Yeremiya 51:48 - Mawu a Mulluku

⁴⁸ Vatulli viwa oddullu ni ellapo yavatthi vamodda ni ddittheddene ddookhalla mwemmo ddineerewiipa moohakallalla ekaamba ya omora wa Babiloni. Athu awoononga oovenyera ompoto eneeromugonjiha.

Yeremiya 51:48 ပူးပေါင်းရင်းမြစ်များ

Yawuupullulla 18:20

Hakallallani ooddullu nyu! Hakallallani athu a Mulluku ni amurummwa owaaka anamallotella nyu! Vawi Mulluku oomullaka va nnddo eerilleeye wa nyuwaano!

Yesaya 44:23

Nyu ddamuddullu, ipani moohakallalla vawi Apwiya aaphara mutteko. Nyu mapuro oowallamella a ellapo yavatthi, khuwani! Nyu miyaango, ambeellani machipo! We otthako ni miteekho ddawo ddittheddene. Ipani kaambiiwa Apwiya aamoopolla Yakobo, yohooniha ntitimiho niwa mwa Israele.

Yeremiya 50:3

“Mutundu wa athu oompoto woowuhella ekhoto muzinda wa Babiloni. Ellapwaaye eneeroyitthattusa ntepe nave wenko khowa okhalla muthu apaalle enama.”

Yesaya 49:13

We oddullu, ipa moohakallalla, we ellapo yavatthi, thapella! Nyu miyaango, ambani nchipo! Apwiya ahaakhurumusa murima athwiiwa, aaweerella echifundo athwiiwa oohoowa.

Yesaya 48:20

Khumani mu ellapo ya Babiloni, thawani mu ellapo ya Akaldeya. Mullalleye ni okhuwa wunchichi ophiya o makomello a ellapo yavatthi, voollotani wi, “Apwiya ennamoopolla Yakobo, oorumeyelliiwa.”

Yeremiya 50:41

Ngoonani, athu ovenyera o ellapo ya ompoto enimawa, mutundu wa athu amasiva wootimulla ovenyera woorekama.

Yeremiya 50:9

Kineerotthoolla ni owaana mutundu wakhoto wamasiva wa malloko mamodda a athu oovenyera ompoto wi niwane ni Babiloni. Mipaamba ddiwa ddiri wonanko akhoto oosha murima, kheddinakusha.

Miyambo 11:10

Ddaweetella phaama athu oolungama muzinda onnahakallalla nave oonanara yoonongeya athu ennakhuwa moothapella.

Yeremiya 51:56

Awoononga aamukhumellella Babiloni, akhotwaaye attheene aaphariwa, miira ddiwa ddookothowa. Vallethi Apwiya tti Mulluku oohokollosella, eneerewaahokollosella ddoonanara Ababiloni.

Ezekiele 35:14

Mi Apwiya Mullukwaanyu kinallota wi kineerewuutthattusani matepe sika ellapo yavatthi ettheene eneerohakallallana omora wanyu.