Yeremiya 52:27 - Mawu a Mulluku

²⁷ Nave mwene a o Babiloni aalamula wi ewuukuthe ni owiiphella o Ribula mu echigawo ya Hamati. Sika athu a o Yuda yaaphariwa okaporo waavenyiha mwiillaponi mwiwa.

Yeremiya 52:27 ပူးပေါင်းရင်းမြစ်များ

Mika 4:10

Nyu athu a o Ziyoni, wuupuruwa ni wiipullella wonanko mutthiyana va enthawaaye yooyara. Vawi vano muneerovenyamo m'muzindanimmo wi mwakhalle m'mawaani. Muneeroya o Babiloni wuukaporoni komave muneerovullusiwawo vawi Apwiya eneerowoopollani wa adanaanyu.

Ezekiele 33:28

Ellapweeyo kineeroyitthattusa ntthalla ni echipululu. Masiva awiitukhullella eneeromalla. Miyaango dda o Israele ddineerotthattuwa nihaka, muthu khawa aviramo.

Yesaya 27:10

Muzinda wamipanda wootthattuwa ntepe, nipuro noohiyiwa ni nootiwalliwa wonanko echipululu. Wenko eziweto ddinnachawo enthambi dda miteekho ni wiithuuwawo.

Yeremiya 52:9

Empharille yaamuyaana wa Nebukadinezara mwene a o Babiloni o Ribula mu ellapo ya Hamati nko akamunlleeye mullatwaaye.

Yeremiya 39:10

Nebuzaradani, muullupalli a alonda akhoto, aahiyalle athu oohoowesesave ni oohikhalla ni erive ello mu ellapo ya o Yuda. Nave ahaavaha emata ddampesa ni emata ddimoddattho.

Yeremiya 20:4

Apwiya weekhiiwa aallota wi, ‘Kineerewuutthattusa yawoopiha wa weekhaawo navettho wa akhwaawo attheene. Akhwaawo eneerewiiphiwa ni adaniiwa ni nsupada woonaka ni miitthwaawo. Nave Yuda muttheene kineeromuvelleella wa mwene a o Babiloni. Amodda eneeropharelliwa wuukaporoni o Babiloni nave amodda eneerowiipha ni nsupada.

Yesaya 24:3

Ellapo yavatthi eneerewoonongiwa, eneerotthollosiwa. Mi Apwiya koollota.

2 Mamwene 23:27

Sika Apwiya yaallota wi, “Kineerewaavenyiha athu a o Yuda vamiitthoni vaka wonanko kaavenyihelleemi Aisraele attheene. Kineerowoononga muzinda wa Yerusalemu oyo kawutthoonlleemi ni enyumba eyo kallotilleemi wi, ‘Nnddina naka ninaakhalle mwemmo.’ ”

2 Mamwene 17:23

ophiyera Apwiya yahaavenyiha Aisraele moollikana ni mmo yallotelliiwa oyeella mwa oorumeyelliiwa attheene, anamallotella. Sika Aisraele yaaphariwa okaporo evenya mwiillaponi yoowaniwa eya o Asiriya nave eri wenko ophiyera ollello.

2 Mamwene 17:20

Sika Apwiya yaaddikhoota edduullu ddittheddene dda Aisraele, eddihoosa, eddivelleella m'mattani mwa athu awaakha ophiyera yahaatathilla vamiitthoni viwa.

2 Samuele 8:9

Mwene Toi, mwene a o Hamati, iiwalleeye wi Davide ahaagonjiha akhoto attheene a Hadadezere,

Deuteronomo 28:64

Nave Apwiya eneerewuupallallesani variyari va mitundu ddittheddene ovenyera woomallihella omodda wa ellapo yavatthi ophiyera woomallihella omoddattho. Wenko munaarumeyelleke milluku ddimodda, ddamiteekho ni ddamalluku, nnddo nyuwaano ni makhollwaanyu mwahiddidduwenlleenyu waambeella khalle.

Deuteronomo 28:36

“Apwiya eneeromwiikarihella o ellapo yeelleto mwenaanyu ni nyuwaano attheene nko muhinakhallekeenyuwo ovenyera khalle, nyuwaano ni makhollwaanyu. Wenko muneerekorumeyella milluku ddimodda, ddamiteekho ni ddamalluku.

Deuteronomo 4:26

Mwaahiiwellella kinalloteeminndda, eddullu ni ellapo yavatthi sika ddinaakhalle amboni awaavaanyiha wi khemukhalla ni enthawi yoorekama mwiillaponimmo. Muneerewoonongeya attheenenyu mwiillaponi eyo eri vakhopella na Yordani eyo munaakhalleenyumo, ddawoona, muneerotthollowa.

Yeremiya 13:19

Mizinda ddanyu ddoomwera ddoowallelliwa otte nave khaavo mmodda anaawore oddihulla. Athu attheene a o Yuda aaphariwa okaporo.”

Yeremiya 39:9

Voomallihellani Nebuzaradani, muullupalli a alonda akhoto ahaapharella wuukaporoni o Babiloni athu attheene oohalla m'muzindani ni ayo yiivelleelle wa olliye.

Yesaya 43:28

mamwenaanyu yaaripiha nipuro naka naweella. Ekaamba ya yeella kahaakhullella wi Yakobo oonongiwe, Israele avevulliwe.”

Yeremiya 21:7

Vatulli viwa kineeromupharella wuukaporoni Zedekiya mwene a o Yuda ni enduna ddaye ni athu oohalla m'muzindoolla oovulluwa o mullilli, ettalla ni ekhoto. Kineerewaavelleella m'mattani mwa Nebukadinezara mwene a o Babiloni navettho wa adaniiwa ayo enapaalla owiipha. Ddawoona, eneerowiipha ni nsupada, kheyaamorella ethakaraka apaalle echifundo.’ ”