Yeremiya 6:12 - Mawu a Mulluku

¹² Enyumba ddiwa ni emata ddiwa ni awariweene ddineerovelleelliwa wa amodda. Ddawoona ni nnatta nakanna kineerewaallaka athu ookhalla mwiillaponimmo. Mi Apwiya koollota

Yeremiya 6:12 ပူးပေါင်းရင်းမြစ်များ

Yeremiya 8:10

Sika awariwa kineerewaavelleella wa allopwana amodda, emata ddiwa kineeroddivelleella wa ayo enaavollowe munipuroni mwiwa. Vawi arive muthu, muullupalli ni mung'onong'ono, ookhalla ni eyuuma yoophwanya mwawoottha. Anamallotella ni allupa mukutho, attheene tti awoottha.

Yesaya 5:25

Ekaamba ya yeella Apwiya ahaashella murima nave ahaattaphurusella athwaayo nnatta wi ewiiphe. Miyaango ddootikheya nave mitembo dda athwiiwa ddiri millumillu wonanko ekattha variyari va misewu. Koma naari Mulluku eerille ddennddo, osha murima waye khonamalle vawi nnatta naye nirive noottaphurusa.

Zefaniya 1:13

Eyuumiiwa eneerewaakhiwa ni adaniiwa, enyumba ddiwa eneeroddikumulla. Eneeromaka enyumba koma khewa ekhallamo. Eneerewaalla emata ddampesa koma khewa emuwirya vinywiiwa.

Maliro 5:11

Atthiyana ennapharelliwa o Ziyoni, naarittho anamwalli mu mizinda dda Yuda.

Maliro 5:3

Hiyaano tti akhwaadduni, oohikhalla ni attiitthiiwa, ameehu aatthattuwa anaamukhwelle.

Maliro 3:3

Ddawoona, aakuukutha ni nnatta niwa, aheera ddenndda moohihiyerera nllapo nittheene.

Maliro 2:8

Apwiya aasimikiza wi yoononge mipanda dda mwaana aamutthiyana, Ziyoni. Aawulinga ni mukwiiwa nave kheyaawiivanyihalle wi ehaatthollose. Aawinlliha ookhalla vamipandani ni vasirini, attheene enahoowella nimodda.

Yeremiya 38:22

atthiyana attheene oohalla mu enyumba yoomwene a o Yuda eneerovelleelliwa wa enduna dda mwene a o Babiloni. Vooyaani o Babiloni, atthiyanaayo eneerekewiipa nchipo nawi, ‘Akhwaawo oororomelleya yahuulleka ni wuugonjiha, meto ddawo ddootora m'matokwini, akhwaawo aahokollweella mutulli.’ ”

Yesaya 10:4

Khayiivo enaahalle koma ophariwa variyari va athu oophariwa apaalle okhwa variyari va athu awiiphiwa. Komave osha murima wa Apwiya khonaamallelle ekaamba ya ddenndda nave muwonwiiwa tti woottaphurusattaphurusa wi yaallake.

Yesaya 9:21

Amanase ni Aefuremu enawana amoddamoddave navettho eellaalla vamodda enawana ni Yuda. Komave osha murima wa Apwiya khonaamallelle ekaamba ya ddenndda nave muwonwiiwa tti woottaphurusattaphurusa wi yaallake.

Yesaya 9:17

Ekaamba ya yeella Apwiya khewa ehakallalla ni asombwe nave kheyaamoriwella ethakaraka akhwaadduni ni anamukhwelle, vawi arive muthu khanapwatha dda Mulluku, tti oochimwa nave anallota ddoonanara. Komave osha murima wa Apwiya khonaamallelle. Ekaamba ya yeella Apwiya ahaashella murima nave ahaattaphurusella athwaayo nnatta wi ewiiphe.

Yesaya 9:12

Asiriya wookhuma nndduwa ni Afilisti woovollowa nndduwa yohaatthama wi yaamirye Aisraele. Komave osha murima wa Apwiya khonaamallelle ekaamba ya ddenndda nave muwonwiiwa tti woottaphurusattaphurusa wi yaallake.

1 Epilli 21:16

Vano Davide aatukhulla miitthwaaye nave aamoona mungelo a Apwiya iimenlle variyari va ellapo yavatthi ni ellapo yooddullu. Nave m'mattani mwaye mwaari nsupada anitukhunlle onitthoonyihera o Yerusalemu. Vano Davide ni attekweene amodda yaawara ddoowara dda eziguduli, ewarama ni opopheya ekhove.

Yeremiya 7:20

Sika vano Mi Apwiya Mulluku kineerewaallaka wunchichi moosha murima. Osha murima waka oneeromorella va enyumbaaka, athu, enama, miteekho ni mmiddo nave oneerokhara wonanko munllo woohithiimiheya.

Yeremiya 15:6

Mi mwaakihiya, munnavirellellave okireya etulli. Sika kahuullakani ni owoonongani ni muwonwaaka ekaamba yawi kaatopa ni okhululuka.

Yeremiya 21:5

Mi mwaneenaaka ni muwonwaaka wamasiva kineerowana ni nyuwaano moosha murima, moonanariwa ni moowalli.

Yeremiya 38:23

Nave kaallotattho wi, “Awarinyu attheene ni aniinyu eneerewaavelleella m'mattani mwa Ababiloni nave khamuwora othawa. Muneerophariwa ni mwene a o Babiloni, vatulli viwa muzindoolla oneerohelliwa munllo.”

Ezekiele 35:3

Waalleelle athu a wenko wi nnddo kinallota miyaano Apwiya Mulluku tti ddawi, Nyu athu a o miyaango dda Seiri tti adanaaka, kineerowuukuthani ni nnatta naka, kineerotthattusa ellapwaanyu ntthalla ni echipululu.

Mika 2:4

Nllapo nenno athu eneerewuunyemullani voowiipellani nchipo na maliro wi, ‘Otulli, nohoonongeya! Apwiya aanaakha ellapwaahu, ahaakawella ayo eniphanre okaporo.’

Zefaniya 1:4

Kineerotukhulla nnatta naka wi kaallake athu a mu Yuda ni a mu Yerusalemu. Kineerewoononga ddittheddene ddoohalla dda Baala va nipuro nenna. Khaavo oyo anaawuupuwellettho allupa mukutho a nifanonno.

Maliro 5:2

Yoohallanaahu yoovelleelliwa wa alleto, enyumba ddahu ddiri m'mattani mwa athu oovira.

Ezekiele 7:24

Kineeroruma mitundu dda athu oonanara wunchichi wi yaakhe enyumba ddanyu. Kineeromalliha wiitukhulla wanyu wamasiva nave mapurwaanyu aweella eneeroripihiwa.