Yeremiya 6:11 - Mawu a Mulluku

¹¹ Sika ekaambiiwa kooddalla ni osha murima wa Apwiya, ngiwora owusunga.” Vano Apwiya yaallota ni miyaano wi, “Ithellella osha murimanko va anamwani aweeta m'musewuni ni va mutthukumano wa asombwe vawi naari mullopwana ni mwaariye, a embwi ni awuulluvalla wunchichi eneerophariwa.

Yeremiya 6:11 ပူးပေါင်းရင်းမြစ်များ

Yeremiya 20:9

Kallota wi, “Ngiwa kiwuupuwellattho Apwiya, ngiwa killotellattho mu nnddina niwa.” Apwiya, mawaanyu ennakhara wonanko munllo m'murimani mwaka. Kinneeseesa waasunga muwari koma vatulli viwa kinnaakhumiha, oohivillella.

Yeremiya 9:21

Okhwa woowella m'mawindoni mwahu, woovollowa mu enyumba ddahu dda omwene. Waawiipha aniihu m'misewuni, waahaamalliha asombwaahu m'mathatoni.

Mika 3:8

Koma miyaano kooddalla ni masiva a Munepa wa Apwiya. Kooddalla ni echilungamo ni ollipa murima wi kaahumullulle a nibanja na Yakobo ekaamba ya ddoolakwa ddiwa nave wi kiwoonihe Aisraele ddoonanara ddiwa.

Yawuupullulla 16:1

Nave kahiiwa mawu oollotiwa mookhuwa evenyeraka mu enyumba ya Mulluku oya wa angelo atthanu ni eellaalle wi, “Khaweni mwahelle embale dditthanu ni piilli dda osha murima wa Mulluku va ellapo yavatthi!”

Mitteko 18:5

Sila ni Timoteo yaphiyalliiwa ovenyera o Masedoniya, Paulo aari aviheeriwalle ni ollalleya mawu, owoonihella Ayuda wi Yesu sika Mesiya.*

Mitteko 17:16

Paulo aatiyereeye Sila ni Timoteo o Atene, aananariwa wunchichi oonilleeye wi muzindooyo waaddalla ni mafano.

Mitteko 4:20

Vawi khaniwora ohiya ollota dda ello noonilleehu ni wiiwa weekhiihu.”

Luka 17:34

Kinimuulleellani wi, mahiiyu yaayo, athu eelli eneerokona mu enyumba emodda nave mmodda aneerokusiwamo oya mu omwene wa Mulluku nave mmoddooyo aneerohiyiwa.

Ezekiele 9:6

Mwawiiphe attheene, awuulluvalla, asombwe, anamwalli, anamwani ni atthiyana. Koma muhinamuttannya oyo ari ni echizindikiro. Mwaambeelle o enyumbaaka.” Sika yahaamba owiipha attekweene va mullako wa enyumbeeyo.

Ezekiele 3:14

Munepa a Mulluku aakitukhullella muddullu akiwelliha, sika ddaakivooriiha ni okishiha murima. Nnatta namasiva na Apwiya naari va miyaano.

Yeremiya 18:21

Koma vano allakeni aniiwa ni ettalla ni ekhoto. Awariwa ekhalle anaamukhwelle, ehikhallena anamwani. Amamuniwa ekhwe ni mullilli nave asombwiiwa ekhwe ni nsupada okhotoni.

Yeremiya 7:20

Sika vano Mi Apwiya Mulluku kineerewaallaka wunchichi moosha murima. Osha murima waka oneeromorella va enyumbaaka, athu, enama, miteekho ni mmiddo nave oneerokhara wonanko munllo woohithiimiheya.

Yesaya 40:30

Naari esombwe ennavelleveddeya ni ofooka, naari eesombwe ennakwakwatuwa ni wiikuha.

Yeremiya 15:6

Mi mwaakihiya, munnavirellellave okireya etulli. Sika kahuullakani ni owoonongani ni muwonwaaka ekaamba yawi kaatopa ni okhululuka.

Yeremiya 15:17

Ngaakhanlle m'mutthukumano wa athu oovudduwa naari ohakallallana alliwa. Koma kahanlle meekha ekaamba yawi nnatta nanyu niri va miyaano nave mwaaddalliha owalli murimaaka.

Maliro 1:15

“Apwiya yahaanyaambusa amasiva attheene ayo yakhalla ni miyaano. Aatthukumaniha mulloko wa athu wi owoononge asombwaaka. Apwiya aamunyingallella mwaana aamutthiyana, Yuda, wonanko mmo mpesa onavotelliwiiwa.”

Maliro 2:21

Ang'onong'ono ni uullupalleene, mitembo ddiwa ddiri pichillipichilli m'misewuni. Anamwallaaka ni asombwaaka ahiiphiwa ni nsupada. Moowiipha va nllapo na osha murima wanyu, moowiipha moohimoriwa ethakaraka.

Ezekiele 3:3

Vano aakilleella wi, “We mwaana a muthu Oche ello yoovillikiweella ovone.” Sika kaacha nave yaanang'aneya wonanko enwi.

Ezekiele 24:21

‘Alleelle Aisraele mawaaka awi, kineeronanariha enyumbaaka eyo mukhanlleenyu muyikotellaka wunchichi. Ennuuyaani m'mwiitthoni mwanyu wunchichi nave munnayikonda ni murimaanyu muttheene. Aniinyu aallopwana ni aatthiyana ayo mwaahiyalleenyu mutulli, eneerewiiphiwa ni nsupada.

Yeremiya 5:9

Ethiyo ttuulephela waallaka ekaamba ya ddenndda, ttuuhiwuhokollosella ddoonanara mutundu wawi ddiiddoolla?

Yeremiya 9:20

Mi kaallota wi, “Nyu atthiyana, iwellellani mawu a Apwiya, apellani maaru wi mwiiwe nnddo enallotiiwa. Ahuddiheni aniinyu aatthiyana winlla, ni akhwiinyu nchipo na maliro.