Yeremiya 52:6 - Mawu a Mulluku

⁶ Vano va nllapo naneetthanu ni sese, mweeri waneesese wa muyakha yooyo, ettalla yunnuwalliiwa wunchichi m'muzindanimmo ophiyera wi athu kheyaarina yoocha,

Yeremiya 52:6 ပူးပေါင်းရင်းမြစ်များ

Yeremiya 39:2

Va muyakha waneekhumi ni mmodda wa omwene wa Zedekiya, mweeri waneesese, nllapo naneetthanu ni sese na mweeri, mpanda wa muzindooyo waaphovolliwa.

Yesaya 3:1

Vano Apwiya, Mulluku Amasiva Mattheene, ehanlle vakhuviru omwaakha Yerusalemu ni Yuda nirive nikavihero nno athu enaroromelliiwa. Eneerewaakha yoocha ettheene ni maaddi mattheene,

Yeremiya 38:9

“Amwene apwiyaaka, athwaalla yoomweerella ddoonanara wunchichi namallotella Yeremiya. Aamuvokhella mwiihimeni nave vawi buledi oomalla mu muzinda anaakhwelle mwemmo ni ettalla.”

2 Mamwene 25:3

Vano va nllapo naneetthanu ni sese mweeri waneesese wa muyakha yooyo, ettalla yunnuwalliiwa wunchichi m'muzindanimmo ophiyera wi athu kheyaarina yoocha,

Zekariya 8:19

“Ohalla ocha* wa mweeri waneesese, waneetthanu, waneetthanu ni piilli ni waneekhumi onaakhalle ohakallalla ni othapella o nibanja na Yuda. Mukondeke ddawoona ni murendelle.”

Ezekiele 14:21

Mi Apwiya Mulluku kinallota wi, “Oneerokhalla ddawoopihesesa kamoriha va Yerusalemu ekhoto, ettalla, enama ddawoopiha ni mullilli wi kiwoononge athu ni enama.

Ezekiele 7:15

“Otte ori ekhoto, mpa muri mullilli ni ettalla. Athu a m'mawaani eneerokhwa ni ekhoto nave a m'mizindani eneerokhwa ni mullilli owaaka ettalla.

Maliro 5:10

Mwiilliihu onaviha wonanko ufuni ekaamba ya ovolliwa ettalla.

Yeremiya 25:10

Kineeromalliha mawu oohakallalla ni oottheya variyari viwa. Kineerohiiha mawu oothapella a ootthella ni ootthelliwa. Khowa wiiweyattho onyakulla wa nsillo nave kineerothiimiha enyali ddittheddene.

Yeremiya 21:9

Arive muthu oohalla mu muzindoolla aneerokhwa ni ekhoto, ettalla apaalle mullilli. Koma arive muthu aniivelleelle wa Ababiloni ayo ewaaphenlleni ni misasa ddakhoto aneerokhalla ni okumi vawi aneerovulluwa.

Yeremiya 19:9

Kineerewaawatihera athwaayo wi yaattakhune aniiwa aallopwana ni aatthiyana. Eneerottakhunana va enthawi yawoopiha vawaapheelliwani ni adaniiwa wi yaahoose.’ ”

Yeremiya 15:2

Nave Yuukoha wi, ‘Ethiyo niye wuuwi?’ Waalleelle wi mi kinallota wi, ‘Oophwanella okhwa enaaye wuukhwaani, a o nsupada enaaye onsupadani, a o ettalla enaaye ottallani, a o okaporo enaaye wuukaporoni.’

Deuteronomo 32:24

Eneerewoonongeya ni ettalla ni oviha mwiilli, eneerewoonongeya ni ereta ddawoopiha ddoohiyanahiyana. Kineerewaarumihella enama ddawoopiha ddamuhakani, eneerollumiwa ni ddawaapadda ddanttipwi.

Levitiko 26:26

Kineeromuyeviha buledaanyu a nllapo ni nllapo ophiyera atthiyana khumi eneerekomwaapeya buledi mu ufuni mmodda. Nave eneerewuukawellani buledooyo vang'ono vang'ono. Sika muneerekoocha koma woohivona.

Yeremiya 37:21

Sika mwene Zedekiya aalamula wi Yeremiya asungiwe o nthato na alonda. Vano yaanamvaha yoocha nllapo ni nllapo, mwitthi mmodda wa buledi ookulliwa wa athu oomwaapeya buledi, ophiyera buledi muttheene mwiillaponimmo aamalla. Sika Yeremiya aavirellella okhalla munthatoni na alonda.

Maliro 1:11

Athwaaye attheene enniipullella vawaashani yoocha vawi eyuumiiwa enaakakhaniha ni yoocha, wi ephwanyettho masiva. Aninlla wi, “Nyu Apwiya, kiweheni, moone mmo enakivevullelliiwa.”

Ezekiele 5:16

Kineerewuuhoma ni ettalla yoohoma wonanko mipaamba ddawoopiha wi ewoononge. Kineeromorihella va weyaano vooyevihani yoochaawo ya nllapo ni nllapo.

Ezekiele 14:13

We mwaana a muthu, ellapo yakichimwella voohikiroromellani, kineeroyoononga nave kineeroyeviha yoochiiwa. Kineerorumiha ettalla mwiillaponimmo nave kineerowoononga athu ni enama.

Ezekiele 31:1

Va nllapo nawaamba na mweeri waneeraru, muyakha wa khumi ni mmodda mawu a Apwiya yaawa wa miyaano wi,