Yeremiya 51:50 - Mawu a Mulluku

⁵⁰ Apwiya enallota ni athwiiwa a o Babiloni wi, “Nyu muvulluwalle o nsupada na Babiloni, muvenyevo, muhiselliwe! Muwuupuwelle Apwiya ni Yerusalemu naari murekamenlle ni owaninyu.

Yeremiya 51:50 ပူးပေါင်းရင်းမြစ်များ

Yeremiya 44:28

Oovulluwa okhotoni, ayo enaahokollweelle o Yuda ovenyera o Iguputo, enaakhalle aweerengeya. Sika oohalla attheene a o Yuda ayo yakhalla o Iguputo edduwella wi ddawoona tti ddiivi, ddayiwannddo apaalle ddaakanndda.

Masalimo 122:6

Vekellani murendelle wa Yerusalemu voollotani wi, “We Yerusalemu, athu ayo enuukonda ddeko ddiweetelleke phaama.

Yawuupullulla 18:4

Nave kahiiwattho mawu amodda oovenyera oddullu ellotaka wi, “Khumaniwo athwaaka, wa olliyooyo! Khamunaphwanella wi mweerekena machimwaayaayo, khamunaphwanella wi mukawanena ollakiwa wayenko!

Yeremiya 51:45

Nyu athwaaka, khumanimoni mu Babiloni! Vullusani okumaanyu o osha murima wawoopiha wa Apwiya!

Yesaya 51:11

Ayo mwawooponlleenyu eneerohokollowa, eneerophiya o Ziyoni nchipo niri vayanoni, othapella woohimalla eneerewooneya va ekhove ddiwa. Eneerokhalla ni ehakallallo ni ottaphuwa, ethakaraka ni wiipullella ddineeromalla.

Yeremiya 51:6

Arive muthu mwa nyuwaano athawe, avenyewo o Babiloni wi avulluse okumaaye. Muhiiphiwena nimodda aallakiwaka. Nna sika nllapo nno Apwiya enaallakiiwa ni waahokollosella ddoonanara wunchichi.

Yeremiya 50:8

“Muthawe o Babiloninko, muvenyewo o ellapo yeeyo, mwaambe okhumawo nyuwaano wonanko anankhoro vahoollo va eziweto.

Yeremiya 31:21

Wiihiyere echizindikiro, wiikhomelle ezikwangwani. Owehesese musewu, musewu eyo waweelleewe. We namwalli, Israele hokollowa, hokollweella o mizinda ddawo.

Yesaya 52:2

We Yerusalemu oophariwa ittatthe nthupi, venya, Nyu oomakiwa a o Ziyoni, phaddani onyolo munikohini mwanyu.

Yesaya 48:20

Khumani mu ellapo ya Babiloni, thawani mu ellapo ya Akaldeya. Mullalleye ni okhuwa wunchichi ophiya o makomello a ellapo yavatthi, voollotani wi, “Apwiya ennamoopolla Yakobo, oorumeyelliiwa.”

Ezekiele 6:9

Vano oovulluwa mwa nyuwaano eneerokuupuwella variyari va athu a mitundu ddimoddaayo nko enaapharelliiwawo okaporo. Kineerewaamoriha ethakaraka nave kineerewaawulliha muru ekaamba ya ohiroromelleya wiwa nave owukila wiwa wulle ekaamba yoohiya murimiiwa va mafano. Ddineerewaananara aneeniiwa vawoonanani ddoonanara ddittheddene nnddo yeerilliiwa vamodda ni ddaweera ddiwa ddoonanara.

Daniele 6:11

Vano athwaalle yaakusana mulloko emuphwanya Daniele avekellaka ni ollapella wa Mullukwaaye.