Yeremiya 51:9 - Mawu a Mulluku

⁹ Amodda yaallota wi, ‘Naheesa omwinnya murete koma khaachinre. Hankoni nimuhiye, nimvenyerevo nave arive muthu aye owaniwa. Vawi mullatwaaye woowella oddullu, woophiya omiraponi.’ ”

Yeremiya 51:9 ပူးပေါင်းရင်းမြစ်များ

Yawuupullulla 18:5

Vawi machimwaaye yohuukellana ophiyera oddullu, nave Mulluku ohuupuwella mitteko ddaye ddoonanara.

Yeremiya 50:16

Mumwiikarewo arive oomidda mmiddo o Babiloninko navettho arive oomuphadda tirigu ni echikwakwaaye voohatani. Vawoovani nsupada na owaahoosa, arive mulleto aneerorukunuwella wa athwaaye ni othawella owaniwa.”

Yesaya 13:14

“Sika vano arive muthu aneerohokollweella wa athu oowaniwa nave arive muthu o ellapo yoowaniwa wonanko epaalla ddawaathawa athu oosaya apaallettho wonanko enkhosa ddoohikhalla ni ooddittottha.

Yeremiya 46:16

Athwaanyu yaakwakwatuwa ni omorellana, enallota wi, ‘Akuvani, hankoni nihokollweelle owaani, o ellapo eyo nayarelliweehuwo, nithawe nsupada na adaniihu!’ ”

Ezara 9:6

killota wi, “Nyu Mullukwaaka, koowulliwa muru nave nginawora otukhullella ekhovaaka wa nyuwaano Mullukwaaka vawi machimwaahu aawella muddullu okhwaranya miru ddahu nave olakwa wahu woowella ophiyera oddullu.

Yeremiya 46:21

Akhoto aganyu ariiyena, tti wonanko asaanaang'ombe ooneneva. Alliwattho aahokollweella mutulli nave aathawa vamodda, khaavo allipihenlle. Ddawoona, enthawi ya otulli yahaamorella, sika enthawi yawaallaka.

Yeremiya 8:20

Athu enallota wi, “Ohata woomalla, ellimwe yoovira koma khanivulluwalleve.”

Yesaya 47:15

Mmo sika enuukaviherelliiwa athu ayo waphareewena mutteko, weetiheewena malonda waambeella enamwanaawo. Attheenaayo eneeropallalleya, khavihalla naari mmodda wi uuvulluse.”

2 Epilli 28:9

Koma waari namallotella a Mulluku nnddina naye Odedi. Olliye aaya wi akumane ni mulloko wakhoto wawiille o Samariya nave ahaalleella wi, “Apwiya Mulluku a makhollwaanyu yahaashella murima athu a o Yuda nave yahaavelleella m'mattani mwanyu koma moowiipha mwa owalli oyo ophiyalle oddullu.

Yawuupullulla 18:4

Nave kahiiwattho mawu amodda oovenyera oddullu ellotaka wi, “Khumaniwo athwaaka, wa olliyooyo! Khamunaphwanella wi mweerekena machimwaayaayo, khamunaphwanella wi mukawanena ollakiwa wayenko!

Hoseya 7:13

Otulli okhalle ni alliwa ekaamba yawi aakihiya. Yoonongeye ekaamba yawi aakiwukila. Kaanapaalla wi kaavulluse koma ennallota ddawoottha wa miyaano.