Yeremiya 51:57 - Mawu a Mulluku

⁵⁷ Kineerolezeliha enduna ddaye ni eezerwaaye, oolamulellaaye, oohoollella ekhoto ni akhotwaaye. Eneerokona ekhove ddoonanara ddoohirurumuwana, mi, mwene, koollota, nnddina naka tti Apwiya Amasiva Mattheene.

Yeremiya 51:57 ပူးပေါင်းရင်းမြစ်များ

Yeremiya 46:18

Mi Apwiya Amasiva Mattheene tti mwene, mi tti Mulluku Ookumi. Mmodda amasiva aneeroowa wonanko Tabori, mwaango wookhwaranya miyaango ddittheddene. Ari wonanko mwaango wa Karimele, wawiimella phaama mukhwipi mwa enyanja.

Yeremiya 48:15

Yawoononga Mowabu ni mizinda ddaye oophiya, asombwaaye akitthi eneerewiiphiwa yiiphiwe. Mi mwene, Apwiya Amasiva Mattheene, koollota.

Yeremiya 25:27

Vano Apwiya yaakilleella wi, “Alleelle athu wi mi Apwiya Amasiva Mattheene, Mulluku a Israele, kinalamula wi, ‘Wiryani, lezelani, rapheyani, ikuhani oohivenyattho ekaamba ya ekhoto kinaarumiheemi variyari vanyu.’

Yeremiya 51:39

Yakuserera ottutthuwa, kineeroweerella machellello. Sika kineerowaalezeliha nave eneerohakallalla ni okona ekhove ddoohirurumuwana, ddoohivenyanattho.

Yawuupullulla 18:9

Mamwene a va ellapo yavatthi ayo yeerillena ddooraruwa ni wiihakallallihana eneerewinlla ni omoriwa ethakaraka vawoonani mwiisi okhumaka ovenyera vamunlloni onaashellihe muzindooyo.

Malaki 1:14

Vano atembeleliwe muthu oolleka oyo anavelleella wa miyaano mukutho wa echiweto yoohikhalla ni mutteko komave arina mwa eziweto ddaye yaphaama eyo alonjezilleeye okivaha! Vawi miyaano tti mwene muullupalli nave athu a mitundu ddittheddene ennakoova.” Mi Apwiya Amasiva Mattheene koollota.

Nahumu 1:10

Oolezelaalla eneeroshellellihiwa wonanko miiwa ni mapallaka awumma.

Yesaya 37:36

Mungelo a Apwiya aaya o misasa ddakhoto dda Aasiriya awiiphawo akhoto 185,000. Ohinase athu yaawoona akhoto attheenaayo ekhwille, eri millumillu!

Yesaya 6:5

Sika kaakhuwa wi, “Otulli miyaano! Koomalla vawi kiri muthu a eyano yooripihiwa nave kinakhalla variyari va athu a eyano ddooripihiwa. Komave miitthwaaka aawoona Amwene, Apwiya Amasiva Mattheene.”

Yesaya 44:25

Miyaano sika kinnalepheliha ezizindikiro dda amasenga kinaakarangeyiha athu awoombesa makhanga. Miyaano sika kinaahumullulla mawu a athu eezeru, kinnooniha wi ezeru ddiwa tti ddookarangeya.

Yeremiya 13:13

Vano waalleelle wi, mi Apwiya kineerewaawiryiha vinyo athu attheene a mwiillaponimmo ophiyera elezele. Alla tti monga mamwene ookhalla va mpando wa Davide, allupa mukutho, anamallotella ni attheene ookhalla mu Yerusalemu.

Yeremiya 50:30

Sika asombwaaye eneerewiiphelliwa m'mapuroni mwaye nave akhotwaaye attheene eneerewoonongeya nllapo nenno. Mi Apwiya koollota.”

Ezekiele 20:33

“Mi Apwiya Mulluku kinallupella vamiitthoni vaka kineerewuulamulellani ni nnatta naka namasiva, kittaphurusalle muwonwaaka nave kiri oosha murima wunchichi.

Nahumu 3:18

We mwene a Asiriya, abusaawo enimakona, oohoollellaawo enimakwindima. Athwaawo yoomwareyella omiyaangoni, khaavo naari mmodda awaatthukumaniha.