Yeremiya 6:10 - Mawu a Mulluku

¹⁰ Kahaakhulla wi, “Ethiyo killote ni aani nave kimuchenjeza aani wi iiwe? Maarwiiwa aatiyelleya, khewora wiiwa. Ennaavevulla wunchichi mawu a Apwiya nave khenaapwatha naari vang'ono.

Yeremiya 6:10 ပူးပေါင်းရင်းမြစ်များ

Mitteko 7:51

Sitefano aallota wi, “Athu a etiyamaaru nyu! Mirima ddanyu ddiri wonanko dda athu oohimullapella Mulluku nave khamuniiwellella mawu a Mulluku! Muri wonanko makhollwaanyu, nyuwaano munnakhoota Munepa Waweella mallapo mattheene!

Yohane 7:7

Athu a ellapo yavattheella khewiitani nyuwaano koma ennakiita miyaano kaambiiwa kinnavelleella omboni wawi mitteko ddiwa tti ddoonanara.

Yeremiya 7:26

Koma nyuwaano khemunakiiwellella apaalle opwathawo. Ni mirima ddanyu ddawummannddo moonanara waakhwaranya makhollwaanyu.

Aheberi 11:7

Ekaamba ya echikhulupililo, Mulluku aamuchenjeza Nowa dda ddeko ddamuhoollo nnddo ddaari ddihinooneye. Ahiiwellella nave aamaka ekallawa wi aavullusellemo athu attheene a mu nibanja naye. Sika ahaavaanyiha athu a ellapo yavatthi wi tti oochimwa nave ahaakhella echilungamo yoovenyera o echikhulupililo.

Yesaya 53:1

“Ttaani akhulupililalle othengaahu? Ethiyo ttaani uupullullelliwe masiva a Apwiya?

Eksodo 6:12

Koma Mose ahaalleella Apwiya wi, “Aisraelaayo khenakiiwellella. Ethiyo Farao anaakiiwellelle mwawiidde? Miyaanothi valle nginawora ollota phaama.”

2 Timoteo 4:3

Vawi enthawi enimawa yawi athu eneerokhoota ehuddiho yawoona koma enaathwareke ddoopaalla ddiwa nave eneerewiitthukumanihella weekhiiwa ahuddihi anchichi ayo enaalleelleke nnddo enapaalliiwa wiiwa.

Akolose 1:28

Sika ninnallalleya dda Khrisitu wa arive muthu. Ninnachenjeza ni ohuddiha ni ezeru ddittheddene wi niweena arive muthu vamiitthoni va Mulluku ari oowaraalla mu eyaattano ni Khrisitu.

Aroma 7:22

Murimaaka muttheene onnahakallalla ni malamulo a Mulluku.

Mitteko 7:60

Aakokhora nave inlla ni mawu oowella wi, “Apwiya! Muhineerengella ochimwa wiwanngu!” Allotille ddenndda aakhwa.

Yohane 9:40

Afarisi amodda yamwaatamenlle yaamwiiwa alloteeye ddenndda nave yaamukoha wi, “Hittho khaninoona?”

Luka 20:19

Ahuddihi a malamulo ni allupa mukutho uullupalli enthawi yeeyo yaapaalla wi emmake Yesu kaambiiwa yaadduwella wi ahaalleella niphwanaphwaniho nowaavaanyiha. Koma yawoova athwaayo.

Luka 11:45

Muhuddihi a malamulo mmodda aallota wi, “Ahuddihi, mwaallotaka ddiidda munanillotella epewe hiyaano.”

Mateyu 3:7

Vano Yohane awoonilleeye athu anchichi a mulloko wa Afarisi* ni wa Asaduki* ewaaka wi alliwattho ebatiziwe, ahallotella wi, “Nyu enowa! Ttaani uulleelleni wi muthawe ollaka wa Mulluku onawanko?

Amosi 7:10

O Betele waakhalla mullupa mukutho mmodda nnddina naye Amaziya. Olliye aarumiha othenga wa Yerobowamu, mwene a o Israele wi, “Amosi animuukhozellani echiwembu variyari va athu a o Israele. Athu khewora okhoota ddittheddene nnddo anaalloteeye.

Ezekiele 33:9

Koma muthu oonanarooyo wamuchenjeza wi ahiye ettilla ddaye, olliye anavirellella ni makhallellwaaye, aneerokhwa moollikana ni ochimwa waye koma weyaano oneerovullusa okumaawo.”

Ezekiele 33:3

Olliye awoona adani ewaaka, anniipa nipallapata waachenjeza athu.

Yeremiya 4:4

Musunge lonjezano nanyu ni miyaano Apwiinyu nave mwiivelleelle ni murimaanyu muttheene wa miyaano. Nyu athu a o Yuda ni a o Yerusalemu muheereke ddenndda wi owallaaka ohiwe wonanko munllo nave ohuukharelleni moohithiimiheya ekaamba ya ddoonanara muneereenyu.”

Masalimo 119:174

Nyu Apwiya, kinnapaalla ovullusa wanyu, malamulwaanyu ennakihakallalliha.

Masalimo 119:77

Mukeerelle echifundo wi kikhalle ni okumi vawi malamulwaanyu ennakihakallalliha.

Masalimo 119:70

Athu awi ddiidda khenaganiza phaama, koma miyaano kinnahakallalla ni malamulwaanyu.

Masalimo 119:35

Kihoollelleni mu ettilla ya malamulwaanyu, kaambiiwa kinnahakallallana.

Masalimo 119:24

Ombonaanyu onnakihakallalliha, tti yooyo onakilangiza.

Masalimo 119:16

Kineerohakallalla ni malamulwaanyu, mawaanyu ngiwa kaatiwalla.

Masalimo 40:8

Weera nnddo munapaalleenyu, nyu Mullukwaaka, onnakiddivella malamulwaanyu eri m'murimani mwaka.

Masalimo 1:2

Komathi tti oohakallalla aawiiwellellaka malamulo a Apwiya, aaganizeraka dda malamulwaalla otthaana ni mahiiyu.

Deuteronomo 29:4

Koma ophiyera ollello Apwiya khenuuvaheni murima wawiiwesesa apaalle miittho wi moone apaalle maaru wi mwiiwe.

Yeremiya 5:21

nyu anamwani ookarangeya, oohikhalla ni ezeru, apellani maaru. Miittho mookhallana koma khamunoona nave maaru mookhallana koma khamuniiwa.”

Yeremiya 9:26

Kineerewaallaka Aiguputo, Ayuda, Aedomu, Aamoni, Amowabu ni attheene ayo enakhalla mu echipululu oophaddera mphattamaaru. Mitundu ddimodda ddittheddenenndda tti ddoohiphaddiwa naari mutundu muttheene wa Aisraele tti woohiphaddiwattho m'murimani.”

Yesaya 42:20

Wohoona ddinchichi koma khonaddipwatha, Maarwaawo tti oohulla koma khoniiwa.”

Yeremiya 7:13

Mwaheera ddoonanara ddittheddenenndda nave mwaakhoota okiiwellella naari kuullotihalleni moovirellella nave khemwaakhunlle kawiithanilleemini.

Yeremiya 35:13

allote wa athu a o Yuda ni Yerusalemu wi, “Mi Apwiya Amasiva Mattheene kinuukohani wi ethiyo kaambiiwa tini muhinaakhullelleenyu ohumullulliwa ni wiiwa mawaaka?

Ezekiele 3:7

Koma Aisraele khewa ewiiwella kaambiiwa khenapaalla okiiwella. Attheenaayo tti a awuumiha murima ni oohiiwellella.