Yeremiya 51:45 - Mawu a Mulluku

⁴⁵ Nyu athwaaka, khumanimoni mu Babiloni! Vullusani okumaanyu o osha murima wawoopiha wa Apwiya!

Yeremiya 51:45 ပူးပေါင်းရင်းမြစ်များ

Yawuupullulla 18:4

Nave kahiiwattho mawu amodda oovenyera oddullu ellotaka wi, “Khumaniwo athwaaka, wa olliyooyo! Khamunaphwanella wi mweerekena machimwaayaayo, khamunaphwanella wi mukawanena ollakiwa wayenko!

Yeremiya 51:6

Arive muthu mwa nyuwaano athawe, avenyewo o Babiloni wi avulluse okumaaye. Muhiiphiwena nimodda aallakiwaka. Nna sika nllapo nno Apwiya enaallakiiwa ni waahokollosella ddoonanara wunchichi.

Yesaya 48:20

Khumani mu ellapo ya Babiloni, thawani mu ellapo ya Akaldeya. Mullalleye ni okhuwa wunchichi ophiya o makomello a ellapo yavatthi, voollotani wi, “Apwiya ennamoopolla Yakobo, oorumeyelliiwa.”

2 Akorinto 6:17

Nave vano Apwiya Mulluku enallota wi, “Khumani variyari viwa nave muhipwesererane ni yaayo. Muhittannye ello yooripihiwa, nave kineerowaakhellani.

Mitteko 2:40

Petro ahaallalleyella athwaayo ni mawu oohiyanahiyana manchichi aalleella moollipa wi, “Mwiivulluse nyookha o ollaka onawanko wa athu oonanara amuttano!”

Yeremiya 50:8

“Muthawe o Babiloninko, muvenyewo o ellapo yeeyo, mwaambe okhumawo nyuwaano wonanko anankhoro vahoollo va eziweto.

Numeri 16:26

Mose ahaalleella athu a m'mullokonimmo wi, “Pepaani venyanivoni va misasa dda athu oonanaraalla nave muhinattannya erive ellwiiwa wi muhiiphelliwe nimodda ekaamba ya machimwiiwa.”

Zekariya 2:7

Nyu a o Ziyoni, nyu ookhalla variyari va a Babiloni, venyani, thawani!

Yeremiya 51:50

Apwiya enallota ni athwiiwa a o Babiloni wi, “Nyu muvulluwalle o nsupada na Babiloni, muvenyevo, muhiselliwe! Muwuupuwelle Apwiya ni Yerusalemu naari murekamenlle ni owaninyu.

Yeremiya 51:9

Amodda yaallota wi, ‘Naheesa omwinnya murete koma khaachinre. Hankoni nimuhiye, nimvenyerevo nave arive muthu aye owaniwa. Vawi mullatwaaye woowella oddullu, woophiya omiraponi.’ ”

Yeremiya 50:28

Kinnawiiwa athu oothawa ekhoto ya o Babiloni ellalleyaka dda ohokollosella ddoonanara wa Apwiya Mullukwaahu ekaamba yahoononga enyumbiiwa.