Yeremiya 51:62 - Mawu a Mulluku

⁶² Vatulli viwa wavekelle wi, ‘Nyu Apwiya moollalleya yoolingaanyu yoopaalla woononga nipuronna, oohihiyavo ello, muthu apaalle enama. Nave enaakhalle echipululu wa enthawi yoohimalla.’

Yeremiya 51:62 ပူးပေါင်းရင်းမြစ်များ

Yeremiya 50:13

Khokhalla athu ekaamba ya osha murima wa Apwiya nave onaakhalle matepeve. Arive muthu oovira o Babiloni eneerottikhina ni woopa musoonyo ekaamba ya makhwata a muzindooyo.

Yeremiya 50:3

“Mutundu wa athu oompoto woowuhella ekhoto muzinda wa Babiloni. Ellapwaaye eneeroyitthattusa ntepe nave wenko khowa okhalla muthu apaalle enama.”

Ezekiele 35:9

Ellapwaanyu kineeroyitthattusa matepe wa enthawi yoohimalla nave m'mizindani mwanyu khamukhalla athu. Vano muneerodduwella wi mi tti Apwiya.

Yeremiya 51:37

Sika Babiloni aneerotthattuwa ntepe, nipuro na akhuddupa, nipuro nawoopiha ni nipuro noosoonyiha, noohikhalliwa ni arive muthu.

Yeremiya 51:29

Ellapo yavatthi enimatthukumella, enimanyiphireya ekaamba ya ovoreya vawi Apwiya enakwakhwanihella nnddo Apwiya yaganizalliiwa ddoomutthattusa Babiloni echipululu, ellapo yoohikhalla ni athu.

Yeremiya 25:12

Miyakha 70 ddamalla, kineeromullaka mwene a o Babiloni ni athwaaye ekaamba ya ddoonanara ddiwa nave ellapwiiwa kineeroyitthattusa ntepe wa enthawi yoohimalla.

Yeremiya 25:9

kineerowiithaniha malloko mattheene ompoto ni oorumeyellaaka Nebukadinezara, mwene a o Babiloni. Kineerewaaruma wi ehelle ekhoto ellapweella ni athwiiwa navettho athu a mitundu ddimodda ddawaapheella ellapweella. Ddawoona, kineerewaatthollosa ni waatthattusa ello yoonanara, yoovevuwa ni yoosoonyiha wa enthawi yoohimalla.

Yeremiya 33:12

Apwiya Amasiva Mattheene yaallota wi, “Mu ellapo yantepeella, yoohikhalla ni athu naari enama ni o mizinda ddiwa ddittheddene oneerokhallattho mapuro oochihellawo enama nko abusa enaachihekiiwawo eziweto ddiwa.

Yeremiya 51:43

Mizinda ddaye ddootthattuwa matepe, ellapo yawumma ni yeechipululu, ellapo yoohikhalla ni athu apaalle weetamo arive muthu.

Yeremiya 51:61

Yeremiya aamulleella Seraya wi, “Waphiya o Babiloni, ohilephele weerenga mawu mattheenaalla vamiitthoni va athu.

Yeremiya 50:12

muzindaanyu oneerowullihiwa muru wunchichi. Muzinda oyo tti wonanko amowaanyu oneeronyaambusiwa. Ddawoona, Ababiloni enaakhalle oomallihella mwa mitundu ddittheddene dda athu. Mizinda ddiwa ddinaakhalle wonanko nihaka apaalle ellapo yawumma yeechipululu.