Yeremiya 51:51 - Mawu a Mulluku

⁵¹ Nyu munallota wi, ‘Ninawulliwa muru ekaamba ya ovevulliwa nko nikumanneehuna. Ekhove ddahu ddoomora ekaamba ya athu eelleto yoovollowa o mapuro oopatuleya o enyumba ya Apwiya.’

Yeremiya 51:51 ပူးပေါင်းရင်းမြစ်များ

Maliro 1:10

Adani yaamwaakha eyuumaaye ettheene, munipuroni mwaye mwaweella mwaavollowa athu a mitundu ddimodda, ayo nyu Apwiya mwaahiihalleenyu ovollowa m'mutthukumanwaanyu.

Masalimo 79:4

Hiyaano nootthattuwa ello yoovevuwa wa athu a mitundu ddimodda, athu a mitundu ddoonaapheella ennaninyemulla ni onittheya.

Mika 7:10

Adanaaka vawoonani ddenndda eneerowulliwa muru vawi yaanallota wi, “Ari wuuwi Apwiya Mullukwaawo?” Vano kineerewoona ni miitthwaaka enyingallelliwaka wonanko matokwi m'musewuni.

Daniele 11:31

Akhotwaaye eneeronanariha enyumba ya Mulluku ni mpanda woollipa nave eneerohiiha mikutho ddooshellelliha dda nllapo ni nllapo. Wenko eneerewiimesawo Yoonanara Yawoononga.

Ezekiele 36:30

Kineerewimmiha miteekho ezipaso ddinchichi nave ethaya eneerokhumiha ddoohata ddinchichi sika wi khamuwa muvevuwattho ekaamba ya ettalla variyari va mitundu ddimodda

Ezekiele 24:21

‘Alleelle Aisraele mawaaka awi, kineeronanariha enyumbaaka eyo mukhanlleenyu muyikotellaka wunchichi. Ennuuyaani m'mwiitthoni mwanyu wunchichi nave munnayikonda ni murimaanyu muttheene. Aniinyu aallopwana ni aatthiyana ayo mwaahiyalleenyu mutulli, eneerewiiphiwa ni nsupada.

Ezekiele 9:7

Vano Apwiya yaallota wi, “Ripihani enyumbaaka nave ddallihani mathatwiiwa ni mitembo. Khaweni!” Sika yaayaawo yawiipha athu m'muzindanimmo.

Ezekiele 7:18

Eneerowara eziguduli nave eneerewoova. Eneerowulliwa muru nave miru ddiwa eneerochema mpala.

Maliro 5:1

Nyu Apwiya, upuwellani ddinimorenllenndda, ngoonani nave wehani owullihiwa muru wahu.

Maliro 2:20

Ngoonani, nyu Apwiya, wehani! Ethiyo ttaani oyo mwaambillekeenyu omuhoosa mwawi ddiidda? Ethiyo atthiyana yaattakhuneke aniiwa yaayarilliiwa? Ethiyo allupa mukutho ni anamallotella yiiphelliwa mu nipuro naweella na Apwiya?

Yeremiya 52:13

Nave ahoosa enyumba ya Apwiya, enyumba yoomwene ni enyumba ddimodda ddittheddene dda o Yerusalemu, erive enyumba yuullupalli aayoosa.

Yeremiya 31:19

Vano vawi noorukunuwa, ninnamoriwa ethakaraka. Vawi noohuddera, ninnadduukutha vakhakaddani. Noowulliwa muru nave noonyaambusiwa, ekaamba ya machimwaahu naariihu asombwe.’

Yeremiya 14:3

Eeyuuma ennaaruma allupa muttekwiiwa wi yarike maaddi, ennaphiya wiihimeni koma khewuri maaddi, sika ennahokollowa ni mino muhiri ello. Ennawulliwa muru nave ahiimella muru, ennawaramella vatthi.

Masalimo 109:29

Ookivaanyihana evevuwe, owulliwa muru wiwa waahuruwelle wonanko yoowara.

Masalimo 79:12

Nyu Apwiya, ovevulla wulle athu yuuvevunlliiwani mwaahokolloselle otthanu ni opiilli.

Masalimo 79:1

Nyu Mulluku, athu a mitundu ddimodda aavollweella mu yoohallanaanyu, aaripiha enyumbaanyu yaweella aamutthattusa Yerusalemu ntepe.

Masalimo 71:13

Athu ookivaanyiha ewulliwe muru nave yoonongeye, oowaashaasha ookivoreya evevulliwe, ewulliwesese muru.

Amosi 7:9

Mapuro oollapellamo a Isaki eneerewoonongiwa, enyumba ddoollapellamo dda Israele ddineerotthattuwa ntepe, kineerowukila nibanja na mwene Yerobowamu ni nsupada.”

Mika 6:16

Moosunga makhallello oonanara a mwene Omuri ni mitteko ddittheddene dda nibanja na Ahabu. Ekaamba yawi moothwara ettilla ddiwa ddittheddene, miyaano kineerewuutthollosani. Mitundu ddimodda dda athu oneerekewuusoonyani nave orive weko athu eneerewuuvevullani.

Masalimo 89:46

Ethiyo ophiyera niini, nyu Apwiya, munaakiipitthelleenyu wa enthawi yoohimalla? Ethiyo owallaanyu onaakhare wonanko munllo ophiyera niini?

Yesaya 13:1

Nndda sika ddeko Yesaya mwaana a Amozi oonilleeye m'masomphenya oollota dda Babiloni.

Yesaya 14:1

Apwiya eneereweerella echifundo nibanja na Yakobo, eneerewaatthoollattho Aisraele ni owaakhullella wi ekhallettho mu ellapwiiwa. Athu ayo ehiri Aisraele eneerokhalla nimodda ni ollundellelleyana ni nibanja na Yakobo.

Yesaya 21:1

Nngu sika ollotella wa dda echipululu ya mukhwipi mwa enyanja. Otulli oneerophiya ovenyera o ellapo yawoopiha wonanko mmo namangalle anoopelleeye ovenyera o echipululu.

Yesaya 47:1

Apwiya enallota wi, “We namwalli, Babiloni, kittha okeraatthi vanthupini. We namwalli, Babiloni, keraatthi vatthi voohikhalla mpando woomwene, vawi kheyuuromollattho awoollowa ni ooreera.

Yeremiya 25:26

wa mamwene mattheene a ompoto, a vakhuviru ni awoorekama ovenyera wa mmodda ophiyera wa mmodda. Nave yawirya attheenaalla, voomallihellani anaawirye tti mwene a o Babiloni.