Yeremiya 51:56 - Mawu a Mulluku

⁵⁶ Awoononga aamukhumellella Babiloni, akhotwaaye attheene aaphariwa, miira ddiwa ddookothowa. Vallethi Apwiya tti Mulluku oohokollosella, eneerewaahokollosella ddoonanara Ababiloni.

Yeremiya 51:56 ပူးပေါင်းရင်းမြစ်များ

Habakuku 2:8

Ekaamba yawi waawaakha athu a mitundu ddinchichi athu oohalla eneerowaakhattho ekaamba yawi woowiipha ni oweerella ekuku athu a va ellapo yavatthi ni mizinda ddiwa.

Yeremiya 51:48

Vatulli viwa oddullu ni ellapo yavatthi vamodda ni ddittheddene ddookhalla mwemmo ddineerewiipa moohakallalla ekaamba ya omora wa Babiloni. Athu awoononga oovenyera ompoto eneeromugonjiha.

Yeremiya 51:6

Arive muthu mwa nyuwaano athawe, avenyewo o Babiloni wi avulluse okumaaye. Muhiiphiwena nimodda aallakiwaka. Nna sika nllapo nno Apwiya enaallakiiwa ni waahokollosella ddoonanara wunchichi.

Masalimo 46:9

Ennamalliha ekhoto va ellapo yavatthi ettheene. Enninttaka muura, ennakotholla nivaka, ennaahella munllo magareta akhoto.

Yeremiya 51:24

Apwiya enallota wi, “Nyu moonaka, kineeromuhokollosella ddoonanara Babiloni ni attheene ookhallamo ekaamba ya machimo mattheene eerilleeye o Ziyoni. Mi Apwiya koollota.”

Yesaya 59:18

Apwiya eneerewaallaka adaniiwa moollikana ni ddaweera ddiwa. Eneerewooniha owalli wa owaawukila nave eneerewaahokollosella ddoonanara adaniiwa vawi eneerewaallaka naari ookhalla mu ellapo ddawoorekama.

Masalimo 76:3

Wenko ahiinttakawo miira, ddawiitetezella, masupada ni ezida ddakhoto ddittheddene dda adanaaye.

Deuteronomo 32:35

Ollaka ni ohokollosella ddoonanara tti ddaaka, enthawi ya oserenguwa wiwa eneerophiya, vawi enthawi ya otulliiwa yohaatamella, woonongiwa wiwa onnaakuva.

Yawuupullulla 19:2

Echiweruzwaaye tti yawoona ni yoolungama! Aamweeruza hule oovuwa oyo aripihalle ellapo yavatthi ni oraruwa waye. Mulluku oomullaka kaambiiwa aawiipha oorumeyellaaye.”

Yawuupullulla 18:20

Hakallallani ooddullu nyu! Hakallallani athu a Mulluku ni amurummwa owaaka anamallotella nyu! Vawi Mulluku oomullaka va nnddo eerilleeye wa nyuwaano!

Yawuupullulla 17:16

Manyaka khumi woonilleewe ni enama yuullupalli yawoopiha, ddineerewiitana ni hulooyo. Eneeromwaakha erive ello ariiyena eneeromuhiya ari epwillimwinddive, eneerottakhuna mwiillaaye nave eneeromwiipha voomoosani munllo.

2 Atesalonika 1:6

Mulluku tti oolungama ndithu, aneerewaallaka ayo enuuhoosani.

Ezekiele 39:9

“Ookhalla mu mizinda dda Israele eneerokhuma nave eneerotthukumaniha ezida ddakhoto ddoohiyiwa monga ezishango, miira, mipaamba ni ekoonda oddihella munllo wonanko ekhuni miyakha mitthanu ni miilli.

Ezekiele 39:3

Kineerewinttaka muuraawo wawuunyotthoni ni wuutathilliha mipaamba ddawo dda o nnattanatta nawo.

Yeremiya 51:30

Akhoto a o Babiloni aahiya owana ekhoto, erimoonokeraatthi mu mipanda ddiwa vawi masiviiwa aamalla nave tti wonanko atthiyana. Enyumba ddaye ddohoosiwa ni munllo nave mikoko ddaaye ddoollipiha ddookothowa.

Yeremiya 50:36

Nsupada nimorelle va athu awoombesa wi etthattuwe ookarangeya. Nimorellettho va akhotwaaye wi yoonongeye.

Yeremiya 50:10

Ababiloni eneerewaakhiwa ddayiwa nave attheene oowaakha eneerovona. Mi Apwiya koollota.”

Yeremiya 49:35

Apwiya Amasiva Mattheene enallota wi, “Ngoona, kineerewinttaka muura wa Elamu oyo ori echidaaye yamasiva.

Yesaya 35:4

Mwaalleelle a murima wawoova wi, “Llipani murima, muhoove! Ngoonani, Mullukwaanyu animawa wi aahokolloselle ni waallaka adanaanyu, animawa wi uuvulluseni.”

Yesaya 34:8

Ella sika enthawi eyo Apwiya eneeriiwa yaahokolloselle adani a Ziyoni ni waateteza athwiiwa.

Yesaya 21:2

Kohoona masomphenya awoopiha awi awoottha ennootthave nave awaakha ennaakhave. Akhoto a o Elamu, ambani ekhoto! Akhoto a o Mediya, apheellani muzinda! Mi Apwiya kineeromalliha ddookatamiha ddittheddene ddawiille ni Babiloni.

Masalimo 137:8

We muzinda wa Babiloni, oneerewoonongiwa, oodalisiwa tti oyo anaawuhokolloselle ddoonanara nndda oneerelleewe.

Masalimo 37:15

Koma nsupada niwa nineerohoma mirima dda aneeniiwa, miira ddiwa ddineerewunttakeyella m'mattani.

1 Samuele 2:4

Akhoto amasiva, miira ddiwa ddinniinttakeya koma athu oofooka ennakhalla ni masiva.

Genesis 49:24

Koma olliye muuraaye wahiimella moollipa nave miwono ddaye ddaallipattho, ni masiva a Mulluku Amasiva Mattheene a Yakobo, oyo tti Mbusa, Nlluku na Israele.

Yeremiya 51:53

Naari Babiloni iitukhulleve ophiyera oddullu, allipiha mattatthaaye, kineeromuruma awoononga wi amugonjihe. Mi Apwiya koollota.’ ”

Amosi 2:15

Amiira khawa allipattho, oothamakesesa khavulluwa, oowella va akavalo khavullusa okumaaye.

Obadiya 1:15

“Nllapo nohaatamella mvo mi Apwiya kinaaweeruzeemi mitundu ddittheddene. Edomu, weerilleewe eneereweereya wa weyaano, oneerohokolloselliwa ddoonanara.

Maliro 3:64

Nyu Apwiya, mwaallake moollikana ni ddoolakwa ddiwa, moollikana ni mitteko yapharilliiwa.