Yeremiya 51:36 - Mawu a Mulluku

³⁶ Nave Apwiya yaallota wi, “Kineerowiimellellani va mullatwaanyu nave kineerewaahokollosella ddoonanara adanaanyu. Kineerewummiha maaddi a o Babiloni, aneetuutwaaye attheene eneerowelleella.

Yeremiya 51:36 ပူးပေါင်းရင်းမြစ်များ

Aroma 12:19

Ookondiwaaka, muhihokolloselleke yoonanara koma m'muhiyere Mulluku ahokolloselle moollikana ni osha murima waye. Vawi aallota mu mawaaye wi, “Ohokollosella ddoonanara tti waaka, miyaano sika kinallaka.”

Yeremiya 50:38

Nndduwa nummihe maaddaaye wi mihinje ddiwelleelle. Valle Babiloni tti ellapo yamafano, athwaaye aakarangeyana mafanwaayo.

Masalimo 140:12

Nyu Apwiya kinnadduwella wi munnaateteza oohoosiwa, munnaweeruza mweechilungamo athu oopaneya.

Yesaya 44:27

Miyaano sika kinalleella Enyanja Yuullupalli wi, ‘Umma nave mihinje ddawottho kineeroddummiha.’

Deuteronomo 32:43

“Ariiheni athu a Apwiya, nyu mitundu dda athu. Apwiya ennaallaka attheene oowiipha athwiiwa, ennaahokollosella adaniiwa, ennavenyiha nichimo mwiillaponi mwa athwiiwa.”

Deuteronomo 32:35

Ollaka ni ohokollosella ddoonanara tti ddaaka, enthawi ya oserenguwa wiwa eneerophiya, vawi enthawi ya otulliiwa yohaatamella, woonongiwa wiwa onnaakuva.

Yawuupullulla 16:12

Mungelo aneetthanu ni mmodda aahella embalaaye m'muhinjeni muullupalli wa Yufurate. Vano muhinjooyo wahumma waavaha ettilla mamwene oovenyera wookhuma nndduwa.

Yeremiya 51:6

Arive muthu mwa nyuwaano athawe, avenyewo o Babiloni wi avulluse okumaaye. Muhiiphiwena nimodda aallakiwaka. Nna sika nllapo nno Apwiya enaallakiiwa ni waahokollosella ddoonanara wunchichi.

Yesaya 43:14

Apwiya, Oowoopollanaanyu, Aweella a Israele enallota wi, “Kineeroruma mulloko wa akhoto wallipane ni Babiloni wi kuuvulluseni. Kineerokumulla millako dda muzindooyo, ohakallalla wa athu oneerotthattuwa winlla.

Miyambo 23:11

vawi oowoopolliiwa oollipa aneerowiimellella vamiitthoni vawo.

Miyambo 22:23

Vawi Apwiya eneerewaateteza va mullatwiiwa nave eneerowaakha okumi ayo enawaakha.

Masalimo 107:33

Yaatthattusa mihinje ddikhalla echipululu, aneetuutu ekhalla ethaya yawumma.

Yesaya 19:5

Muhinje wa Nailo oneerowelleella ni wumma tondoro.

Yeremiya 51:11

“Tthokollani mipaamba, kusani ezishango. Apwiya aanyanyulla mirima dda mamwene a Amedi vawi yoopaalliiwa tti yawi emoononge Babiloni. Enapaalla emuhokolloselle yoonanara kaambiiwa ahoononga enyumbiiwa.

Hoseya 13:15

Naari Efuremu ahakallallille wonanko epango, ephevo ya wookhuma nndduwa, ephevo ya Apwiya eneerewoopa ovenyera ochipululuni. Sika aneetuutu eneerowelleella nave mathiyaaye eneerewumma. Adani eneerewoononga eyuumaaye yoowallamella mutengo.

Ezekiele 25:14

Kineeromullaka Edomu ni nnatta na athwaaka Aisraele. Eneeromweerella moollikana ni mmo osha murima waka ni owallaaka onaapaallelliiwa. Sika aneerewoona ohokollosella ddoonanara waka. Mi Apwiya Mulluku koollota.’ ”