Yeremiya 51:53 - Mawu a Mulluku

⁵³ Naari Babiloni iitukhulleve ophiyera oddullu, allipiha mattatthaaye, kineeromuruma awoononga wi amugonjihe. Mi Apwiya koollota.’ ”

Yeremiya 51:53 ပူးပေါင်းရင်းမြစ်များ

Yeremiya 49:16

Wiitukhulla wawo wohuulleka, woopopiha wawo wohuuhollosa, we ookhalla m'mallukuni ni omiyaangoni. Koma naarive omakille enyumbaawo vaddullu wonanko emphuru ya echiwombankhanga kineerewuukitthiha. Mi Apwiya koollota.”

Genesis 11:4

Vano yaallota wi, “Hankoni niimakelle weekhiihu muzinda ni nttattha noorekama ophiyera oddullu. Neera ddiiddo nineerovuwa wunchichi nave khanimwareyattho va ellapo yavatthi.”

Yeremiya 51:25

We mwaango wawoononga, we ootthollosa ellapo yavatthi ettheene, kinawiipa mullatu. Kineerottaphurusa nnatta voopalla wuullaka ni wuukakhella vatthi ovenyera o mallukwaawo nave kineerewuutthattusa mwaango woosha. Mi Apwiya koollota.

Amosi 9:4

Naari epharelliwe wuukaporoni ni adaniiwa, wenko kineerolamula wi yiiphiwe ni nsupada. Kineerewoonesesa wi athu yaalla kiweerelle ddoonanara ohiri ddaphaama.”

Daniele 4:30

Nave olliye aallota wi, “Olla khe Babiloni muullupalli kimumakilleemi wi akhalle enyumba yoomwene ni masivaaka muullupalli wooniha eyuuma ya omwenaaka?”

Yeremiya 51:58

Esiri dduullupalli dda Babiloni ddineeropwaramwasiwa, millako ddaye ddoorekama ddineerewoosiwa. Mitundu dda athu ddapharelle mutteko nivuddo, athu yaarimoona wiitopiha voomakani, vano ddinasha ni munllo.”

Yeremiya 51:48

Vatulli viwa oddullu ni ellapo yavatthi vamodda ni ddittheddene ddookhalla mwemmo ddineerewiipa moohakallalla ekaamba ya omora wa Babiloni. Athu awoononga oovenyera ompoto eneeromugonjiha.

Yeremiya 51:11

“Tthokollani mipaamba, kusani ezishango. Apwiya aanyanyulla mirima dda mamwene a Amedi vawi yoopaalliiwa tti yawi emoononge Babiloni. Enapaalla emuhokolloselle yoonanara kaambiiwa ahoononga enyumbiiwa.

Yeremiya 50:45

Sika vano apellani maaru nnddo kikeraatthihalleemi ddoomullakella Babiloni ni nnddo kinapaalleemi weera va Ababiloni. Ddawoona, aniiwa eneerophariwa nave athu attheene eneerotathilla murima ekaamba ya otulliiwa.

Yeremiya 50:25

Apwiya aahulla enyumba ya ezida ddiwa nave aakhumiha ezida dda osha murima wiwa. Vawi mi Apwiya Mulluku Amasiva Mattheene kinapaalla kiphare mutteko mu ellapo ya Ababiloni.

Yeremiya 50:21

Apwiya enallota wi, “Muyihelle ekhoto ellapo ya Merataimu ni athu ookhalla o Pekodi. Muwiiphe ni nsupada nave mwaatthollose. Mweere ddittheddene nnddo kuulamulalleemini. Mi Apwiya koollota.

Yesaya 47:7

Waganiza wi enthawi ddittheddene onaakhalle mwene aamutthiyana, mwawi ddeko ddenndda khewaaddipwathille m'murimani mwawo, khewaaganizerettho mmo ddinaamallelliiwa.

Yesaya 47:5

Anamulleella Babiloni wi, “We namwalli Babiloni, era ellapo tuu ni ovollowa mwiipiphini, khewa yuuromollattho mwene aamutthiyana a moomwene.

Yesaya 41:25

Koomuvenyiha muthu mmodda ompoto nave olliye, muthooyo anavenyera wookhuma nndduwa, olliye anniithana nnddina naka. Annaavota oolamulella wonanko matokwi, wonanko awoopa epalli anavotelleeye olloko.

Yesaya 13:17

“Vawi Amedi khenampaalla siliva nave khanahakallalla ni golide kineerewaavenyiha wi ewane ni Ababiloni.

Yobu 20:6

Naari arekameve, attannyakeve oddullu, eyuumaaye ewelleve ophiyera omiraponi,

Yeremiya 51:56

Awoononga aamukhumellella Babiloni, akhotwaaye attheene aaphariwa, miira ddiwa ddookothowa. Vallethi Apwiya tti Mulluku oohokollosella, eneerewaahokollosella ddoonanara Ababiloni.

Amosi 9:2

“Naari yakate vatthi ophiya o ellapo ya ookhwa, nnatta naka nineerewaakusawo wenko. Naari yawelle oddullu, kineerewaakitthihawo.

Habakuku 2:9

Otulli wa oyo ari ni eyuuma yoovenyera mu yoophura yoophwanyeya moohilungama, annayikusella o enyumbaaye yavaddullu vooganizani wi ookhalla ni murendelle.