Yeremiya 52:4 - Mawu a Mulluku

⁴ Sika muyakha waneetthanu ni sese wa omwene wa Zedekiya, mweeri waneekhumi, nllapo naneekhumi na mweeri, Nebukadinezara mwene a o Babiloni aawa ni akhotwaaye attheene wi ehelle ekhoto muzinda wa Yerusalemu. Nave yaawaapheella virive veko ni misasa owaaka mikhuttu ddakhoto.

Yeremiya 52:4 ပူးပေါင်းရင်းမြစ်များ

Yeremiya 39:1

Va muyakha waneetthanu ni sese wa omwene wa Zedekiya o Yuda, mweeri waneekhumi, Nebukadinezara, mwene a o Babiloni, aawa ni akhotwaaye attheene o Yerusalemu nave aawaapheella muzindooyo.

Zekariya 8:19

“Ohalla ocha* wa mweeri waneesese, waneetthanu, waneetthanu ni piilli ni waneekhumi onaakhalle ohakallalla ni othapella o nibanja na Yuda. Mukondeke ddawoona ni murendelle.”

Yeremiya 52:7

mpanda wa muzindooyo waaphovolliwa. Naari Ababiloni yawaapheelle muzindooyo komave akhoto attheene yaathawamo mahiiyu vookhumellani va mullako wa variyari va esiri piilli, vakhuviru ni emata ya mwene. Nave yaathawella o Araba.

Yeremiya 32:24

“Ngoonani, adani ahaapheella muzindoolla wi ewaakhe. Muzinda olla oneerovelleelliwa wa Ababiloni ofookille ni ekhoto, ettalla ni mullilli. Ddawoona, mwalloteenyunndde ddoheereya wonanko mmo moonilleenyu nyookha.

Luka 21:20

“Mwamoona Yerusalemu aapheelliwe ni akhoto a adani, dduwellani wi okumulliwa waye wohaatamella.

Luka 19:43

Enthawi eneerophiya yawi adanaawo eneerokata malliti moowaapheella nave eneerewaapheella embali ddittheddene.

Ezekiele 21:22

Vano mu nnattanatta naye mookhalla mpaamba wa nikhanga woolembiwa Yerusalemu. Wenko mwene anallalleya dda owiipha athu navettho okhuwa wakhoto. Aneeropanga mutthipo wawunttakella machiwi, woophittella mikhuttu ddakhoto ni omaka nttattha.

Yesaya 29:3

Kineeromaka misasa mwawaapheella muzindooyo wonanko Davide. Mulluku aneerotthipella misasa ddoollipana ni muzindooyo. Nave kineerowaapheella ni mattattha ni mipanda ddakhoto ni omaka.

Levitiko 26:25

Kineerewuurumihellani ekhoto eyo enuullakeni ekaamba yootathilla echipanganwaaka. Nave mwathawella m'mizindani mwanyu, kineerorumiha millilli variyari vanyu nave kineeroweeriha adanaanyu wi yuugonjiheni.

Yeremiya 34:1

Mawu a Apwiya yaawa wa Yeremiya mvo Nebukadinezara mwene a o Babiloni ni mullokwaaye wakhoto, moomwene mattheene a va ellapo yavatthi ayo aalamuleeye ni athu a mitundu ddittheddene yamuhenlliiwa ekhoto Yerusalemu ni mizinda ddaye ddawaapheella.

Ezekiele 26:8

Athu a mizi ddawo ddoowaapheella eneerewiiphiwa vakhotoni. Eneerowaapheella ni misasa ddakhoto navettho ni malliti akhoto. Eneerotukhullella muddullu ezishango ollipana ni weyaano.

Ezekiele 33:21

Va nllapo naneetthanu na mweeri wa khumi, muyakha wa khumi ni miilli wa okaporwaahu, muthu oyo avulluwalle o Yerusalemu aawa akilleella wi muzinda woomora.

Ezekiele 40:1

Vawaambawaamba va muyakha, nllapo na khumi na mweeri, muyakha wa 25 wa okaporwaahu, viviralle miyakha khumi ni misese Yerusalemu oonongiwe, nnatta na Apwiya naakiphara nikikusella o Yerusalemu.

Yeremiya 4:17

Ennamwaapheella Yerusalemu wonanko alonda a emata kaambiiwa athwaaka aakiwukila.” Mi Apwiya aallota.

Yeremiya 21:2

“Khaweni wa Yeremiya mwamuveke wi anillotelle wa Apwiya vawi Nebukadinezara mwene a o Babiloni oonihella ekhoto. Apaalle Apwiya ttuuneerella ddoottikhiniha wi Nebukadinezara avenyewo owanihu wuno.”

Ezekiele 21:27

Woonongeya! Woonongeya! Muzinda oneerewoonongeya koma kheddeereya ophiyera oowaakhella aphiyalle.’ Vano kineerovelleella wa olliye.”