Yeremiya 51:43 - Mawu a Mulluku

⁴³ Mizinda ddaye ddootthattuwa matepe, ellapo yawumma ni yeechipululu, ellapo yoohikhalla ni athu apaalle weetamo arive muthu.

Yeremiya 51:43 ပူးပေါင်းရင်းမြစ်များ

Yeremiya 2:6

Kheyaapwathille dda mi Apwiya naari kaakhumihalle o Iguputo ni waahoollella mu echipululu, mu ellapo yawumma ni yookateyakateya, mu ellapo yeettalla ni yeepiphi yinchichi, mu ellapo yoohivireya ni muthu, nko ohinakhalla muthu.

Yesaya 13:20

Athu khewa ekhallamottho va mibado ddittheddene. Arive Aweeteeta khawa amakawottho musasa wenko nave arive mbusa khawa achihawottho eziweto ddaye.

Yeremiya 51:29

Ellapo yavatthi enimatthukumella, enimanyiphireya ekaamba ya ovoreya vawi Apwiya enakwakhwanihella nnddo Apwiya yaganizalliiwa ddoomutthattusa Babiloni echipululu, ellapo yoohikhalla ni athu.

Yeremiya 51:37

Sika Babiloni aneerotthattuwa ntepe, nipuro na akhuddupa, nipuro nawoopiha ni nipuro noosoonyiha, noohikhalliwa ni arive muthu.

Yeremiya 50:12

muzindaanyu oneerowullihiwa muru wunchichi. Muzinda oyo tti wonanko amowaanyu oneeronyaambusiwa. Ddawoona, Ababiloni enaakhalle oomallihella mwa mitundu ddittheddene dda athu. Mizinda ddiwa ddinaakhalle wonanko nihaka apaalle ellapo yawumma yeechipululu.

Masalimo 46:8

Waawoni moone mitteko dda Apwiya, mmo eneerelliiwa ddoottikhiniha va ellapo yavatthi.

Yesaya 47:11

Otulli oneerewuumorella, khowora owurapella ni masengaawo. Mullilli woohithaweya oneerewuuphiyera, woononga woohitiyerella aneerewuuphwanya moorurumusa.

Yeremiya 51:62

Vatulli viwa wavekelle wi, ‘Nyu Apwiya moollalleya yoolingaanyu yoopaalla woononga nipuronna, oohihiyavo ello, muthu apaalle enama. Nave enaakhalle echipululu wa enthawi yoohimalla.’

Yesaya 34:13

Miiwa ddoohiyanahiyana ddineeromella mu enyumba ddaye ddakhoto ddooteteziwa ni m'mipandani mwaye. Nave ninaakhalle nipuro na akhatwe ni owaniwa wa nthiwatiwa.

Yeremiya 18:16

Ellapwiiwa aayitthattusa ntepe ni yoonyaambusiwa wa enthawi yoohimalla. Arive muthu ooviramo aneerekottikhina navettho aneerekotikha muru.