Yeremiya 51:44 - Mawu a Mulluku

⁴⁴ Kineeromullaka Beli, mulluku a Ababiloni, kineeromurapheyiha nnddo amiryalleeye. Mitundu dda athu kheddiwa ddiyattho wa olliye. “Mipanda dda Babiloni ddoomora!

Yeremiya 51:44 ပူးပေါင်းရင်းမြစ်များ

Yeremiya 51:58

Esiri dduullupalli dda Babiloni ddineeropwaramwasiwa, millako ddaye ddoorekama ddineerewoosiwa. Mitundu dda athu ddapharelle mutteko nivuddo, athu yaarimoona wiitopiha voomakani, vano ddinasha ni munllo.”

Yeremiya 51:34

Nebukadinezara mwene a o Babiloni oonoononga, oonipwesa ni onitathilla wonanko epalli yoohikhalla ni mutteko. Oonimirya wonanko ekonya, oovona ddoocha ddahu ddooddiva, vatulli viwa oonirapheya.

Yeremiya 50:2

Vuwiha ni ollalleya wa athu a mitundu ddittheddene. Imesa embendera! Ohivitthe erive ello! Babiloni oogonja! Mullukwaaye Beli oowullihiwa muru, Merodaki ootathilla murima. Mafano a Babiloni aawullihiwa muru wunchichi, milluku ddaye ddootathilla murima.

Yesaya 2:2

Va mallapo a muhoollo mwaango wa enyumba ya Apwiya oneerotthattusiwa woorekamesesa okhwaranya miyaango ddittheddene. Mitundu ddittheddene dda athu ddineerothamakella omwaangoninko.

Daniele 5:31

Sika Dariusi Mumedi ahaakha omwenooyo ari ni miyakha 62.

Daniele 5:26

Vano ottaphullella wiwa tti wawi, MENE sika wi Mulluku oheerengella mallapo a omwenaanyu nave woomalla.

Daniele 5:19

Ekaamba ya masiva yavahiwiiwa, athu a ellapo ddittheddene, mitundu ddittheddene ni ellotello ddoohiyanahiyana yaanatthukumella vamiitthoni viwa ni owoova. Yapaalla omwiipha muthu yaanamwiipha yapaalla omuhiya ni okumi yaanamuhiya. Yapaalla omuwelliha muthu yaanamuwelliha nave yapaalla omukitthiha yaanamukitthiha.

Daniele 4:22

Nyu amwene, muteekhooyo tti nyeene vawi mootthattuwa muullupalli ni amasiva. Ottekweenaanyu woophiya oddullu, omwenaanyu woophiya o malire mattheene a ellapo yavatthi.

Daniele 4:1

Mwene Nebukadinezara aarumiha mawu wa athu a ellapo ddittheddene, a mitundu ddittheddene, a ellotello ddoohiyanahiyana va ellapo yavatthi ettheene wi, “Murendelle okhalle ni nyuwaano.

Daniele 3:29

“Vano kinakeraatthiha lamulo nawi arive muthu a orive mutundu ni a erive ellotello amuvevulla Mulluku a Shadrake, Meshaki ni Abedenego aphaddiwephaddiwe nave enyumbaaye ekhalle ntepe. Khaavo mulluku mmodda oowora ovullusa mwawi ddiidda.”

Daniele 1:2

Apwiya yaamuvelleella m'mattani mwaye Yehoyakimu mwene a o Yuda vamodda ni ezipangizo ddimodda dda mu enyumba ya Mulluku. Nave aayaana o enyumba ya milluku ddaye o Babiloni addihiya mu ezipinda moosungellamo eyuuma.

Yeremiya 51:53

Naari Babiloni iitukhulleve ophiyera oddullu, allipiha mattatthaaye, kineeromuruma awoononga wi amugonjihe. Mi Apwiya koollota.’ ”

Yeremiya 51:47

Vano enthawi enimawa mvo kinaallakeemi mafano a Babiloni. Ellapo ettheene eneerowulliwa muru nave athwaaye attheene eneerewiiphiwa.

Yeremiya 51:18

Mafano khenna mutteko, tti oophwanella waavevulla, voollakiwani eneerewoonongiwa.

Yeremiya 50:15

Mukhuwelleni virive veko vawi oogonja nave mattatthaaye aamora, mipanda ddayettho ddohoonongeya. Nngu sika ohokollosella wa Apwiya. Sika muhokolloselleni ddoonanara moollikana ni mmo aweerelleeye amodda.

Yesaya 60:5

Oneerewoona ddenndda ni oneerohakallalla, murimaawo oneerothapella. Eyuuma yoonyanja eneerewuuweella, katundu a o ellapo ddittheddene aneerewuuphiyera.

2 Epilli 36:7

Nave Nebukadinezara aakusa eziwiya ddimodda dda mu enyumba ya Apwiya ayaana o Babiloni nave aaddihiya o enyumbaaye yoomwene o Babiloni.

Yesaya 21:9

Kawoonille athu eellieelli oowella va akavalo. Mmodda athwaayo aallota wi, ‘Oomora, oomora Babiloni. Mafano mattheene a milluku ddaye yoovakareyella vatthi.’ ”

Yobu 20:15

Eyuuma anayimiryeeye annayirapheya, Mulluku annayikhumiha m'mirimani mwaye.