Yeremiya 51:5 - Mawu a Mulluku

⁵ Israele ni Yuda kheyaahiyiwe ni Mullukwiiwa, Apwiya Amasiva Mattheene naari ellapwiiwa eddanlle ni machimo oomuvevulla Aweella a Israele.

Yeremiya 51:5 ပူးပေါင်းရင်းမြစ်များ

Zekariya 12:8

Nllapo nenno Apwiya eneerewaateteza ookhalla o Yerusalemu mwawi athu oofooka wunchichi mwa alliwa enaakhalle amasiva wonanko Davide. Sika nibanja na Davide ninaakhalle noolamulella wonanko Mulluku, wonanko mungelo a Apwiya awaahoollella.

Zekariya 12:6

“Nllapo nenno oohoollella a Yuda kineerewaatthattusa wonanko ninkhalla noottotthowa variyari va ekhuni, wonanko mutthiko wookhara variyari va mitolo dda tirigu. Eneerewoosa mitundu dda athu ddittheddene ddoowaapheella, onnattanatta ni wuunyotthoni koma athu a o Yerusalemu enaakhalleve mwamurendelle m'muzindani mwiwa.

Hoseya 4:1

Nyu Aisraele, iwani mawu a Apwiya vawi aakhalla ni mullatu ni ookhalla mwiillaponi. Mullatweene tti wawi mwiillaponi khamuri ororomelleya apaalle oreera murima nave khenamudduwella Mulluku.

Zekariya 2:12

Apwiya eneeromukusattho Yuda wi akhalle yoohallaniiwa mu ellapo yoopatuleya nave Yerusalemu akhalle muzindiiwa wa vamurimani.

Mika 7:20

Muneerewooniha ororomelleya wanyu va Yakobo ni echikondaanyu yoohisintheya va Abrahamu monga mwallupenlleenyu khalle wa makhollwaahu.

Mika 7:18

Ethiyo ttaani ari Mulluku oophwanaphwana ni nyuwaano, oyo anakhululukella machimo ni ovenyiha ddoolakwa dda oohalla a yoohallanaanyu? Khamunasunga m'murimani onanariwa wa enthawi yoohimalla ekaamba ya echikondaanyu yoohisintheya.

Hoseya 1:10

Aisraele eneerewaata wonanko mihava dda mu enyanja nnddo ohinaaworeewe owulinga ni oweerenga. Vano vanipuroni mvo yalleelliwiiwa wi, “Nyu khe athwaaka,” vaavottho aneerewaaromolla wi, “Anamwani a Mulluku Ookumi”

Ezekiele 9:9

Mulluku ahaakhulla wi, “Ochimo wa Aisraele ni Yuda tti wuullupalli wunchichi. Ellapo yooddalla ni ddawiipha nave muzinda wooddalla ni ddoohilungama. Athu enallota wi, ‘Apwiya khenanoona! Apwiya aayihiya ellapweella!’ ”

Ezekiele 8:17

Apwiya yaakikoha wi, “We mwaana a muthu, ethiyo onnaddoona ddenndda? Ayuda kheddinaakwakhwana ddoonanara eneeriiwanndda. Koma enavuwihattho ddakhoto mwiillaponi ettheene. Vano ennattatthamulla owallaaka, ennakishiha murima ni ddaweera ddiwa.”

Yeremiya 50:20

Mallapo yaayo, enthawi yeeyo yaphiya, eneerewaashaasha ddoonanara dda Israele koma khephwanyeya naari emodda. Eneerewaashaasa machimo a Yuda koma kheyaaphwanya naari vang'ono. Vawi oohalla kaahiyalleemaalle kineerewaakhululukella. Mi Apwiya koollota.”

Yeremiya 46:28

Apwiya enallota wi, “We Yakobo, oorumeyellaaka, ohoove vawi mi kiri ni weyaano. Kineerotthollosa mitundu ddittheddene dda athu a ellapo nnddo kawiikarelleemiwo. Koma we nguutthollosa, komave nguuhiya oohuullaka, kinuullake mweechilungamo.”

Yeremiya 31:37

Eeki aphwanyeye muthu oowora olinga oddullu aashaasha matthipello a ellapo yavatthi, vaavo kineerewaatathilla Aisraele ekaamba ya ddoonanara yeerilliiwa. Mi Apwiya koollota.

Yeremiya 23:15

Ekaamba ya ddenndda, voollotani dda anamallotella yaalla, Apwiya Amasiva Mattheene enallota wi, “Kineerewaachiha ddoomella ddoowaawa ni waawiryiha maaddi anttipwi ekaamba ya ddoonanara dda anamallotella a o Yerusalemu ddiddanlle ellapo ettheeneella.”

Yeremiya 19:4

Kineere ddenndda ekaamba yawi athu aakikhoota nave aaripiha nipuronna. Enoosella lubani* milluku ddeelleto nnddo alliwa, makhollwiiwa ni mamwene a o Yuda yahiddidduwenlliiwa. Nave vanipuroninna yaamorihellavo nikhame na athu oohilakwa.

Yeremiya 16:18

Kineerewaahokollosella ddoonanara mookhwaranya ekaamba ya onanara wiwa ni machimwiiwa ekaamba yawi aaripiha ellapwaaka ni mafanwiiwa ayo tti wonanko mitembo nave ellapo eyo eri yoohallanaaka yaaddallihamo mafanwiiwa oonanara.”

Yesaya 62:12

Muneeroromolliwa oopatuliwa a Mulluku, athu awoopolliwa ni Mulluku. We Yerusalemu, oneeroromolliwa wi, “Muzinda Wookondiwa ni Apwiya, Muzinda Woohihiyiwa ni Mulluku.”

Yesaya 44:21

Apwiya enallota wi, “We Yakobo, upuwella nndda vawi weyaano tti oorumeyellaaka, we Israele. Kahuuphatusa, weyaano tti oorumeyellaaka, we Israele ngiwa kuutiwalla.

Masalimo 94:14

Apwiya kheyaahiya athwiiwa, khetathilla yoohallaniiwa.

Ezara 9:9

Vawi hiyaano naari akaporo koma Mullukwaahu khamwaanihiyalle mu okaporwaahu. Koma mwaanooniha echikondaanyu yoohisintheya vamiitthoni va mamwene a o Persiya, onihihimulla wi nimake enyumbaanyu, nipotokose matepiiwa navettho mooniteteza mu Yuda navettho mu Yerusalemu.

1 Samuele 12:22

Apwiya kheyaatathilla athwiiwa wi nnddina niwa nuullupalli nihivevuwe vawi yahuutthoollani nyuwaano wi mukhalle athwiiwa.

2 Mamwene 21:16

Navettho Manase aawiipha athu oohichimwa anchichi ophiyera nikhame na athwaayo naheetellella embali ddittheddene dda misewu dda mu Yerusalemu. Nndda ddahoonjerera va machimo ayo aachimwihalleeyena Ayuda vooweerihani ddoonanara vamiitthoni va Apwiya.

1 Mamwene 6:13

Nave kineerokhalla variyari va Aisraele, ngiwa kaahiya athwaaka Aisraele.”

Hoseya 4:2

Ennallupella mwawoottha, ennallota ddawoottha, enniipha, enniiya ni oraruwa. Machimo aattepa nave enniiphanana.

Yesaya 51:15

“Mi sika Apwiya Mullukwaanyu, oyo anaviddulla enyanja wi mafundiiwa onyakulla, nnddina naka tti Apwiya Amasiva Mattheene.

Yeremiya 14:9

Kaambiiwa tini munakhalleenyu wonanko awiimella muru, wonanko akhoto oohiwora ovullusa? Komave nyu Apwiya muri variyari vahu, ninnadduwelliwa ni nnddina nanyu, muhinihiye weekhiihu.”

Yeremiya 14:19

Apwiya, ethiyo athu a o Yuda mohaatathilla? Ethiyo athu a o Ziyoni ennuunanarani mwaawoonaka? Kaambiiwa tini munoonongilleenyu mwawi ddiidda ophiyera wi khaninaworattho ochira? Natiyerella murendelle koma ddeko khaddineetenlle phaama. Natiyerella ochira koma nakumanne ni ddawoopihave.

Yeremiya 51:19

Koma Mulluku a Yakobo khari wonanko mafanwaalla, olliye sika oophatusa a ddittheddene. Israele tti mutundu wa yoohallanaaye, nnddina niwa tti Apwiya Amasiva Mattheene. Apwiya enallota wi,

Hoseya 2:1

Ollote wa asinno wi, “Athwaaka” ni wa arokoriyo wi, “Annakondiwa.”

Hoseya 2:3

Aaheera ddiiddo kineeromurulla wi akhalle wonanko mmo ayarelliweeye. Kineeromummiha wonanko echipululu, akhalle wonanko ellapo yoohikhalla ni maaddi, aneerokhwa ni nthona.