wiwa woonanara nave kahaallaka ni waareya etulli komave yaavirellella ohiiwellella ni wummiha murima ni othwara ettilla ddiwa.

2 Petro 2:3

Ekaamba ya nrima ahuddihi awoottha yaalla eneerewuullekani vawuulleellani miyaha ddawoottha. Ollakiwa wiwa wookhozeka khalle nave oowoonongiiwa khanakona!

1 Timoteo 3:3

Ahikhalle muthu oolezela apaalle amaraapwa koma oomaalleya ni ookonda murendelle nave ahikhalle ookonda makobiri.

Luka 16:14

Afarisi* yiiwalliiwa ddenndda, yaanyindulla eyano ddiwa wa Yesu vawi alliwaayo yaari ookonda makobiri.

Ezekiele 33:31

Athwaaka ennatthukumana wa weyaano enakeraatthi vatthi wi yiiwe nnddo onalloteewe. Koma yaddiiwa khenaddithwara. Ddoollota ddiwa ddinnooniha echikondi koma mirima ddiwa ddiri va opindula.

Ezekiele 22:12

Mwa weyaano mookhalla amodda awaakhella ddamukaphwani wi ewiiphe athu akhwiiwa, amodda ennaakhella ddawoonjerera wi epindule ni nnddo enakongolihiiwa. Attheenaayo aakitiwalla miyaano. Mi Apwiya Mulluku koollota.

Maliro 4:13

Ddenndda ddaheereya ekaamba ya machimo a anamallotelliiwa ni ddoonanara dda allupa mukuthwiiwa ayo yawiiphalle oolungama.

Yeremiya 32:32

Athu a o Israele ni Yuda, mamweniiwa, enduna ddiwa, allupa mukuthwiiwa, anamallotelliiwa ni attheene ookhalla o Yerusalemu ni o Yuda, yaakishiha murima ni mitteko ddiwa ddoonanara.

Yeremiya 2:26

“Athu a o Israele nineerowulliwa muru wonanko mmo mullupaawiiya aneerelleeye aphariwa. Mamwene, enduna, allupa mukutho ni anamallotella, attheene eneerowulliwa muru.

Yeremiya 2:8

Allupa mukutho kheyaakohille wi, “Apwiya eri wuuwi?” Eeruso a malamulo kheyaakidduwenlle, oolamulella yaakiwukila, anamallotella yallotella mu nnddina na Baala, yaathwara milluku ddoohikhalla ni mutteko.

Yesaya 28:7

Naarittho anamallotella ni allupa mukutho ennahahareya ni vinyo, ddoowirya ddoowalli ddohaalezeliha. Attheenaayo miru ddiwa ddoopallalleya ekaamba ya vinyo nave ennahahareya ekaamba ya ddoowirya ddoowalli. Enniiwesesa moolakwa nnddo enooniiwa m'masomphenya nave kheneeruza millatu mweechilungamo.

2 Petro 2:1

Anamallotella awoottha yahooneya khalle variyari va athu nave emoddamoddave yeeyo ahuddihi awoottha eneerewooneya variyari vanyu. Mwawiitta eneerowaana ehuddiho ddawoononga. Nave eneerewaakhoota Apwiya ayo yaakullalle nave vaweerani ddiiddo eneerowaana woonongeya wawaakuva vaweekhiiwa.

Yeremiya 2:29

Ethiyo munakiipella tini mullatu? Attheenenyu mookiwukila.

Yeremiya 17:11

Muthu oophwanya eyuuma mwawoottha ari wonanko ekhwalli yoopuramella mooche ehaarenlliiwa. Vihinallekelle eyuumeeyo ennammallella, voomallihella annatthattuwa ookarangeya.

Yeremiya 27:15

Khe miyaano kaarumalle naari ellotellaka mu nnddina naka. Sika kineerowiikarani nave muneerewoonongeya nyuwaano ni anamallotellaanyu.”

Yeremiya 42:1

Vano oohoollella attheene a akhoto ni Yohanani mwaana a Kareya, Azariya mwaana a Hoshaya ni athu attheene, uullupalli ni ang'onong'ono yaaya wa namallotella Yeremiya emulleella wi,

Yeremiya 23:10

Ellapo yooddalla ni athu ooraruwa ekaamba ya tembelelo na Apwiya. Mwiillaponi moovollowa ettalla, mapuro oochihellawo enama muhakani ahumma. Enathamakella ddoonanara, enallipihella ddoohilungama.