Yeremiya 52:3 - Mawu a Mulluku

³ Ekaamba ya ddittheddene ddeereyille o Yerusalemu ni o Yuda, Apwiya yaasha murima wunchichi ophiyera owiikariha athwaayo vamiitthoni viwa. Vano Zedekiya aamuwukila mwene a o Babiloni.

Yeremiya 52:3 ပူးပေါင်းရင်းမြစ်များ

Yesaya 3:1

Vano Apwiya, Mulluku Amasiva Mattheene, ehanlle vakhuviru omwaakha Yerusalemu ni Yuda nirive nikavihero nno athu enaroromelliiwa. Eneerewaakha yoocha ettheene ni maaddi mattheene,

2 Epilli 36:13

Zedekiya aamuwukilattho mwene Nebukadinezara oyo amullupellihalle vamiitthoni va Apwiya wi aneeromwiiwellella. Koma olliye ahummiha murimaaye ahirukunuwella wa Apwiya Mulluku a Israele.

Yesaya 19:4

Kineerewaavelleella Aiguputo wa oolamulella eekuku, mwene amasiva aneerewaalamulella. Mi Apwiya Mulluku Amasiva Mattheene koollota.”

Oollalleya 10:16

Ootulli tti we ellapo, mwenaawo aarimi ari mwaana nave enduna ddawo ddipeheraka machellello.

Miyambo 28:2

Ellapo yachimwa oolamulella ennaata koma athu yakhalla awiiwesesa ni oodduwella ennakhalla wa enthawi yoorekama.

1 Mamwene 10:9

Oodalisiwa tti Apwiya Mulluku ayo ehakallanlle ekaamba ya nyuwaano ni wuukeraatthihani va mpando woomwene wa Israele vawi Apwiya yaamukonda Israele wa enthawi yoohimalla sika aaweerani wi mukhalle mwene wi mwalamulelle mwa echiweruzo ni mwa echilungamo.

2 Samuele 24:1

Enthawi emodda Apwiya yahaananariwellattho Aisraele, sika yaamweeriha Davide wi aahoose alliwa. Yaamulleella wi, “Khawe waweerenge Aisraele ni Ayuda attheene.”

Genesis 4:14

Vano mookiikaravo va ellapo yavatthi vamoddattho ni vamiitthoni vanyu. Kinaakhalle aweeteeta shisha, oohikeraattheya nipuro nimodda nave arive muthu anaakiphwanye aneerokiipha.”

Genesis 4:16

Vano Kaini aavenyavo vamiitthoni va Apwiya nave aya akhalla mu ellapo yooromolliwa Nodi, wookhuma nndduwa wa Edeni.

2 Mamwene 24:20

Ekaamba ya ddittheddene ddeereyille o Yerusalemu ni o Yuda, Apwiya yaasha murima wunchichi ophiyera owiikariha athwaayo vamiitthoni viwa. Vano Zedekiya aamuwukila mwene a o Babiloni.

Yeremiya 7:15

Kineerowiikarihani vamiitthoni vaka wonanko mmo kawiikarihelleemi abalaanyu attheene, edduullu ddittheddene dda Efuremu. Mi Apwiya koollota.”

Yeremiya 15:1

Vatulli viwa Apwiya yaakilleella wi, “Naari Mose ni Samuele yiimenlleke vamiitthoni vaka yaavekellaka athu yaalla, ngaamoriwelle ethakaraka. Avenyihenivoni vamiitthoni vaka, eye nko.

2 Mamwene 17:18

Sika Apwiya yahaashella murima Aisraele nave yaawiikara ohipaalla owoonattho. Khaarivo naari mmodda ahanlle opatula nlloko na Yuda.

2 Mamwene 17:20

Sika Apwiya yaaddikhoota edduullu ddittheddene dda Aisraele, eddihoosa, eddivelleella m'mattani mwa athu awaakha ophiyera yahaatathilla vamiitthoni viwa.

2 Mamwene 17:23

ophiyera Apwiya yahaavenyiha Aisraele moollikana ni mmo yallotelliiwa oyeella mwa oorumeyelliiwa attheene, anamallotella. Sika Aisraele yaaphariwa okaporo evenya mwiillaponi yoowaniwa eya o Asiriya nave eri wenko ophiyera ollello.

Ezara 4:15

wi yaashaashe mu nibukhu na epilli ya makhollwaanyu. Nave muneerophwanyamo epilli nave muneerodduwella wi muzindoolla tti woowukila, woohoosa mamwene ni enduna dda ezigawo navettho wi athu a m'muzindanimmo tti oovaanyiha waambeella khalle. Sika ekaambiiwa muzindoolla watthattusiwiiwa ntepe.

Yesaya 36:5

Ethiyo onaganiza wi mawaawo ttuuphwanaphwana ni eruso ni masiva avakhotoni? Ethiyo vano onamuroromella aani voowukilani?